Latest News

‘ഇനി കളിമാറിയിരിക്കും’; ഐഎസ്എല്ലില്‍ ഇതുവരെ ഇല്ലാത്ത മാറ്റത്തിന് തിരികൊളുത്തി ബെംഗളൂരു എഫ്‌സി

ഐഎസ്എല്ലിനെ ഇന്ത്യയുമായി കൂടുതല്‍ അടുപ്പിക്കാനും തീരുമാനം സഹായിക്കും

ഐഎസ്എല്ലില്‍ പുതിയ മാറ്റം. അഞ്ചാം സീസണോടെ ഇന്ത്യയില്‍ നിന്നുമുള്ള പരിശീലകര്‍ക്കും ടീമുകളുടെ ഹെഡ് കോച്ചാകാന്‍ സാധിക്കും. ഗാര്‍ഡന്‍ സിറ്റിയുടെ അസിസ്റ്റന്റ് കോച്ചായിരുന്ന കാര്‍ലെസ് ക്വദ്രത്തിനെ കഴിഞ്ഞ ദിവസം ബെംഗളൂരു എഫ്‌സിയുടെ പ്രധാന പരിശീലകനായി നിയമിച്ചിരുന്നു. ഇതോടെയാണ് ഐഎസ്എല്‍ ചരിത്രത്തിലെ പുതിയ ഏടിന് തുടക്കമായത്.

നേരത്തെ ഐഎസ്എല്ലില്‍ വിദേശ കോച്ചുമാരുമായി മാത്രമേ കരാറില്‍ എത്താന്‍ പാടുള്ളുവായിരുന്നു. മുന്‍ രാജ്യാന്തര താരങ്ങളോ പരിശീലകരോ ആയിരുന്നു ഇതുവരെയുള്ള പരിശീലകര്‍. ടീമിന് അകത്തും പുറത്തും താരങ്ങളെ എത്തിച്ച് മാര്‍ക്കറ്റില്‍ തിളക്കമുള്ള ബ്രാന്റായി ഐഎസ്എല്ലിനെ മാറ്റുക എന്നതായിരുന്നു തീരുമാനത്തിന് പിന്നില്‍. ഇതാണ് ഇപ്പോള്‍ മാറിയിരിക്കുന്നത്.

ഇനിമുതല്‍ എഎഫ്‌സി എ, പ്രോ ലൈസന്‍സുകളുള്ള ഇന്ത്യയില്‍ നിന്നുള്ളവര്‍ക്ക് ഐഎസ്എല്‍ ടീമുകളുടെ മാനേജരാകാന്‍ സാധിക്കും. നേരത്തെ മുഖ്യ പരിശീലകനാകണമെന്നു നിര്‍ബന്ധമില്ല. അസിസ്റ്റന്റ് കോച്ചായി നല്ല ട്രാക്ക് റെക്കോര്‍ഡുളളവരായാല്‍ മതിയാകും. കൂടാതെ ഇന്ത്യയില്‍ പരിശീലനം നടത്തിയവരാവുകയും വേണം.

ഇതോടെ തങ്ങളുടെ ടീമുകളെ ഇന്ത്യന്‍ സാഹചര്യങ്ങളുമായി അടുത്ത് പരിചയമുള്ള പരിശീലകരെ കൊണ്ട് പരിശീലിപ്പിക്കാനുള്ള അവസരമാണ് ടീമുകള്‍ക്ക് നല്‍കുന്നത്. ഐ ലീഗിലടക്കം തങ്ങളുടെ കഴിവ് തെളിയിച്ചിട്ടുള്ള ഇന്ത്യയില്‍ നിന്നും സര്‍ട്ടിഫിക്കറ്റ് നേടിയ കോച്ചുമാര്‍ക്കും ഇത് വലിയ അവസരമാണ് തുറന്നിടുന്നത്. ഐഎസ്എല്ലിനെ ഇന്ത്യയുമായി കൂടുതല്‍ അടുപ്പിക്കാനും തീരുമാനം സഹായിക്കും.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Isl clubs can appoint indian head coaches

Next Story
Uppum Mulakum: ഉപ്പും മുളകും കുടുംബത്തിലേക്ക് പുതിയ അതിഥി; മുടിയന്‍ ടെന്‍ഷനില്‍, ലെച്ചു ഹാപ്പിയാണ്uppum mulakum, uppum mulakum series latest episodes , ഉപ്പും മുളകും പാറുക്കുട്ടി, Parukutty Uppum Mulakum, Uppum Mulakum Parukutty, uppum mulakum series latest episodes video, uppum mulakum series, ഉപ്പും മുളകും, ഉപ്പും മുളകും സീരിയൽ, ഉപ്പും മുളകും ഇന്ന്, uppum mulakum video, uppum mulakum latest episode, uppum mulagum, ഉപ്പും മുളകും വീഡിയോ, ഉപ്പും മുളകും ബാലു, ഉപ്പും മുളകും നീലു, ഉപ്പും മുളകും ശിവ, ഉപ്പും മുളകും കേശു, ഉപ്പും മുളകും ലെച്ചു, ഉപ്പും മുളകും മുടിയൻ, ഉപ്പും മുളകും ഭവാനിയമ്മ, Uppum mulakum bhavaniyamma
The moderation of comments is automated and not cleared manually by malayalam.indianexpress.com