Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

ജസ്പ്രീത് ബുംറ വിവാഹിതനായി, വധു സ്‌പോർട്സ് അവതാരക സഞ്ജന ഗണേശൻ

താൻ വിവാഹിതനായ വിവരം ബുംറ തന്നെയാണ് ചിത്രങ്ങൾ പങ്കുവച്ചുകൊണ്ട് സമൂഹമാധ്യമങ്ങളിലൂടെ അറിയിച്ചത്

Jasprit Bumrah, ie malayalam

ഇന്ത്യൻ ക്രിക്കറ്റ് താരം ജസ്പ്രീത് ബുംറ വിവാഹിതനായി. മോഡലും സ്പോർട്സ് അവതാരകയുമായ സഞ്ജന ഗണേശനാണ് വധു. ഗോവയിലെ സ്വകാര്യ ഹോട്ടലിൽ നടന്ന ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. കോവിഡ് മാനദണ്ഡങ്ങൾ പാലിച്ച് അതീവ രഹസ്യമായിട്ടായിരുന്നു വിവാഹം.

താൻ വിവാഹിതനായ വിവരം ബുംറ തന്നെയാണ് ചിത്രങ്ങൾ പങ്കുവച്ചുകൊണ്ട് സമൂഹമാധ്യമങ്ങളിലൂടെ അറിയിച്ചത്. ഞങ്ങളൊരുമിച്ച് പുതിയ യാത്ര തുടങ്ങുന്ന ദിവസമാണ് ഇന്നെന്നും നിങ്ങളുടെ എല്ലാവരുടെയും ആശംസയും അനുഗ്രഹവും ഒപ്പം വേണമെന്നുമാണ് ബുംറ കുറിച്ചത്. സഹതാരങ്ങളും ആരാധകരും ബുംറയ്ക്ക് ആശംസകൾ അറിയിച്ചിട്ടുണ്ട്.

ഇംഗ്ലണ്ടിനെതിരായ അവസാന ടെസ്റ്റ് മത്സരത്തില്‍ നിന്നും ബുംറയ്ക്ക് ബിസിസിഐ അവധി നല്‍കിയതു മുതൽ താരത്തിന്റെ വിവാഹവുമായി ബന്ധപ്പെട്ട വാർത്തകൾ പുറത്തുവന്നിരുന്നു. ഇംഗ്ലണ്ടിനെതിരായ ടെസ്റ്റ് പരമ്പരയിൽ നിന്ന് വ്യക്തിപരമായ കാരണങ്ങളാൽ പിൻമാറുകയാണെന്ന് ബിസിസിഐ അറിയിച്ചാണ് ബുംറ ക്രിക്കറ്റിൽ നിന്ന് അവധിയെടുത്തത്. ഇതിനു പിന്നാലെ ബുംറയുടെ വിവാഹ വാർത്തകളും പുറത്തുവന്നു തുടങ്ങി. ബുംറയുടെ വധുവിന്റെ കാര്യത്തിലും പല അഭ്യൂഹങ്ങളും പരന്നിരുന്നു.

ഇന്ത്യയ്ക്കായി 19 ടെസ്റ്റും, 67 ഏകദിനങ്ങളും, 50 ടി 20 മത്സരങ്ങളും 27 കാരനായ ബുംറ കളിച്ചിട്ടുണ്ട്. 2016 ലാണ് ബുംറ രാജ്യാന്തര ക്രിക്കറ്റിൽ ഇന്ത്യയ്ക്കായി അരങ്ങേറ്റം നടത്തിയത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Jasprit bumrah marries tv presenter sanjana ganesan

Next Story
30 പന്തിൽ നിന്ന് അർദ്ധ സെഞ്ച്വറി; വിജയ് ഹസാരെ ട്രോഫിയിൽ 800 റൺസ് നേടുന്ന ആദ്യ താരമായി പൃഥ്വി ഷാPrithvi Shaw, Prithvi Shaw vijay hazare, Prithvi Shaw vijay hazare final, Prithvi Shaw fifty, Prithvi Shaw mumbai, cricket news, cricket news, വിജയ് ഹസാരെ ട്രോഫി, പൃഥ്വി ഷാ, ie malayalam
The moderation of comments is automated and not cleared manually by malayalam.indianexpress.com