വിക്കറ്റ് വേട്ടയിൽ ലോകറെക്കോഡ് സ്വന്തമാക്കി ഇന്ത്യൻ വനിത താരം ജൂലൻ ഗോസ്വാമി

ഓസ്ട്രേലിയൻ താരം കാതറിൻ ഫിറ്റ്സ്പാട്രിക്കന്റെ പേരിലുള്ള റെക്കോഡാണ് ഇന്ത്യൻ താരം മറികടന്നിരിക്കുന്നത്.

വനിതാ ക്രിക്കറ്റിൽ ചരിത്രനേട്ടവുമായി ഇന്ത്യൻ താരം ജൂലൻ​ ഗോസ്വാമി. ഏകദിനത്തിൽ​ ഏറ്റവും കൂടുതൽ വിക്കറ്റുകൾ നേടുന്ന താരമെന്ന നേട്ടമാണ് ഇന്ത്യയുടെ ഫാസ്റ്റ് ബോളർ ജൂലൻ സ്വന്തമാക്കിയിരിക്കുന്നത്. 181 വിക്കറ്റുകളാണ് ജൂലൻ ഗോസ്വാമി സ്വന്തമാക്കിയിരിക്കുന്നത്. ഓസ്ട്രേലിയൻ താരം കാതറിൻ ഫിറ്റ്സ്പാട്രിക്കന്റെ പേരിലുള്ള റെക്കോഡാണ് ഇന്ത്യൻ താരം മറികടന്നിരിക്കുന്നത്.

തന്റെ 153 ആം ഏകദിന മത്സരത്തിലാണ് ഗോസ്വാമി ഈ നേട്ടം കൈവരിക്കുന്നത്. വർഷങ്ങളായി ഇന്ത്യൻ വനിത ടീമിലെ സ്ഥിര സാന്നിധ്യമാണ് ഈ വലങ്കയ്യൻ പേസർ. ദക്ഷിണാഫ്രിക്കയ്ക്ക് എതിരെ ഇന്ന് നടന്ന മത്സരത്തിലാണ് ഗോസ്വാമി ഈ നേട്ടം കൈവരിച്ചത്. 34 വയസ്സുകാരിയായ ജൂലൻ ഗോസ്വാമി ടെസ്റ്റിൽ 40 വിക്കറ്റുകളും ട്വന്റി- 20യിൽ 50 വിക്കറ്റുകളും നേടിയിട്ടുണ്ട്.

വിക്കറ്റ് വേട്ടക്കാരുടെ പട്ടികയിൽ നാലാം സ്ഥാനക്കാരിയും ഇന്ത്യൻ താരം തന്നെയാണ്. 141 വിക്കറ്റുകൾ നീതു ഡേവിഡാണ് പട്ടികയിലെ മറ്റൊരു ഇന്ത്യൻ സാന്നിധ്യം.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Jhulan goswami becomes leading wicket taker in womens odis

Next Story
ധോണിക്ക് ഇന്ത്യൻ സിമന്റ്സ് നൽകിയ അപ്പോയ്മെന്റ് ലെറ്ററും ശമ്പള വിവരവും പുറത്ത് വിട്ട് ലളിത് മോദിm s dhoni
The moderation of comments is automated and not cleared manually by malayalam.indianexpress.com
Best of Express