IPL 2019, KKR vs RCB Live: റസലിന്റെയും റാണയുടെയും രക്ഷാപ്രവർത്തനം ലക്ഷ്യം കണ്ടില്ല; കൊൽക്കത്തയ്ക്കെതിരെ ബാംഗ്ലൂരിന് ജയം

നായകൻ വിരാട് കോഹ്‌ലി സെഞ്ചുറി തികച്ച മത്സരത്തിൽ നിർണായക ബാറ്റിങ് പ്രകടനം പുറത്തെടുത്ത് മൊയിൻ അലിയും തിളങ്ങി

IPL 2019, KKR vs RCB Live: ഐപിഎല്ലിൽ കൊൽക്കത്ത നൈറ്റ് റൈഡേഴ്സിനെതിരെ റോയൽ ചലഞ്ചേഴ്സ് ബാംഗ്ലൂരിന് പത്ത് റൺസ് വിജയം. ബാംഗ്ലൂർ ഉയർത്തിയ 214 റൺസ് വിജയലക്ഷ്യം പിന്തുടർന്ന കൊൽക്കത്തയ്ക്ക് നിശ്ചിത ഓവറിൽ അഞ്ച് വിക്കറ്റ് നഷ്ടത്തിൽ 203 റൺസെടുക്കാനെ സാധിച്ചുള്ളു. കൊൽക്കത്തയിലെ ഈഡൻ ഗാർഡൻസിൽ ബാറ്റിങ് വെടിക്കെട്ട് നടന്ന മത്സരത്തിൽ പിറന്നത് ഒരു സെഞ്ചുറിയും മൂന്ന് അർധസെഞ്ചുറികളുമായിരുന്നു.

ടോസ് നഷ്ടപ്പെട്ട് ബാറ്റിങ്ങിനിറങ്ങിയ ബാംഗ്ലൂർ നായകൻ വിരാട് കൊഹ്‌ലിയുടെയും ഓൾറൗണ്ടർ മൊയിൻ അലിയുടെയും ബാറ്റിങ് മികവിൽ 214 റൺസിന്റെ വിജയലക്ഷ്യമാണ് കൊൽക്കത്തയ്ക്ക് മുന്നിൽ ഉയർത്തിയിരിക്കുന്നത്. നിശ്ചിത ഓവറിൽ നാല് വിക്കറ്റ് നഷ്ടത്തിലായിരുന്നു ബാംഗ്ലൂർ 213 റൺസെടുത്തത്.

പ്ലേ ഓഫ് സാധ്യത നിലനിർത്തുക എന്ന വലിയ ഉത്തരവാദിത്വത്തോടെ ബാറ്റിങ്ങിനിറങ്ങിയ ബാംഗ്ലൂരിന് എന്നാൽ അത്ര മികച്ച തുടക്കമല്ലായിരുന്നു ലഭിച്ചത്. തുടക്കത്തിൽ സ്കോറിങ്ങ് വേഗത കുറഞ്ഞു എന്ന് മാത്രമല്ല, ടീം സ്കോർ 18ൽ ആയപ്പോഴെക്കും പാർത്ഥീവ് പട്ടേലിനെ നഷ്ടമാവുകയും ചെയ്തു. അക്ഷ്ദീപ് നാഥിനും കാര്യമായി ഒന്നും ചെയ്യാൻ സാധിച്ചില്ല. എന്നാൽ വിരാട് കൊഹ്‌ലി കൃത്യതയോടെ ബാറ്റ് വീശി. കൂട്ടിന് മൊയിൻ അലി കൂടി എത്തിയതോടെ ബാംഗ്ലൂർ സ്കോർബോർഡ് അതിവേഗം ഉയർന്നു.

