ഖേലോ ഇന്ത്യ: ഹിമാചൽ പ്രദേശിനെതിരെ 28-0ന്റെ റെക്കോർഡ് ജയവുമായി കേരളം

ഏകപക്ഷീയമായ 28 ഗോളുകൾക്കാണ് കേരളം ഹിമാചൽ പ്രദേശിനെ പരാജയപ്പെടുത്തിയത്

പുണെ: പുണെയിൽ നടക്കുന്ന ഖേലോ ഇന്ത്യ യൂത്ത് ഗെയിംസ് ഫുട്ബോളിൽ കേരളത്തിന് തകർപ്പൻ ജയം. ഏകപക്ഷീയമായ 28 ഗോളുകൾക്കാണ് കേരളം ഹിമാചൽ പ്രദേശിനെ പരാജയപ്പെടുത്തിയത്. മത്സരത്തിലുടനീളം ഗോളുകൾ കണ്ടെത്തുന്നതിൽ കേരളത്തിന്രെ പെൺകുട്ടികൾ വിജയിക്കുകയായിരുന്നു. മേഘ്ന മാത്രം ഏഴ് ഗോളുകളാണ് ഹിമാചൽ വലയിൽ നിറച്ചത്.

മേഘ്നയുടെ ഏഴ് ഗോൾ നേട്ടത്തിന് പുറമെ സോന അഞ്ച് ഗോളുകളും നേടി. ശ്രീലക്ഷ്മി, അമയ എന്നീ താരങ്ങൾ മൂന്ന് തവണ ലക്ഷ്യം കണ്ടപ്പോൾ അഭിരാമി, ഭാഗ്യ, അനന്യ എന്നിവർ രണ്ട് ഗോളുകൾ വീതവും നേടി.

അതേസമയം, അണ്ടർ 21 ആൺകുട്ടികളുടെ പോരാട്ടത്തിൽ കേരളം ഛണ്ഡിഗഡിനോട് സമനില വഴങ്ങി. ഓരോ ഗോൾ വീതം നേടിയാണ് ഇരു ടീമുകളും മത്സരം സമനിലയിൽ അവസാനിപ്പിച്ചത്. ഗോൾരഹിതമായ ആദ്യ പകുതിക്ക് ശേഷം 62-ാം മിനിറ്റിൽ ധ്രൂവിലൂടെ എതിരാളികളാണ് മുന്നിലെത്തിയത്. ഒമ്പത് മിനിറ്റുകൾക്കപ്പുറം ഹബീബ് റഹ്മാൻ കേരളത്തെ ഒപ്പമെത്തിക്കുകയായിരുന്നു.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Khelo india kerala getting a record victory against himachal pradesh

Next Story
ഹാർദിക് പാണ്ഡ്യയ്ക്ക് വിലക്ക് വീണാൽ പകരക്കാരനെ കണ്ടെത്തി വിരാട് കോഹ്‌ലിVirat Kohli, World Cup Cricket, Indian Cricket Team Captain
The moderation of comments is automated and not cleared manually by malayalam.indianexpress.com
Best of Express