IPL 2020:ചൊവ്വാഴ്ച ഐപിഎൽ കിരീടത്തിനായി നടക്കുന്ന മത്സരത്തൽ ലീഗിൽ നാല് തവണ ജേതാക്കളായ മുംബൈ ഇന്ത്യൻസിനെ നേരിടാനൊരുങ്ങുകയാണ് ആദ്യമായി ഫൈനലിൽ പ്രവേശിച്ച ഡൽഹി ക്യാപിറ്റൽസ്. ദുബായ് അന്താരാഷ്ട്ര ക്രിക്കറ്റ് സ്റ്റേഡിയത്തിൽ ചൊവ്വാഴ്ച ഇന്ത്യൻ സമയം രാത്രി 7.30നാണ് മത്സരം.
ഇന്ത്യൻ പ്രീമിയർ ലീഗിൽ ആദ്യമായി ഫൈനലിലെത്തുന്ന ഡെൽഹി ക്യാപിറ്റൽസ് മികച്ച പ്രകടനം പുറത്തെടുക്കുമെന്ന് ആത്മവിശ്വാസം പ്രകചിപ്പിച്ചിരിക്കുകയാണ് ഹെഡ് കോച്ച് റിക്കി പോണ്ടിങ്. ഫൈനലിൽ ഡൽഹി അവരുടെ “മികച്ച ഗെയിം” പുറത്തെടുക്കുമെന്ന് റിക്കി പോണ്ടിങ് പറഞ്ഞു.
ഈ സീസണിൽ മുംബൈ ഇന്ത്യൻസിനെതിരേ മൂന്ന് തവണ ഏറ്റുമുട്ടിയപ്പോഴും ഡൽഹി പരാജയപ്പെട്ടിരുന്നു. ആദ്യ രണ്ട് മത്സരങ്ങളിൽ അഞ്ച് വിക്കറ്റിനും ഒമ്പത് വിക്കറ്റിനുമായിരുന്നു മുംബൈയുടെ ജയം.ക്വാളിഫയറിൽ 57 റൺസിനും മുംബൈ ജയിച്ചു.
പക്ഷേ ടൂർണമെന്റിൽ നിന്ന് നേട്ടത്തോടെ പുറത്തുവരാൻ തന്റെ ടീമിന് കഴിവുണ്ടെന്ന് പോണ്ടിംഗ് വിശ്വാസം പ്രകടിപ്പിച്ചു. ഫൈനലിന് മുന്നോടിയായി സംസാരിക്കുകയായിരുന്നു പോണ്ടിങ്.
Read More: IPL 2020 Final: മികച്ച ടീമാണ് മുംബൈ; അഞ്ചാം കീരീടം സ്വന്തമാക്കും: ജയം ഉറപ്പിച്ച് രോഹിത്
“എനിക്ക് ഇവിടെ വളരെ പ്രതീക്ഷകളുണ്ടായിരുന്നു. നല്ലൊരു കൂട്ടം കളിക്കാരെ ഞങ്ങൾ ഒരുമിച്ച് ചേർത്തിട്ടുണ്ടെന്ന് എനിക്കറിയാം. ഞങ്ങൾക്ക് ഒരു മികച്ച തുടക്കം ഉണ്ടായിരുന്നു, പക്ഷേ കാര്യങ്ങൾ ഇടക്ക് അൽപ്പം പാളി, പക്ഷേ കളിക്കാർക്ക് അവരുടെ അവസാന മൂന്ന് മത്സരങ്ങളിൽ നിന്ന് രണ്ട് മികച്ച പ്രകടനങ്ങൾ കാഴ്ചവയ്ക്കാൻ കഴിഞ്ഞു, കൂടാതെ ഫൈനലിൽ ഞങ്ങളുടെ മികച്ച ഗെയിം കളിക്കാൻ കഴിയുമെന്ന് പ്രതീക്ഷിക്കുന്നു,” പോണ്ടിങ് പറഞ്ഞു.
“തിരിഞ്ഞുനോക്കുമ്പോൾ, ഇത് ഒരു നല്ല സീസണാണ്, പക്ഷേ ഞങ്ങൾ ഇതുവരെ ഒന്നും നേടിയിട്ടില്ല – അതാണ് ഞങ്ങൾ ഇവിടെയുള്ളത് – ഐപിഎൽ നേടാൻ ഞങ്ങൾ ഇവിടെയുണ്ട്, ഞങ്ങളുടെ മികച്ച ഷോട്ട് ഞങ്ങൾ നൽകും,” അദ്ദേഹം കൂട്ടിച്ചേർത്തു .
സീസണിൽ തന്റെ ടീം നിരവധി ഉയർച്ചകളിലൂടെ കടന്നുപോയെങ്കിലും ലീഗ് പട്ടികയിൽ രണ്ടാം സ്ഥാനത്തെത്തിയെന്ന കാര്യവും പോണ്ടിങ്ങിന്റെ വാക്കുകളിൽ പ്രതിഫലിക്കുന്നു.
