scorecardresearch
Latest News

‘ആദ്യം ആഭ്യന്തര ക്രിക്കറ്റ് ശക്തിപ്പെടുത്തൂ’, വനിത ഐപിഎല്ലിനെതിരെ ആഞ്ഞടിച്ച് മിതാലി രാജ്

ഇക്കുറി ഐപിഎൽ മൽസരങ്ങൾക്ക് മുൻപ് വനിതകളുടെ പ്രദർശന മൽസരവും നടക്കും

mithali raj, ipl, womens ipl, ipl 2018, womens cricket, india womens cricket, cricket news, sports news, indian express
India's Mithali Raj during the ICC Women's World Cup fixture at the County Ground, Derby, England. Saturday June 24, 2017. (Nigel French/PA via AP)

മുംബൈ: രാജ്യത്ത് വനിത ക്രിക്കറ്റിന് ആഴത്തിലുളള വേരോട്ടം നേടിയ ശേഷമേ വനിത ഐപിഎൽ എന്ന ആശയവുമായി മുന്നോട്ട് പോകാവൂ എന്ന് മിതാലി രാജ്. രാജ്യത്ത് മികച്ച വനിത താരങ്ങളുടെ കുറവ് ശക്തമാണെന്നും ഇത് മറികടക്കേണ്ടത് അത്യാവശ്യമാണെന്നും അവർ പറഞ്ഞു.

“ഐപിഎല്ലിനൊക്കെ മികച്ച കളിക്കാർ ആവശ്യമാണ്. ദൗർഭാഗ്യവശാൽ ഇന്ത്യൻ എ ടീമിൽ പോലും മികച്ച വനിത താരങ്ങളുടെ എണ്ണക്കുറവ് ശക്തമാണ്. നമുക്ക് നല്ല താരങ്ങളുണ്ടായിക്കഴിഞ്ഞാൽ മാത്രമേ ഐപിഎൽ ഒരു നല്ല ആശയമായി മാറൂ,” മിതാലി പറഞ്ഞു.

11-ാമത് ഐപിഎൽ സീസണിനോട് അനുബന്ധിച്ച് സ്ത്രീകളുടെ പ്രദർശന മൽസരങ്ങളും ബിസിസിഐ സംഘടിപ്പിക്കുന്നുണ്ട്. വനിത ക്രിക്കറ്റിന് അടിത്തറയൊരുക്കാൻ ലക്ഷ്യമിട്ടാണിത്.

“ദേശീയ താരങ്ങളും രാജ്യാന്തര താരങ്ങളും തമ്മിലുളള വ്യത്യാസം വലുതാണ്. ഇത് വിപരീത ഫലമാകും ചെയ്യുക. ദേശീയ താരങ്ങളെ വളർത്തിക്കൊണ്ടുവരാനാണ് ആദ്യം ശ്രമം വേണ്ടത്,” ഇന്ത്യയുടെ ടെസ്റ്റ് ടീം ക്യാപ്റ്റൻ പറഞ്ഞു.

ജുലൻ ഗോസ്വാമിയും മിതാലിയുടെ അഭിപ്രായത്തെ പിന്തുണച്ചു. ഓസ്ട്രേലിയയും ഇംഗ്ലണ്ടും ഇന്ത്യയും അടങ്ങുന്ന ത്രിരാഷ്ട്ര ടി20 ക്രിക്കറ്റ് ടൂർണമെന്റിന് വ്യാഴാഴ്ച മുംബൈ ആതിഥേയത്വം വഹിക്കും. ഈ വർഷം നടക്കുന്ന ടി20 ലോകകപ്പിന് ശക്തമായ ലൈനപ്പ് ഉണ്ടാക്കാനാണ് ബിസിസിഐ ശ്രമം.

Stay updated with the latest news headlines and all the latest Sports news download Indian Express Malayalam App.

Web Title: Ipl for women makes sense only when there is strong domestic set up says mithali raj