കൊൽക്കത്ത ബോളർമാരെല്ലാം ഇരുവരുടെയും ബാറ്റിന്റെ ചൂട് അറിഞ്ഞു. മിക്ക പന്തുകളും ബൗണ്ടറിക്കപ്പുറത്ത് തൊട്ടു. കുൽദീപ് യാദവ് എറിഞ്ഞ 16-ാം ഓവറിൽ മാത്രം മൊയിൻ അലി പറത്തിയത് മൂന്ന് സിക്സും രണ്ട് ഫോറുമായിരുന്നു. അതേ ഓവറിന്റെ അവസാന പന്തിൽ കുൽദീപ് മെയിൻ അലിയെ മടക്കിയെങ്കിലും ബാംഗ്ലൂർ ഭേദപ്പെട്ട സ്കോറിലെത്തിയിരുന്നു. 28 പന്തിൽ ആറ് സിക്സും അഞ്ച് ഫോറും പായിച്ച് 66 റൺസാണ് മൊയിൻ അലി അടിച്ചുകൂട്ടിയത്.

മൊയിൻ അലി പുറത്തായതിന് പിന്നാലെ ക്രീസിലെത്തിയ മാർക്കസ് സ്റ്റോയിനിസും തകർത്തടിച്ചതോടെ ടീം സ്കോർ 200 കടന്നു. നായകൻ കൊഹ്‌ലി സെഞ്ചുറിയും തികച്ചു. മാർക്കസ് സ്റ്റോയിനിസ് 8 പന്തിൽ 17 റൺസ് നേടിയപ്പോൾ 58 പന്തുകളിൽ നിന്നാണ് കൊഹ്‌ലി 100 റൺസ് നേടിയത്. ഒമ്പത് ഫോറും നാല് സിക്സും അടങ്ങുന്നതായിരുന്നു കോഹ്‌ലിയുടെ ഇന്നിങ്സ്.

മറുപടി ബാറ്റിങ്ങിലും ബാംഗ്ലൂർ ആധിപത്യം തന്നെയായിരുന്നു. ആദ്യ ഓവറിൽ തന്നെ ക്രിസ് ലിന്നിനെ മടക്കി ഡെയ്ൽ സ്റ്റെയിൻ വരവറിയിച്ചു. ടീം സ്കോർ 24ൽ എത്തിയപ്പോഴേക്കും സുനിൽ നരെയ്നെ നവ്ദീപും മടക്കി. ശുഭ്മാൻ ഗില്ലിനും റോബിൻ ഉത്തപ്പയ്ക്കും കാര്യമായി ഒന്നും ചെയ്യാൻ സാധിച്ചില്ല. രണ്ടക്കം കടക്കാതെ ഇരുവരും മടങ്ങിയതോടെ കൊൽക്കത്ത വൻതകർച്ചയിലേക്ക് എന്ന സൂചന നൽകി.

എന്നാൽ അഞ്ചാം വിക്കറ്റിൽ ഒത്തുചേർന്ന നിതീഷ് റാണയും ആന്ദ്രെ റസലും ബാംഗ്ലൂർ താരങ്ങളെ മത്സരിച്ച് ബൗണ്ടറി കടത്തി. ഇരുവരും അതിവേഗം അർധസെഞ്ചുറി തികച്ചതിനൊപ്പം കൊൽക്കത്ത സ്കോർബോർഡും കുതിച്ചു. ജയത്തിന് അരികെ വരെ എത്തിക്കാൻ ഇരുവർക്കും സാധിച്ചു. 46 പന്തിൽ ഒമ്പത് ഫോറും അഞ്ച് സിക്സും പായിച്ച് നിതീഷ് റാണ 85 റൺസെടുത്ത് പുറത്താകാതെ നിന്നപ്പോൾ രണ്ട് ഫോറും ഒമ്പത് സിക്സും പായിച്ച് 65 റൺസെടുത്ത റസൽ അവസാന ഓവറിൽ റൺഔട്ടാവുകയായിരുന്നു.

