മുംബൈ: ഐപിഎൽ പതിനൊന്നാം സീസണിന്റെ ഉദ്ഘാടന മത്സരം മുംബൈ വാംങ്കടെ സ്റ്റേഡിയത്തിൽ നടക്കും. നിലവിലെ ചാമ്പ്യൻമാരും ആതിഥേയരുമായ മുംബൈ ഇന്ത്യൻസും കരുത്തരായ ചെന്നൈ സൂപ്പർ കിങ്സും തമ്മിലാണ് ആദ്യ മത്സരം. മാർച്ച് 1ന് 8 മണിക്കാണ് ഉദ്ഘാടന മത്സരം ആരംഭിക്കുന്നത്.

ടീമുകളുടെ എതിർപ്പ് പരിഗണിച്ച് മത്സരക്രമങ്ങളിൽ വരുത്തിയ മാറ്റം ബിസിസിഐ പിൻവലിച്ചു. രാത്രി 8 മണിക്കും, വൈകിട്ട് 4 മണിക്കും തന്നെയായിരിക്കും മത്സരങ്ങൾ ആരംഭിക്കുക. രാത്രി 7 മണി, വൈകിട്ട് 5.30 എന്നീ സമയങ്ങളിൽ മത്സരം ആരംഭിക്കാമെന്ന സ്റ്റാർ സ്പോട്സിന്റെ നിർദേശത്തെ ടീമുകൾ എതിർത്തിരുന്നു.

മെയ് 27ന് ആണ് ഫൈനൽ മത്സരം നടക്കുന്നത്. മുംബൈ വാങ്കടെ സ്റ്റേഡിയത്തിൽത്തന്നെയാണ് ഈ​ മത്സരവും നടക്കുന്നത്.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook