ചാമ്പ്യന്മാരെ മലര്‍ത്തിയടിച്ച് ബ്ലാസ്റ്റേഴ്സ്; സെമി സാധ്യത നിലനിര്‍ത്തി

സെമി സാധ്യത നിലനിര്‍ത്താനുള്ള നിര്‍ണായക മത്സരത്തില്‍ കേരള ബ്ലാസ്റ്റേഴ്സ് മുംബൈ സിറ്റിയെ പരാജയപ്പെടുത്തി. ഒന്നിനെതിരെ മൂന്ന് ഗോളുകള്‍ക്കായിരുന്നു മഞ്ഞപ്പടയുടെ വിജയം. ആല്‍വാരൊ വാസ്ക്വസ് ഇരട്ടഗോളുമായി തിളങ്ങി. സഹല്‍ അബ്ദുള്‍ സമദാണ് മറ്റൊരു സ്കോറര്‍.

കൂടുതല്‍ വായിക്കാം

• മുംബൈക്കാരോട് ‘ജാവോ’ന്ന് പറഞ്ഞു; ബ്ലാസ്റ്റേഴ്സിന്റെ സെമി സാധ്യതകള്‍ ഇങ്ങനെ
• വാസ്ക്വസിന് ഡബിള്‍, സഹലിന്റെ മാജിക്കും; മുംബൈയെ പഞ്ഞിക്കിട്ട് ബ്ലാസ്റ്റേഴ്സ്
• ‘ബ്ലാസ്റ്റേഴ്സ് ആറാടുകയാണ് ഗയ്സ്;’ വിജയം ആഘോഷിച്ച് പ്രശാന്തും സിപോവിച്ചും

ജയിച്ചാല്‍ മുന്നോട്ട്, തോറ്റാല്‍ ഒരു തിരിച്ചു വരവ് അസാധ്യം. മുംബൈ സിറ്റിയെ നേരിടാന്‍ ഇന്നിറങ്ങുന്ന കേരള ബ്ലാസ്റ്റേഴ്സിന്റെ ഐഎസ്എല്ലിലെ സാധ്യതയിതാണ്. നിര്‍ണായക മത്സരത്തില്‍ വിജയത്തില്‍ കുറഞ്ഞതൊന്നും പരിശീലകന്‍ ഇവാന്‍ വുകുമനോവിച്ച് ആഗ്രഹിക്കുന്നുണ്ടാകില്ല.

18 മത്സരങ്ങള്‍ വീതം കളിച്ച മുംബൈയും ബ്ലാസ്റ്റേഴ്സും പോയിന്റ് പട്ടികയില്‍ യഥാക്രമം നാലും അഞ്ചും സ്ഥാനങ്ങളിലാണുള്ളത്. മുംബൈയുമായിട്ടുള്ള പോരാട്ടത്തിന് ശേഷം ബ്ലാസ്റ്റേഴ്സിന്റെ ലീഗിലെ അവസാന മത്സരം ഗോവയുമായാണ്.

ചെന്നൈയിന്‍ എഫ് സിക്കെതിരെ 3-0 ന്റെ ഉജ്വല ജയം സ്വന്തമാക്കിയതിന് ശേഷമാണ് മുംബൈയെ നേരിടാന്‍ ബ്ലാസ്റ്റേഴ്സ് ഒരുങ്ങുന്നത്. അഡ്രിയാന്‍ ലൂണ എന്ന നായകന്റെ മധ്യനിരയിലെ മികവാണ് കഴിഞ്ഞ കുറച്ച് മത്സരങ്ങളിലായി ടീമിനെ തുണയ്ക്കുന്നത്.

ഗോളടിക്കാനും അടിപ്പിക്കാനുമുള്ള ലൂണയുടെ കഴിവ് സീസണിന്റെ തുടക്കം മുതല്‍ പ്രകടമായിരുന്നു. ഗോള്‍ ദാരിദ്ര്യകാലഘട്ടം പിന്നിട്ട് പെരേര ഡയാസ് വീണ്ടും സ്കോര്‍ ഷീറ്റില്‍ ഇടം പിടിച്ചത് ആശ്വാസകരമാണ്. മലയാളി താരം സഹല്‍ അബ്ദുള്‍ സമദിന്റെ പ്രകടനവും നിര്‍ണായകമായേക്കും.

ഗോവയേയും ഈസ്റ്റ് ബംഗാളിനേയും കീഴടക്കിയാണ് മുംബൈയുടെ വരവ്. ജയിക്കാനായാല്‍ സെമി സാധ്യത ഉറപ്പിക്കാന്‍ ടീമിന് കഴിയും. സീസണില്‍ ആദ്യ വട്ടം ഏറ്റുമുട്ടിയപ്പോള്‍ ബ്ലാസ്റ്റേഴ്സിനോട് മൂന്ന് ഗോളിന് മുംബൈ പരാജയപ്പെട്ടിരുന്നു.

When will the ISL 2021/22 match between Kerala Blasters vs Mumbai City FC take place?- മത്സരം എപ്പോഴാണ് നടക്കുന്നത്?

കേരള ബ്ലാസ്റ്റേഴ്സും മുംബൈ സിറ്റി എഫ് സിയും തമ്മിലുള്ള മത്സരം ഇന്ത്യൻ സമയം രാത്രി 7:30നാണ്.

Where will the ISL 2021/22 match between Kerala Blasters vs Mumbai City FC be held?- മത്സരം എവിടെയാണ് നടക്കുന്നത്?

തിലക് മൈദാന്‍ സ്റ്റേഡിയത്തില്‍ വച്ചാണ് മത്സരം നടക്കുന്നത്.

Where will the ISL 2021/22 match between Kerala Blasters vs Mumbai City FC be broadcasted?- മത്സരത്തിന്റെ തത്സമയ സംപ്രേക്ഷണം എങ്ങനെ കാണാം?

മത്സരം സ്റ്റാർ സ്പോർട്സ് നെറ്റ്‌വർക്കിൽ സംപ്രേക്ഷണം ചെയ്യും.

Where will the ISL 2021/22 match between Kerala Blasters vs Mumbai City FC be live-streamed?- മത്സരത്തിന്റെ ലൈവ് സ്ട്രീമിങ് എങ്ങനെ കാണാം?

മത്സരത്തിന്റെ ലൈവ് സ്ട്രീമിങ് ഹോട്ട്സ്റ്റാറിലും ജിയോ ടിവിയിലും ലഭ്യമാവും.

Also Read: Russia-Ukraine Crisis: റഷ്യക്ക് വിലക്കുമായി ഫിഫയും യുവേഫയും; ലോകകപ്പില്‍ തിരിച്ചടിയായേക്കും