Latest News
തെക്കന്‍ ജില്ലകളില്‍ ശക്തമായ മഴയ്ക്ക് സാധ്യത; ദുരന്ത നിവാരണ സേനയുടെ ഒന്‍പത് സംഘങ്ങള്‍ എത്തി
ഓക്സിജന്റെ അളവ് കുറഞ്ഞു; ഗോവയില്‍ 15 കോവിഡ് രോഗികള്‍ക്ക് ദാരുണാന്ത്യം
വാക്സിന്‍ സ്വീകരിച്ചവര്‍ മാസ്ക് ധരിക്കേണ്ട, നിര്‍ണായക തീരുമാനവുമായി അമേരിക്ക
രാജ്യത്ത് 3.42 ലക്ഷം പുതിയ കേസുകള്‍, 4000 മരണം

ധോണിക്ക് ഉന്നം പിഴച്ചു; ഭാഗ്യം തുണച്ച രാഹുലിനെ കണ്ട് അമ്പരന്ന് ജഡേജ

ബെയിൽസ് വീഴാത്തതിനാൽ വിക്കറ്റാവില്ലെന്ന് ധോണിക്ക് മനസിലായെങ്കിലും രവീന്ദ്ര ജഡേജയ്ക്ക് അത് വിശ്വസിക്കാൻ ഏറെ സമയം വേണ്ടിവന്നു

സ്റ്റംപ്സിനു പുറകിൽ ധോണിയാണെങ്കിൽ ബാറ്റ്സ്മാന്മാർക്ക് ചെറിയൊരു ഭയമുണ്ടാകും. ധോണിയുടെ സ്റ്റംപിങ് വേഗത ക്രിക്കറ്റ് ലോകത്തെ തന്നെ അദ്ഭുതപ്പെടുത്തിയ ഒന്നാണ്. ഐപിഎല്ലിൽ ചെന്നൈ സൂപ്പർ കിങ്സും കിങ്സ് ഇലവൻ പഞ്ചാബും തമ്മിലെ മത്സരത്തിൽ ഭാഗ്യം കൊണ്ടു മാത്രമാണ് കെ.എൽ.രാഹുൽ പുറത്താകാതെ രക്ഷപ്പെട്ടത്. റൺഔട്ടിലൂടെ പഞ്ചാബ് താരം രാഹുൽ പുറത്താകേണ്ടതായിരുന്നു. പക്ഷേ ധോണിക്ക് പറ്റിയ ചെറിയ പിഴവ് രാഹുലിന്റെ വിക്കറ്റ് വീഴ്ത്തിയില്ല.

Read: രാഹുല്‍-സര്‍ഫ്രാസ് കൂട്ടുകെട്ടിനും രക്ഷിക്കാനായില്ല; പഞ്ചാബിനെതിരെ ചെന്നൈയ്ക്ക് അനായാസ വിജയം

13-ാം ഓവറിൽ രവീന്ദ്ര ജഡേജയുടെ ബോൾ സിംഗിളിനായി രാഹുൽ ഓടി. പക്ഷേ പെട്ടെന്നു തന്നെ ക്രീസിലേക്ക് തിരിച്ചോടി. ഇതിനോടകം ബോൾ ധോണിയുടെ കൈകളിൽ എത്തിയിരുന്നു. അതിവേഗത്തിൽ ധോണി ബോൾ സ്റ്റംപിൽ കൊളളിച്ചു. ഈ സമയം ക്രീസിൽനിന്നും ഏറെ അകലെയായിരുന്നു രാഹുൽ. ബോൾ സ്റ്റംപിൽ കൊണ്ടതും ചെന്നൈ താരങ്ങൾ വിക്കറ്റ് വീണെന്ന സന്തോഷത്തിൽ ആർത്തുവിളിച്ചു. എന്നാൽ ബെയിൽസ് വീഴാത്തതുമൂലം വിക്കറ്റായില്ല.

ബെയിൽസ് വീഴാത്തതിനാൽ വിക്കറ്റാവില്ലെന്ന് ധോണിക്ക് മനസിലായെങ്കിലും രവീന്ദ്ര ജഡേജയ്ക്ക് അത് വിശ്വസിക്കാൻ ഏറെ സമയം വേണ്ടിവന്നു. രാഹുൽ 47 ബോളിൽനിന്നും 55 റൺസുമായാണ് പിന്നീട് കളം വിട്ടത്. പഞ്ചാബിനെതിരെ 22 റൺസിന്റെ വിജയമാണ് ചെന്നൈ നേടിയത്. അഞ്ചു മത്സരങ്ങളിൽ ചെന്നൈയുടെ നാലാം ജയമാണിത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Ipl a rare unexpected miss from ms dhoni leaves kl rahul the luckiest batsman

Next Story
ധോണി വടിയെടുത്തപ്പോൾ ദീപക് ചാഹർ വിറച്ചു; നോ ബോളിന് വിക്കറ്റ് വീഴ്‌ത്തി മറുപടി
The moderation of comments is automated and not cleared manually by malayalam.indianexpress.com