Latest News
രാജ്യത്ത് 44,230 പേർക്ക് കോവിഡ്; 555 മരണം
ഹർഡിൽസിൽ ജാബിർ പുറത്ത്; ബോക്സിങ്ങിൽ മെഡലുറപ്പിച്ച് ലവ്ലിന ബോർഗോഹൈൻ
അമ്പെയ്ത്തിൽ ദീപിക കുമാരി ക്വാർട്ടറിൽ; സ്റ്റീപ്പിൾ ചേസിൽ ദേശിയ റെക്കോഡ് തിരുത്തി അവിനാശ് സാബ്ലെ
സാഹിത്യകാരന്‍ തോമസ് ജോസഫ് അന്തരിച്ചു

വെറുമൊരു ടീമല്ല, വികാരമാണ് ബ്ലാസ്റ്റേഴ്‌സ്; ‘കലിപ്പില്ലാതെ’ കൊമ്പന്മാരുടെ പുതിയ തീം സോങ്

ഞങ്ങള്‍ക്ക് ഞങ്ങളുണ്ടെന്നും മഞ്ഞയ്ക്ക് മഞ്ഞയുണ്ടെന്നും പാട്ടിലൂടെ പറയുന്നു

കൊച്ചി: ഐഎസ്എല്ലിന് അരങ്ങുണരാന്‍ ഇനി ദിവസങ്ങള്‍ മാത്രമാണ് ബാക്കിയുള്ളത്. പ്രീ സീസണ്‍ മത്സരങ്ങളും ക്യാമ്പുകളുമായി ടീമുകള്‍ കട്ട പരിശീലനത്തിലാണ്. കഴിഞ്ഞ വര്‍ഷത്തെ മോശം പ്രകടനത്തിന് ഇത്തവണ കിരീടം നേടി മറികടക്കുകയാണ് ബ്ലാസ്റ്റേഴ്‌സിന്റെ ലക്ഷ്യം. ആരാധകര്‍ക്കായി പുതിയ തീം സോങ് അവതരിപ്പിച്ചിരിക്കുകയാണ് മഞ്ഞപ്പടയുടെ കൊമ്പന്മാര്‍.

പൂര്‍ണമായി മലയാളത്തിലാണ് ഗാനം തയ്യാറാക്കിയിരിക്കുന്നത്. ബ്ലാസ്റ്റേഴ്‌സ് ഒരു ടീമല്ല, വികാരമാണെന്ന കുറിപ്പോടെയാണ് തീം സോങ് ആരാധകര്‍ക്കിടയിലേക്ക് എത്തുന്നത്. ഞങ്ങള്‍ക്ക് ഞങ്ങളുണ്ടെന്നും മഞ്ഞയ്ക്ക് മഞ്ഞയുണ്ടെന്നും പാട്ടിലൂടെ പറയുന്നുണ്ട്. പതിനൊന്ന് താരങ്ങളും പന്ത്രണ്ടാമനായി ആരാധകരുമുണ്ടെന്നും പാട്ടില്‍ പറയുന്നു.

11 കളിക്കാര്‍ പന്ത്രണ്ടാമനായി ലക്ഷങ്ങള്‍, ഞങ്ങളാണ് കേരളാ ബ്ലാസ്റ്റേഴ്‌സ് എന്നീ വരികളെല്ലാം ആരാധകരെ ആവേശം കൊള്ളിക്കാനുറച്ചുള്ളതാണ്. ഈ മാസം 29നാണ് ഐഎസ്എല്‍ സീസണ്‍ തുടങ്ങുന്നത്. ഉദ്ഘാടന മത്സരത്തില്‍ ബ്ലാസ്റ്റേഴ്‌സ് മുന്‍ ചാമ്പ്യന്‍മാരായ അമര്‍ തൊമാര്‍ കൊല്‍ക്കത്തയെ ആണ് നേരിടുന്നത്.

കലിപ്പ് തീമില്‍ കഴിഞ്ഞ സീസണില്‍ പുറത്തിറക്കിയ തീം സോങ്ങും ആരാധകര്‍ ഏറ്റെടുത്തിരുന്നു. എന്നാല്‍ സീസണൊടുവില്‍ പ്ലേ ഓഫിലേക്ക് യോഗ്യത നേടാനാവാഞ്ഞതോടെ ഇത് ട്രോളുകള്‍ക്കും കാരണമായി. ഇതോടെ ഇക്കൊല്ലം കലിപ്പില്ലാത്ത പാട്ടാണ് ബ്ലാസ്റ്റേഴ്‌സ് തയ്യാറാക്കിയിരിക്കുന്നത്. പ്രീ സീസണ്‍ മത്സരങ്ങളില്‍ എഫ്‌സി ജിറോണയോയും മെല്‍ബണ്‍ സിറ്റിയുമായി കളിച്ചതിന്റെ അടക്കം അനുഭവ സമ്പത്ത് മഞ്ഞപ്പടയ്ക്ക് ഗുണമാകും എന്നാണ് പ്രതീക്ഷിക്കുന്നത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Isl 2018 new theme song for kerala blasters

Next Story
കോഹ്‌ലി ഇല്ലാത്തതിൽ പാക് ക്യാപ്റ്റന് ആശങ്കയില്ല; കരുത്തരാണ് ഇന്ത്യൻ ടീമെന്ന് സർഫ്രാസ്
The moderation of comments is automated and not cleared manually by malayalam.indianexpress.com