ഇന്ത്യൻ പ്രീമിയർ ലീഗിൽ രാജസ്ഥാൻ റോയൽസിന്റെ (ആർആർ) ഭാഗത്തുനിന്ന് ഒരിക്കലും ഭ്രമിപ്പിക്കുന്ന ബൗളിംഗ് ആക്രമണം ഉണ്ടായിട്ടില്ല. എന്നാൽ അവരുടെ ബൗളർമാർക്ക് ഐപിഎല്ലിൽ ഹാട്രിക് നേടാനുള്ള അസാധാരണമായ കഴിവുണ്ട്.
തിങ്കളാഴ്ച കൊൽക്കത്ത നൈറ്റ് റൈഡേഴ്‌സിനെതിരായ ഇന്നിംഗ്‌സിന്റെ 17-ാം ഓവറിൽ യുസ്വേന്ദ്ര ചാഹൽ ഈ നേട്ടം കൈവരിച്ചപ്പോൾ, ഐപിഎല്ലിൽ ഹാട്രിക് നേടുന്ന 22-ാമത്തെ ബോളറായി അദ്ദേഹം മാറി. മാത്രമല്ല ഈ നാഴികക്കല്ല് നേടുന്ന അഞ്ചാമത്തെ ആർആർ ബോളറായും അദ്ദേഹം മാറി.
അജിത് ചാന്ദില, 2012ൽ പൂനെ വാരിയേഴ്സിനെതിരെ
തെറ്റായ കാരണങ്ങളാൽ ക്രിക്കറ്റ് ആരാധകർ അജിത് ചാന്ദിലയെ ഓർമ്മിച്ചേക്കാം. എന്നാൽ ഇപ്പോൾ നിലവിലില്ലാത്ത പൂനെ വാരിയേഴ്‌സ് ഇന്ത്യയ്‌ക്കെതിരെ (പിഡബ്ല്യുഐ) ആർആറിനു വേണ്ടി ആദ്യമായി ഹാട്രിക് നേടിയത് അജിത് ചാന്ദിലയായിരുന്നു.
പ്രവീൺ താംബെ, 2014ൽ കൊൽക്കത്ത നൈറ്റ് റൈഡേഴ്സിനെതിരെ
ഇന്ത്യൻ പ്രീമിയർ ലീഗിൽ (ഐപിഎൽ) 2014ൽ അഹമ്മദാബാദിൽ നടന്ന മത്സരത്തിനിടെ കൊൽക്കത്ത നൈറ്റ് റൈഡേഴ്സിനെതിരെ (കെകെആർ) ഒരു യുനീക് ഹാട്രിക് നേടിയിരുന്നു മുംബൈയിൽ നിന്നുള്ള കരുത്തുറ്റ ലെഗ് സ്പിന്നറായ പ്രവീൺ താംബെ. ലെഗ്-സ്പിന്നർ മൂന്ന് വിക്കറ്റ് നേടിയപ്പോൾ, അതിൽ ഒരാളെ പുറത്താക്കിയത് വൈഡ് ഡെലിവറിയിലാണ്. അടിസ്ഥാനപരമായി അദ്ദേഹം രണ്ട് പന്തിൽ നിന്ന് ഹാട്രിക് നേടി.
ഷെയ്ൻ വാട്സൺ, 2014ൽ സൺറൈസേഴ്സ് ഹൈദരാബാദിനെതിരെ
2014-ൽ സൺറൈസേഴ്സ് ഹൈദരാബാദിനെതിരെ രാജസ്ഥാൻ റോയൽസിനായി ഷെയ്ൻ വാട്സൺ ഹാട്രിക് നേടി. എന്നാൽ മൊട്ടേരയിലെ സർദാർ പട്ടേൽ സ്റ്റേഡിയത്തിൽ നടന്ന മത്സരത്തിൽ രാജസ്ഥാൻ പരാജയപ്പെട്ടിരുന്നു.
ശ്രേയസ് ഗോപാൽ, 2019ൽ റോയൽ ചലഞ്ചേഴ്സ് ബാംഗ്ലൂരിനെതിരെ
റോയൽ ചലഞ്ചേഴ്സ് ബാംഗ്ലൂരിനെതിരായ, മഴ കാരൻം 5 ഓവറാക്കി ചുരുക്കിയ മത്സരത്തിൽ ശ്രേയസ് ഗോപാൽ ഹാട്രിക് നേടി. വിരാട് കോഹ്‌ലി, എബി ഡിവില്ലിയേഴ്‌സ്, മാർക്കസ് സ്റ്റോയിനിസ് എന്നിവരുടെ വിക്കറ്റുകളായിരുന്നു അദ്ദേഹം തെറിപ്പിച്ചത്.
യുസ്വേന്ദ്ര ചാഹൽ, 2022ൽ കൊൽക്കത്ത നൈറ്റ് റൈഡേഴ്സിനെതിരെ
യുസ്വേന്ദ്ര ചാഹൽ (4 ഓവറിൽ 5/40) തന്റെ 17-ാം ഓവറിലെ തന്റെ ആദ്യ പന്തിൽ വെങ്കിടേഷ് അയ്യരെയും പിന്നീട് നാലാമത്തെയും അഞ്ചാമത്തെയും ആറാമത്തെയും പന്തിൽ ശ്രേയസ് അയ്യരെയും ശിവം മാവിയെയും പാറ്റ് കമ്മിൻസിനെയും പുറത്താക്കി മത്സരം പൂർണ്ണമായും തലകീഴായി മാറ്റി.
തിങ്കളാഴ്ച രാത്രി കൊൽക്കത്ത നൈറ്റ് റൈഡേഴ്സിനെതിരെ അദ്ദേഹത്തിന്റെ മികച്ച പ്രയത്‌നം ആർആറിന് ഏഴ് റൺസ് ജയം നേടിക്കൊടുത്തു.
