scorecardresearch
Latest News

ദേശീയ സീനിയർ വോളി: കേരളത്തിന്റെ വനിതകൾക്കും വിജയത്തുടക്കം

ശക്തമായ പോരാട്ടത്തിൽ തെലങ്കാനയെ പിന്തള്ളി കേരളം

kerala, volleyball, വോളിബോൾ, women volleyball, വനിത വോളിബോൾ, sports malayalam, sports malayalam news, ക്രിക്കറ്റ് ന്യൂസ്, sports news cricket, iemalayalam, ഐഇമലയാളം sports cricket, സ്പോർട്സ് ന്യൂസ്, sports news, india cricket, ഇന്ത്യൻ ക്രിക്കറ്റ്, indian national cricket team, ഇന്ത്യൻ ക്രിക്കറ്റ് ടീം ക്യാപ്റ്റൻ, cricket sport, സ്പോർട്സ്, scorecard india, സ്പോർട്സ് വാർത്തകൾ, scoreboard,കായിക വാർത്തകൾ, indian express, ഇന്ത്യൻ എക്സ്പ്രസ്, indian express epaper, express sports, എക്സ്പ്രസ് സ്പോർട്സ്,

കോഴിക്കോട്: ദേശീയ സീനിയർ വോളിബോൾ ചാമ്പ്യൻഷിപ്പിലെ ആദ്യ മത്സരത്തിൽ കേരളത്തിന്റെ വനിത ടീമിനും വിജയം. കരുത്തരായ തെലങ്കാനയെ നേരിട്ടുളള സെറ്റുകൾക്കാണ് കേരളത്തിന്റെ വനിത ടീം തോൽപ്പിച്ചത്. സ്കോർ 25-16, 25-14,25-23 .

9 വർഷത്തെ കിരീട വരൾച്ച അവസാനിപ്പിക്കാനാണ് കേരള വനിത ടീം ഇത്തവണ ഇറങ്ങുന്നത്. കരുത്തരായ തെലങ്കാനയ്ക്കെതിരെ മികച്ചൊരു മത്സരത്തോടെയാണ് കേരളം തുടങ്ങിയത്. ആദ്യ സെറ്റിൽ തുടക്കം മുതലേ ലീഡ് എടുത്ത കേരളം അനായാസമാണ് കുതിച്ചത്. തകർപ്പൻ സ്മാഷുകളുമായി അഞ്ജു ബാലകൃഷ്ണനും രേഖ എസും കേരളത്തിനായി കളംനിറഞ്ഞ് കളിച്ചു. ബ്ലോക്കിങ്ങിലും ഫിനിഷിങ്ങിലും മികച്ച പ്രകടനം പുറത്തെടുത്ത കേരളം ആദ്യ സെറ്റ് 25-16 എന്ന സ്കോറിനാണ് ജയിച്ചത്.

രണ്ടാം സെറ്റിലും തങ്ങളുടെ ഫോം തുടർന്ന കേരളം തെലങ്കാനയെ നിലം തൊടാൻ അനുവദിച്ചില്ല. 25-14 എന്ന സ്കോറിനാണ് കേരളത്തിന്രെ വിജയം. മൂന്നാം സെറ്റിൽ പ്രധാന താരങ്ങളെ പിൻവലിച്ച് പരിശീലകൻ സണ്ണി ജോസഫ് കേരളത്തിന്റെ സബ്സ്റ്റിറ്റ്യൂട്ട് താരങ്ങൾ അവസരം നൽകി. എന്നാൽ ഈ മാറ്റം മുതലെടുത്ത തെലങ്കാന കേരളത്തിന് കടുത്ത വെല്ലുവിളി ഉയർത്തി. ഓരോ പോയിന്റിനും വേണ്ടി കേരളത്തിനെ വെള്ളം കുടിപ്പിച്ച തെലങ്കാന 22-22 എന്ന സ്കോർവരെ പൊരുതി നോക്കി. എന്നാൽ സായി തലശ്ശേരിയുടെ താരം സൂര്യ എസ് രക്ഷകയായി അവതരിച്ചതോടെ കേരളം 25-23 എന്ന സ്കോറിന് മൂന്നാം സെറ്റും മാച്ചും സ്വന്തമാക്കുകയായിരുന്നു.

നേരത്തെ കേരള പുരുഷ ടീം ആദ്യ മത്സരത്തിൽ രാജസ്ഥാനെ തകർത്തിരുന്നു. നേരിട്ടുളള സെറ്റുകൾക്കായിരുന്നു കേരളത്തിന്റെ വിജയം. സ്കോർ 25-20,25-13,25-13.

Stay updated with the latest news headlines and all the latest Sports news download Indian Express Malayalam App.

Web Title: Kerala womans volley team starts with a victory in 66th national senior volley championship kozhikode