തിരുവനന്തപുരം: രഞ്ജി ട്രോഫി ക്രിക്കറ്റിൽ രണ്ടാം ഇന്നിങ്സിലും തകർന്നടിഞ്ഞ് ആന്ധ്രപ്രദേശ്. കേരളം ഉർത്തിയ 74 റൺസൊന്ന ചെറിയ ലീഡ് പിന്തുടർന്ന് രണ്ടാം ഇന്നിങ്സ് ബാറ്റിങ്ങിനിറങ്ങിയ ആന്ധ്ര ഒരു ഘട്ടത്തിൽ ഇന്നിങ്സ് തോൽവി വരെ പ്രതീക്ഷിച്ചു. മൂന്നാം ദിനം കളി അവസാനിക്കുമ്പോൾ ആന്ധ്രപ്രദേശ് 8 വിക്കറ്റ് നഷ്ടത്തിൽ 102 റൺസ് എന്ന നിലയിലാണ്.

ഒന്നാം ഇന്നിങ്സിൽ സെഞ്ചുറി നേട്ടത്തോടെ കേരളത്തിന്റെ ബാറ്റിങ്ങിൽ നിർണ്ണായക പങ്ക് വഹിച്ച ജലജ് സക്സേന ഇത്തവണ ബോളിങ്ങിൽ തിളങ്ങുകയായിരുന്നു. 44 റൺസ് വഴങ്ങി ഏഴ് വിക്കറ്റുകളാണ് സക്സേന വീഴ്ത്തിയത്.

ആന്ധ്രപ്രദേശ് ടീം സ്കോർ 29 ൽ എത്തുമ്പോഴെക്കും മൂന്ന് മുൻനിര ബാറ്റ്സ്മാന്മാരെയും സക്സേന മടക്കി. അടുത്ത ഊഴം കെ സി അക്ഷയിയുടേത്. ആന്ധ്ര നായകനെ റൺസൊന്നും എടുക്കാൻ അനുവദിക്കാതെ അക്ഷയ് മടക്കി. പിന്നിട് കൃത്യമായ ഇടവേളകളിൽ സക്സേന വിക്കറ്റുകൾ വീഴ്ത്തി. പുറത്താകാതെ 30 റൺസ് എടുത്ത റിക്കി ഭൂയിയാണ് ആന്ധ്രയുടെ ടോപ്പ് സ്കോറർ.

നേരത്തെ ഒരു വിക്കറ്റ് നഷ്ടത്തിൽ 227 എന്ന നിലയിൽ മൂന്നാം ദിനം ബാറ്റിംഗ് ആരംഭിച്ച കേരളത്തിന് 101 റൺസ് കൂട്ടിച്ചേർക്കുന്നതിനിടെ 9 വിക്കറ്റുകളും നഷ്ടപ്പെടുകയായിരുന്നു‌. ഈ സീസണിലെ ആദ്യ വിജയമാണ് കേരളം ലക്ഷ്യമിടുന്നത്. ആദ്യ മത്സരത്തിൽ ഹൈദരാബാദിനോട് കേരളം സമനില വഴങ്ങിയിരുന്നു

Get Malayalam News and latest news update from India and around the world. Stay updated with today's latest Sports news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