മും​ബൈ: ഓ​സീസിനെതിരായ മൂ​ന്ന് ട്വ​ന്‍റി-20 മത്സര പ​ര​മ്പ​ര​യ്ക്കു​ള്ള പ​തി​ന​ഞ്ചം​ഗ ഇ​ന്ത്യ​ൻ ടീ​മി​നെ പ്ര​ഖ്യാ​പി​ച്ചു. ഓപ്പണർ അജിങ്ക്യ രഹാനെയെ പുറത്ത് നിർത്തി പകരം ശിഖർ ധവാൻ ടീമിൽ തിരികെയെത്തി. വെറ്ററൻ പേസറും ട്വന്റി ട്വന്റി സ്പെഷലിസ്റ്റുമായ ആശിഷ് നെഹ്റയും ടീമിലുണ്ട്.

ഏ​ക​ദി​ന പ​ര​ന്പ​ര​യി​ൽ സ്ഥിരതയാർന്ന പ്രകടനം കാഴ്ചവച്ചെങ്കിലും പ്രതിരോധത്തിലൂന്നിയ പ്രകടനമാണ് ര​ഹാ​നെ​യെ ടീമിൽ നിന്ന് ഒഴിവാക്കാൻ കാരണം. പരമ്പരയിൽ അവസാന നാല് മത്സരങ്ങളിലും തുടർച്ചയായി അർധസെഞ്ച്വറി തികച്ച രഹാനെ ആകെ 244 റൺസ് നേടിയിരുന്നു. ര​വി​ച​ന്ദ്ര​ൻ അ​ശ്വി​ൻ, ര​വീ​ന്ദ്ര ജ​ഡേ​ജ എ​ന്നി​വ​രെയും ടീമിൽ നിന്ന് ഒഴിവാക്കിയിട്ടുണ്ട്.

ഒ​ക്ടോ​ബ​ർ ഏ​ഴി​ന് റാ​ഞ്ചി​യി​ലാ​ണ് ആ​ദ്യ ട്വ​ന്‍റി-20 മ​ത്സ​രം. ഒ​ക്ടോ​ബ​ർ പ​ത്തി​ന് ഗു​വ​ഹാ​ത്തി​യി​ലും പ​തി​മൂ​ന്നി​ന് ഹൈ​ദ​രാ​ബാ​ദി​ലു​മാ​ണ് അ​ടു​ത്ത മ​ത്സ​ര​ങ്ങ​ൾ. ടീം: ​വി​രാ​ട് കോ​ഹ്‌ലി (​ക്യാ​പ്റ്റ​ന്‍), രോ​ഹി​ത് ശ​ര്‍​മ, ശി​ഖ​ര്‍ ധ​വാ​ന്‍, കേ​ദാ​ർ യാ​ദ​വ്, ദി​നേ​ഷ് കാ​ർ​ത്തി​ക്, കെ.​എ​ൽ.രാ​ഹു​ൽ, മ​നീ​ഷ് പാ​ണ്ഡ്യ, മ​ഹേ​ന്ദ്ര​ സിങ് ധോ​ണി, ഹാ​ർ​ദി​ക് പാ​ണ്ഡ്യ, യു​സ്‌​വേ​ന്ദ്ര ചാ​ഹ​ല്‍, ജ​സ്പ്രീ​ത് ബുംറ, ഭു​വ​നേ​ശ്വ​ര്‍ കു​മാ​ര്‍, കു​ൽ​ദീ​പ് യാ​ദ​വ്, ആ​ശി​ഷ് നെ​ഹ്റ, അ​ക്സ​ർ പ​ട്ടേ​ൽ.

Get Malayalam News and latest news update from India and around the world. Stay updated with today's latest Sports news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