ISL: ആദ്യ നാലിലെത്താന്‍ ബ്ലാസ്റ്റേഴ്സ്; ഇന്ന് ഈസ്റ്റ് ബംഗാളിനെതിരെ

Kerala Blasters vs SC East Bengal Live Streaming: ഇന്ത്യന്‍ സൂപ്പര്‍ ലീഗിലെ 15-ാം മത്സരത്തിന് കേരള ബ്ലാസ്റ്റേഴ്സ് ഇന്ന് ഇറങ്ങും. സീസണില്‍ ഒരു ജയം മാത്രം സമ്പാദ്യമായുള്ള എസ് സി ഈസ്റ്റ് ബംഗാളാണ് എതിരാളികള്‍. നിലവില്‍ പോയിന്റ് പട്ടികയില്‍ കൊമ്പന്മാര്‍ ആറാമതാണ്, ഈസ്റ്റ് ബംഗാള്‍ പത്താമതും. ജയിക്കാനായാല്‍ ആദ്യ നാലില്‍ എത്താന്‍ ബ്ലാസ്റ്റേഴ്സിന് സാധിക്കും.

സീസണിലെ ആദ്യ ഏറ്റുമുട്ടലില്‍ ഇരു ടീമുകളും സമനില പാലിച്ചിരുന്നു. അതിന് ശേഷം ലീഗില്‍ പ്രമുഖന്മാരെയും കരുത്തന്മാരെയും കീഴടക്കി ബ്ലാസ്റ്റേഴ്സ് മുന്നേറുകയായിരുന്നു. പക്ഷെ കഴിഞ്ഞ മൂന്ന് മത്സരത്തില്‍ രണ്ടിലും പരാജയം രുചിക്കേണ്ടി വന്നു. തോല്‍വി ടീമിന്റെ പ്രകടനത്തെ ബാധിക്കില്ലെന്നാണ് പരിശീലകൻ ഇവാന്‍ വുകുമനോവിച്ച് പറയുന്നത്.

ഈസ്റ്റ് ബംഗാളാകട്ടെ ഇതുവരെ തങ്ങളുടെ നിലവാരത്തിന് ഉയരാന്‍ കഴിയാതെ തുടരുകയാണ്. പരിശീലകന്‍ മനോളൊ ഡയാസിനെ പുറത്താക്കിയിട്ടും കാര്യമായ മാറ്റങ്ങള്‍ കളിയില്‍ കൊണ്ടുവരാന്‍ സാധിച്ചിട്ടില്ല എന്നതും പോരായ്മയാണ്. സീസണ്‍ നല്ല രീതിയില്‍ അവസാനിപ്പിക്കുക എന്നത് മാത്രമായിരിക്കും ഈസ്റ്റ് ബംഗാളിന്റെ ലക്ഷ്യം.

ഐഎസ്എല്ലില്‍ ഇതുവരെ മൂന്ന് തവണയാണ് ഈസ്റ്റ് ബംഗാളും ബ്ലാസ്റ്റേഴ്സും ഏറ്റുമുട്ടിയിട്ടുള്ളത്. ഒരു മത്സരം പോലും ജയിക്കാന്‍ ഇരു കൂട്ടര്‍ക്കും സാധിച്ചിട്ടില്ല. എല്ലാ മത്സരങ്ങളും സമനിലയില്‍ കലാശിച്ചു. നിലവിലെ ഫോം പരിഗണിക്കുമ്പോള്‍ ഇന്നത്തെ മത്സരത്തില്‍ ബ്ലാസ്റ്റേഴ്സിനാണ് മുന്‍തൂക്കം.

When will the ISL 2021/22 match between Kerala Blasters vs SC East Bengal take place?- മത്സരം എപ്പോഴാണ് നടക്കുന്നത്?

കേരള ബ്ലാസ്റ്റേഴ്സും ഈസ്റ്റ് ബംഗാളും തമ്മിലുള്ള മത്സരം ഇന്ത്യൻ സമയം രാത്രി 7:30നാണ്.

Where will the ISL 2021/22 match between Kerala Blasters vs SC East Bengal be held?- മത്സരം എവിടെയാണ് നടക്കുന്നത്?

തിലക് മൈദാന്‍ സ്റ്റേഡിയത്തില്‍ വച്ചാണ് മത്സരം നടക്കുന്നത്.

Where will the ISL 2021/22 match between Kerala Blasters vs SC East Bengal be broadcasted?- മത്സരത്തിന്റെ തത്സമയ സംപ്രേക്ഷണം എങ്ങനെ കാണാം?

മത്സരം സ്റ്റാർ സ്പോർട്സ് നെറ്റ്‌വർക്കിൽ സംപ്രേക്ഷണം ചെയ്യും.

Where will the ISL 2021/22 match between Kerala Blasters vs SC East Bengal be live-streamed?- മത്സരത്തിന്റെ ലൈവ് സ്ട്രീമിങ് എങ്ങനെ കാണാം?

മത്സരത്തിന്റെ ലൈവ് സ്ട്രീമിങ് ഹോട്ട്സ്റ്റാറിലും ജിയോ ടിവിയിലും ലഭ്യമാവും.

Also Read: ‘മുംബൈ മൗനം പാലിച്ചു, അവസാനം ഒരു മാസ്റ്റര്‍സ്ട്രോക്ക്’: ഇര്‍ഫാന്‍ പത്താന്‍