Live Blog

IPL 2019, KKR vs RCB Live Score: ഐപിഎൽ 2019, കെകെആർ vs ആർസിബി














23:49 (IST)19 Apr 2019





















റോയൽ ചലഞ്ചേഴ്സ് ബാംഗ്ലൂരിന് ജയം

കൊൽക്കത്ത നൈറ്റ് റൈഡേഴ്സിനെതിരെ റോയൽ ചലഞ്ചേഴ്സ് ബാംഗ്ലൂരിന് 9 റൺസ് ജയം

23:40 (IST)19 Apr 2019





















റസൽ @ 50, രാക്ഷസ റസൽ

കൊൽക്കത്ത താരം റസലിനും അർധ സെഞ്ചുറി 21 പന്തിലാണ് താരം അർധസെഞ്ചുറി തികച്ചത്

23:26 (IST)19 Apr 2019





















റാണ @ 50

കൊൽക്കത്ത താരം നിതീഷ് റാണ അർധസെഞ്ചുറി തികച്ചു

22:56 (IST)19 Apr 2019





















വിക്കറ്റ്…

ലക്ഷ്യം പൂർത്തികരിക്കാതെ റോബിൻ ഉത്തപ്പയും മടങ്ങി. മാർക്കസ് സ്റ്റൊയിനിസിനാണ് വിക്കറ്റ്

22:45 (IST)19 Apr 2019





















കൊൽക്കത്ത നൈറ്റ് റൈഡേഴ്സ് : 60/3, ഓവർ : 10

10 ഓവർ അവസാനിക്കുമ്പോൾ കൊൽക്കത്ത നൈറ്റ് റൈഡേഴ്സ് മൂന്ന് വിക്കറ്റ് നഷ്ടത്തിൽ 60 റൺസെന്ന നിലയിൽ

22:21 (IST)19 Apr 2019





















കൊൽക്കത്ത നൈറ്റ് റൈഡേഴ്സ് : 33/3, ഓവർ : 5

5 ഓവർ അവസാനിക്കുമ്പോൾ കൊൽക്കത്ത നൈറ്റ് റൈഡേഴ്സ് മൂന്ന് വിക്കറ്റ് നഷ്ടത്തിൽ 33 റൺസെന്ന നിലയിൽ

22:20 (IST)19 Apr 2019





















വിക്കറ്റ്…

ശുഭ്മാൻ ഗില്ലും പുറത്ത്. 9 റൺസെടുത്ത ഗില്ലിനെയും പുറത്താക്കിയത് സ്റ്റെയിൻ – കൊഹ്ലി സഖ്യം

22:13 (IST)19 Apr 2019





















വിക്കറ്റ്…

സുനിൽ നരെയ്നും പുറത്ത്. സെയ്നിയുടെ പന്ത് ഉയർത്തിയടിച്ച നരെയ്നെ പാർത്ഥീവ് കൈപിടിയിലൊതുക്കുകയായിരുന്നു

21:59 (IST)19 Apr 2019





















വിക്കറ്റ്…

ആദ്യ ഓവറിൽ തന്നെ ക്രിസ് ലിന്നിനെ മടക്കി ഡെയ്ൽ സ്റ്റെയിൻ. തുടക്കം പിഴച്ച് കൊൽക്കത്ത

21:55 (IST)19 Apr 2019





















കൊൽക്കത്ത ഇന്നിങ്സ്

കൊൽക്കത്ത നൈറ്റ് റൈഡേഴ്സ് മറുപടി ബാറ്റിങ് ആരംഭിച്ചു. ഇന്നിങ്സ് ഓപ്പൻ ചെയ്യുന്നത് ക്രിസ് ലിന്നും സുനിൽ നരെയ്നും

21:17 (IST)19 Apr 2019





















വിക്കറ്റ്..

തകർപ്പനടികൾക്ക് പിന്നാലെ അവസാന പന്തിൽ മൊയിൻ അലിയെ മടക്കി കുൽദീപ് യാദവ്. ബാംഗ്ലൂരിന് മൂന്നാം വിക്കറ്റും നഷ്ടമായി

21:16 (IST)19 Apr 2019





















ഫോർ…സിക്സ്…ഫോർ…സിക്സ്…വൈഡ്…സിക്സ്..

