Latest News
അടുത്ത പൊതു അവധി ദിവസങ്ങൾ പ്രഖ്യാപിച്ചു

നെഞ്ചുവേദന; കപിൽ ദേവ് ആശുപത്രിയിൽ, അടിയന്തര ശസ്‌ത്രക്രിയ

കപിലിനെ ആശുപത്രിയിൽ പ്രവേശിപ്പിച്ച വിവരം കായിക പ്രേമികൾ ഞെട്ടലോടെയാണ് ഉൾക്കൊണ്ടത്

Kapil Dev

ന്യൂഡൽഹി: ക്രിക്കറ്റ് ഇതിഹാസം കപിൽ ദേവിനെ നെഞ്ചുവേദനയെ തുടർന്ന് ആശുപത്രിയിൽ പ്രവേശിപ്പിച്ചു. ഡൽഹിയിലെ ആശുപത്രിയിലാണ് അദ്ദേഹം ഇപ്പോൾ ചികിത്സയിൽ കഴിയുന്നത്. കപിലിനെ ആൻജിയോപ്ലാസ്റ്റി സർജറിക്ക് വിധേയനാക്കി. അദ്ദേഹത്തിന്റെ ആരോഗ്യനിലയെ കുറിച്ച് കൂടുതൽ വിവരങ്ങൾ പുറത്തുവന്നിട്ടില്ല.

Read Also: വാട്‌സാപ്പ് ചാറ്റ് എന്നേക്കുമായി മ്യൂട്ട് ചെയ്യണോ? വഴിയുണ്ട്

കപിലിനെ ആശുപത്രിയിൽ പ്രവേശിപ്പിച്ച വിവരം കായിക പ്രേമികൾ ഞെട്ടലോടെയാണ് ഉൾക്കൊണ്ടത്. ഹർഷ ഭോഗ്‌ലെ അടക്കമുള്ള പ്രമുഖർ കപിൽ അതിവേഗം സാധാരണ നിലയിലേക്ക് തിരിച്ചെത്തട്ടെ എന്ന് ട്വീറ്റ് ചെയ്തിട്ടുണ്ട്.

ഇന്ത്യയിലെ എക്കാലത്തെയും മികച്ച ഓൾറൗണ്ടർമാരിൽ ഒരാളാണ് കപിൽ ദേവ്. 1983 ലെ ക്രിക്കറ്റ് ലോകകപ്പിൽ ഇന്ത്യ കിരീടം ചൂടുമ്പോൾ കപിൽ ദേവ് ആയിരുന്നു നായകൻ. ഇന്ത്യയ്‌ക്ക് ആദ്യമായി ലോകകപ്പ് നേടിത്തന്ന നായകനെന്ന വിശേഷണം കപിലിന് സ്വന്തം. 1983 ൽ വെസ്റ്റ് ഇൻഡീസിനെ തോൽപ്പിച്ചാണ് ഇന്ത്യ ആദ്യ ലോകകപ്പ് സ്വന്തമാക്കിയത്. ക്രിക്കറ്റിൽ നിന്ന് വിരമിച്ച ശേഷവും കമന്ററി രംഗത്ത് സജീവമാണ് കപിൽ ദേവ്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Kapil dev suffers heart attack hospitalized

Next Story
IPL 2020-SRH vs RR: മനീഷ് പാണ്ഡെയുടെ കരുത്തിൽ സണ്‍റൈസേഴ്‌സ് ഹൈദരബാദിന് ജയം
The moderation of comments is automated and not cleared manually by malayalam.indianexpress.com