Latest News
സാമൂഹിക കണക്ഷന്‍ ‘നെറ്റ്‌വര്‍ക്ക്’ ആക്കി ഒരു സ്‌കൂള്‍; ഓണ്‍ലൈന്‍ പഠനത്തിന് ഒരുക്കുന്നത് 250 വൈഫൈ കേന്ദ്രങ്ങള്‍
ഡെല്‍റ്റ പ്ലസ് വകഭേദം: ഇന്ത്യയില്‍ 40 കേസുകള്‍ റിപ്പോര്‍ട്ട് ചെയ്തു
രാജ്യദ്രോഹ കേസ്: ഐഷ സുൽത്താനയെ ചോദ്യം ചെയ്യുന്നു
കോവിഡ് മരണം തടയുന്നതില്‍ ഒരു ഡോസ് വാക്സിന് 82 ശതമാനം ഫലപ്രദം

ഒമ്പത് വർഷത്തെ ‘ശനിദശ’ മാറ്റാനുറച്ച് കേരളത്തിന്റെ പെൺകൊടികൾ

കോഴിക്കോടിന്റെ മണ്ണിൽ കപ്പ് ഉയർത്താൻ കേരള ടീം ഒരുങ്ങുന്നു

കോഴിക്കോട്: ദേശീയ സീനിയർ വോളിബോൾ ചാമ്പ്യൻഷിപ്പിന് നാളെ തുടക്കമാകാൻ ഇരിക്കെ മികച്ച തയ്യാറെടുപ്പിലാണ് കേരളത്തിന്റെ വനിത ടീം. ദേശീയ ചാമ്പ്യൻഷിപ്പിൽ കഴിഞ്ഞ ഒമ്പത് വർഷമായി കലാശപോരാട്ടത്തിൽ കലമുടയ്ക്കുന്നവരെന്ന പേരുദോഷം മാറ്റാനുറച്ചാണ് ഇത്തവണ ഇവർ കളത്തിൽ ഇറങ്ങുന്നത്. പരിചയ സമ്പന്നതയും യുവത്വത്തിന്റെ ആവേശവും നിറഞ്ഞ താരങ്ങളാണ് ഇത്തവണ കേരളത്തിനായി അണി നിരക്കുന്നത്.

കേരള പൊലീസ് താരം അഞ്ജു മോളാണ് ഇത്തവണ കേരളത്തെ നയിക്കുന്നത്. കെഎസ്ഇബി താരങ്ങളായ എസ്.രേഖ, എം.ശ്രുതി, കെ.എസ്.ജിനി, ഇ.അശ്വതി, അഞ്ജു ബാലകൃഷ്ണൻ ഫാത്തിമ റുക്സാന, കെ.പി.അനുശ്രീ എന്നിവരാണ് കേരള ടീമിലെ പരിചയസമ്പന്നരായ താരങ്ങൾ. സായി താരങ്ങളായ എസ്.സൂര്യ, അഞ്ജലി സാബു, ചങ്ങനാശേരി അസംപ്ഷൻ കോളേജ് താരം എൻ.എസ്.ശരണ്യ, ആലുവ സെന്റ് സേവിയേഴ്സ് കോളേജ് താരം അശ്വതി രവീന്ദ്രൻ എന്നിവരാണ് കേരള ടീമിലെ യുവരക്തങ്ങൾ.

പരിചയ സമ്പന്നനായ സണ്ണി ജോസഫാണ് വനിത ടീമിന്റെ മുഖ്യ പരിശീലകൻ. പോയ വർഷങ്ങളിലെല്ലാം ഫൈനലിന്റെ സമ്മർദ്ദമാണ് കേരളത്തിന് കിരീടം നഷ്ടമാക്കിയതെന്നും ഇത്തവണ സ്വന്തം കാണികൾക്ക് മുന്നിൽ കേരളം കപ്പ് ഉയർത്തുമെന്നും സണ്ണി ജോസഫ് ആത്മവിശ്വാസത്തോടെ പറയുന്നു. നവാസ് വഹാബാണ് ടീമിന്റെ സഹപരിശീലകൻ.

കരുത്തരായ മഹാരാഷ്ട്ര, ഉത്തർപ്രദേശ്, തെലങ്കാന എന്നീ ടീമുകൾ അണിനിരക്കുന്ന ഗ്രൂപ്പ് ‘ബി’യിലാണ് കേരളവും അണിനിരക്കുന്നത്. സെമി​ഫൈനലിലേക്ക് അനായാസം കേരളത്തിന് എത്താമെങ്കിലും പിന്നീടുളള മൽസരങ്ങൾ​ ദുഷ്കരമാകും. മലയാളി താരങ്ങളുടെ കരുത്തിൽ അണിനിരക്കുന്ന റെയിൽവേസാണ് കേരളത്തിന്റെ പ്രധാന എതിരാളികൾ. കഴിഞ്ഞ ഒമ്പത് വർഷമായി ഫൈനലിൽ കേരളം റെയിവേയോടാണ് തോറ്റത്.

കേരളത്തിന്റെ കളികൾ

വനിതകൾ

21- 7.00pm – കേരളം Vs തെലങ്കാന
22 – 6.00pm – കേരളം Vs ഉത്തർപ്രദേശ്
23 – 8.30pm കേരളം Vs മഹാരാഷ്ട്ര

പുരുഷന്മാർ

21 – 4.30pm കേരളം Vs രാജസ്ഥാൻ
22 – 4.30pm കേരളം Vs ആന്ധ്രപ്രദേശ്
23 – 5.30pm കേരളം ​Vs പഞ്ചാബ്

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Kerala womans team looks for glory 66th national senior volleyball championship kozhikode

Next Story
‘എന്റെ ഒരേയൊരു’… അനുഷ്കയുടെ ഓർമകളിൽ വിരാട് കോഹ്‌ലി
The moderation of comments is automated and not cleared manually by malayalam.indianexpress.com