തകർത്തടിച്ച് മൊയിൻ അലി. കുൽദീപ് യാദവ് എറിഞ്ഞ 16-ാം ഓവറിൽ മാത്രം പറത്തിയത് മൂന്ന് സിക്സും രണ്ട് ഫോറും

21:13 (IST)19 Apr 2019





















മൊയിൻ അലി @ 50

ഓൾറൗണ്ടർ മൊയിൻ അലിയും അർധസെഞ്ചുറി തികച്ചു. 24 പന്തിൽ നിന്നാണ് അലി 50 തികച്ചത്

21:11 (IST)19 Apr 2019





















റോയൽ ചലഞ്ചേഴ്സ് ബാംഗ്ലൂർ : 122/2 ഓവർ : 15

15 ഓവർ അവസാനിക്കുമ്പോൾ റോയൽ ചലഞ്ചേഴ്സ് ബാംഗ്ലൂർ രണ്ട് വിക്കറ്റ് നഷ്ടത്തിൽ 122 റൺസെന്ന നിലയിൽ

21:10 (IST)19 Apr 2019





















വിരാട് കോഹ്‌ലി @ 50

റോയൽ ചലഞ്ചേഴ്സ് നായകൻ വിരാട് കോഹ്‌ലി അർധ സെഞ്ചുറി തികച്ചു

20:58 (IST)19 Apr 2019





















തകർത്തടിച്ച് അലിയും കൊഹ്‌ലിയും

ബാംഗ്ലൂർ മികച്ച സ്കോറിലേക്ക്. രണ്ടാം വിക്കറ്റിൽ തകർത്തടിച്ച് കോഹ്‌ലി-അലി സഖ്യം

20:49 (IST)19 Apr 2019





















റോയൽ ചലഞ്ചേഴ്സ് ബാംഗ്ലൂർ : 70/2 ഓവർ : 10

10 ഓവർ അവസാനിക്കുമ്പോൾ റോയൽ ചലഞ്ചേഴ്സ് ബാംഗ്ലൂർ രണ്ട് വിക്കറ്റ് നഷ്ടത്തിൽ 70 റൺസെന്ന നിലയിൽ

20:44 (IST)19 Apr 2019





















വിക്കറ്റ്…

അക്ഷ്ദീപും പുറത്ത്. ബാംഗ്ലൂരിന് രണ്ടാം വിക്കറ്റും നഷ്ടമായി. 13 റൺസെടുത്ത അക്ഷ്ദീപ് നാഥിനെ ആന്ദ്രെ റസൽ റോബിൻ ഉത്തപ്പയുടെ കൈകളിൽ എത്തിക്കുകയായിരുന്നു

20:41 (IST)19 Apr 2019





















20:35 (IST)19 Apr 2019





















ബാംഗ്ലൂർ @ 50

ടോസ് നഷ്ടപ്പെട്ട് ബാറ്റിങ്ങിനിറങ്ങിയ റോയൽ ചലഞ്ചേഴ്സ് ബാംഗ്ലൂർ ടീം സ്കോർ 50 കടന്നു

20:25 (IST)19 Apr 2019





















റോയൽ ചലഞ്ചേഴ്സ് ബാംഗ്ലൂർ : 30/1 ഓവർ : 5

5 ഓവർ അവസാനിക്കുമ്പോൾ റോയൽ ചലഞ്ചേഴ്സ് ബാംഗ്ലൂർ ഒരു വിക്കറ്റ് നഷ്ടത്തിൽ 30 റൺസെന്ന നിലയിൽ