“അതെ, ആ സമയം വരെ (തുടർച്ചയായ നാല് തോൽവികൾ) അൽപ്പം നിരാശാജനകമായിരുന്നു. ഞങ്ങൾ വളരെ നല്ല ക്രിക്കറ്റ് കളിച്ചിരുന്നു , ഞങ്ങൾ ടൂർണമെന്റിലെ ഏറ്റവും മികച്ച ടീമായിരുന്നു. എന്നാൽ ചില കളിക്കാർക്ക് അൽപ്പം അമിത ആത്മസംതൃപ്തി ലഭിച്ചുവെന്ന് ഞാൻ കരുതുന്നു. ടൂർണമെന്റിന്റെ ആ ഘട്ടത്തിലാണ് എല്ലാവർക്കുമായി കാര്യങ്ങൾ അൽപ്പം കഠിനമാകാൻ തുടങ്ങിയത്. എന്നാൽ അവർ പൊരുതാൻ ഒരു വഴി കണ്ടെത്തി നന്നായി കളിച്ചു, ആർ‌സി‌ബിക്കെതിരായ ജയം അനിവാര്യമായി ഗെയിം, ഇന്നലെ സൺറൈസേഴ്സിനെതിരായ ഗെയിം ഞങ്ങളുടെ ഏറ്റവും മികച്ച പ്രകടനങ്ങളിലൊന്നാണ്. പ്രത്യേകിച്ച് ബാറ്റിങ്ങിൽ, ഞാൻ കരുതുന്നു,” പോണ്ടിങ് പറഞ്ഞു.
പോണ്ടിംഗ് മുംബൈക്ക് ഒരു മുന്നറിയിപ്പും നൽകി. ചൊവ്വാഴ്ചത്തെ ഐപിഎൽ ഫൈനലിൽ തന്റെ ടീമിനെ നിസ്സാരമായി കാണരുതെന്ന് പോണ്ടിംഗ് പറഞ്ഞു. ടീമിന്റെ മികച്ചത് ഇനിയും വരാനിരിക്കുന്നതേയുള്ളൂവെന്നും അദ്ദേഹം പറഞ്ഞു.
“ഐപിഎൽ ഫൈനലിൽ പ്രവേശിക്കുന്നത് എളുപ്പമുള്ള കാര്യമല്ല. ഒരിക്കൽ പോലും ഫൈനലിൽ വരാത്തവരുണ്ട്. ഞാൻ മുമ്പ് ഒരു ടീമിനെ പരിശീലിപ്പിച്ചിട്ടുണ്ട്, ക്യാപ്റ്റനെന്ന നിലയിൽ ഞാൻ മറ്റൊരു ടീമിന്റെ ഭാഗമായിരുന്നു, അതിനാൽ ഇത് എങ്ങനെയായിരിക്കണമെന്ന് എനിക്കറിയാം,” അദ്ദേഹം പറഞ്ഞു.
“ഒരുപക്ഷേ, ഇതുപോലുള്ള വലിയ ഗെയിമുകളിലെ ഏറ്റവും പ്രധാനപ്പെട്ട കാര്യം കഠിനമായി ശ്രമിക്കലല്ല, ഇത് മറ്റൊരു ഗെയിം മാത്രമാണ്.”
“നമ്മൾ അത് ആസ്വദിക്കേണ്ടതുണ്ട്, ഫൈനലിനൊപ്പം വരുന്ന അധിക പിരിമുറുക്കങ്ങൾ സ്വീകരിക്കാൻ ശ്രമിക്കുക. ഫൈനലിൽ കളിക്കാനുള്ള അവകാശം ഞങ്ങൾക്ക് നൽകിയിട്ടുണ്ട്, ഇപ്പോൾ പോയി ആ ഫൈനലിൽ വിജയിക്കേണ്ടതുണ്ട്. ”
“മുംബൈയ്‌ക്കെതിരെ ഇതുവരെ കളിച്ചതിൽ നിന്ന് ഞങ്ങൾ വളരെ ദൂരെയിത്തിയിട്ടുണ്ട്. മുമ്പ് മുംബൈയ്‌ക്കെതിരെ ഞങ്ങൾ കളിച്ചിട്ടില്ലാത്ത ചില മേഖലകൾ ഞങ്ങൾ അഭിമുഖീകരിക്കുകയും ചെയ്യും – പവർ പ്ലേ ബാറ്റിംഗ്, ഡെത്ത് ബോളിംഗ് എന്നിവ,” പോണ്ടിങ് പറഞ്ഞു.
“അതിനാൽ ഞങ്ങൾ അവ ശരിയാക്കി ഞങ്ങളുടെ ഏറ്റവും മികച്ച അവസ്ഥയിൽ എവിടെയെങ്കിലും കളിക്കുകയാണെങ്കിൽ, നമുക്ക് കഴിയും…” പോണ്ടിങ് പറഞ്ഞു.