20:17 (IST)19 Apr 2019





















വിക്കറ്റ്…

റോയൽ ചലഞ്ചേഴ്സ് ബാംഗ്ലൂരിന് ആദ്യ വിക്കറ്റ് നഷ്ടമായി. 11 റൺസെടുത്ത പാർത്ഥീവ് പട്ടേലിനെ സുനിൽ നരെയ്ൻ നിതീഷ് റാണയുടെ കൈകളിൽ എത്തിക്കുകയായിരുന്നു

20:08 (IST)19 Apr 2019





















കൊൽക്കത്ത റിവ്യൂ

വിരാട് കോഹ്‌ലിയെ പുറത്താക്കാനുള്ള എൽബിഡബ്ല്യു അപ്പീൽ ഫീൾഡ് അമ്പയർ തള്ളിയതോടെ റിവ്യൂ വിളിച്ച് കൊൽക്കത്ത. എന്നാൽ ഫീൾഡ് അമ്പയറുടെ തീരുമാനം ശരിവച്ച് തേർഡ് അമ്പയറും

20:02 (IST)19 Apr 2019





















ബാംഗ്ലൂർ ഇന്നിങ്സ്

റോയൽ ചലഞ്ചേഴ്സ് ബാംഗ്ലൂർ ബാറ്റിങ് ആരംഭിച്ചു. ഇന്നിങ്സ് ഓപ്പൻ ചെയ്യുന്നത് പാർത്ഥീവ് പട്ടേലും വിരാട് കോഹ്‌ലിയും

19:59 (IST)19 Apr 2019





















ഈഡൻ ഗാർഡൻസിൽ മണിമുഴക്കം

മത്സരം ആരംഭിക്കുന്നതിന്റെ സൂചകമായി ബാംഗ്ലൂർ പരിശീലകൻ ഗ്യാരി കിർസ്റ്റൻ ഈഡൻ ഗാർഡൻസിലെ മണി മുഴക്കി

19:49 (IST)19 Apr 2019





















ടോസ് ടൈം

19:49 (IST)19 Apr 2019





















പ്ലെയിങ് XI

19:48 (IST)19 Apr 2019





















റോയൽ ചലഞ്ചേഴ്സ് ബാംഗ്ലൂർ

റോയൽ ചലഞ്ചേഴ്സ് ബാംഗ്ലൂർ: പാർത്ഥീവ് പട്ടേൽ, വിരാട് കോഹ്‌ലി, മൊയിൻ അലി, ഹെൻറിച്ച് ക്ലാസൻ, മാർക്കസ് സ്റ്റോയിനിസ്, അക്ഷ്ദീപ് നാഥ്, പവൻ നേഗി, ഡെയ്ൽ സ്റ്റെയിൻ, നവ്ദീപ് സെയ്നി, മുഹമ്മദ് സിറാജ്, യുസ്‌വേന്ദ്ര ചാഹൽ

19:46 (IST)19 Apr 2019





















കൊൽക്കത്ത നൈറ്റ് റൈഡേഴ്സ്

കൊൽക്കത്ത നൈറ്റ് റൈഡേഴ്സ്: ക്രിസ് ലിൺ, സുനിൽ നരെയ്ൻ, റോബിൻ ഉത്തപ്പ, നിതീഷ് റാണ, ദിനേശ് കാർത്തിക്, ശുഭ്മാൻ ഗിൽ, ആന്ദ്രെ റസൽ, പിയൂഷ് ചൗള, കുൽദീപ് യാദവ്, ഹാരി ഗുർണി, പ്രസീദ് കൃഷ്ണ

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Ipl 2019 kkr vs rcb live score streaming

Next Story
റായിഡുവിനെ ലോകകപ്പ് ടീമില്‍ നിന്നും ഒഴിവാക്കിയതില്‍ ഇന്ത്യന്‍ ടീമില്‍ അമര്‍ഷം; പ്രതികരണവുമായി ഹാര്‍ദ്ദിക് പാണ്ഡ്യ
The moderation of comments is automated and not cleared manually by malayalam.indianexpress.com