Latest News
ചരിത്ര വിജയം ദീപം തെളിയിച്ച് ആഘോഷിച്ച് ഇടതുമുന്നണി
ആശങ്ക അകലുന്നില്ല; 38,460 പുതിയ കേസുകള്‍, 54 മരണം
ട്വന്റി 20 ലോകകപ്പ് ഇന്ത്യയില്‍ നടത്തുന്നത് സുരക്ഷിതമല്ല: പാറ്റ് കമ്മിന്‍സ്
കേരള സര്‍വകലാശാലയിലെ അധ്യാപക നിയമനങ്ങള്‍ ഹൈക്കോടതി റദ്ദാക്കി
ലോക്ക്ഡൗണ്‍ കാലത്ത് കേരളത്തില്‍ ആരും പട്ടിണി കിടക്കേണ്ടി വരില്ല: മുഖ്യമന്ത്രി
കര്‍ണാടകയില്‍ 10 മുതല്‍ സമ്പൂർണ ലോക്ക്ഡൗണ്‍
പൊലിസ് പാസിനുള്ള ഓണ്‍ലൈന്‍ സംവിധാനം നാളെ മുതല്‍

വിജയം അനായാസവും ആധികാരികവുമാക്കിയ പേസർമാർ; ഈഡനിൽ പിറന്നത് പുതുചരിത്രം

രണ്ട് ഇന്നിങ്സുകളിലുമായി വീണ ബംഗ്ലാദേശിന്റെ 19 വിക്കറ്റും ഇന്ത്യൻ പേസർമാർ വീഴ്ത്തിയതായിരുന്നു

കൊൽക്കത്ത: കഴിഞ്ഞ കുറേ നാളുകളായി ഇന്ത്യൻ മണ്ണിൽ എതിരാളികളെ ഇന്ത്യ വീഴ്ത്തിയത് സ്‌പിന്നർമാരുടെ കരുത്തിലായിരുന്നു. എന്നാൽ അശ്വിനും ജഡേജയുമെല്ലാം അടങ്ങുന്ന സ്‌പിൻ സ്ക്വാഡിനെ കാഴ്ചക്കാരക്കി ഇന്ത്യൻ വിജയത്തിൽ നിർണായക സാനിധ്യമായി മാറിയിരിക്കുകയാണ് പേസ് നിര. ക്രിക്കറ്റ് ആരാധകർ അത്ഭുതത്തോടെ തന്നെയാണ് ഇന്ത്യൻ പേസിന്റെ വേഗതയെയും കൃത്യതയെയും നോക്കി കാണുന്നത്. രണ്ട് ഇന്നിങ്സുകളിലുമായി വീണ ബംഗ്ലാദേശിന്റെ 19 വിക്കറ്റും ഇന്ത്യൻ പേസർമാർ വീഴ്ത്തിയതായിരുന്നു. ഇന്ത്യൻ വിജയം അനായാസവും ആധികാരികവുമാക്കിയതും പേസർമാരുടെ പ്രകടനം തന്നെ.

ഇന്ത്യയ്ക്കുവേണ്ടി പേസർമാർ ഏറ്റവും കൂടുതൽ വിക്കറ്റ് വീഴ്ത്തിയ മത്സരം കൂടിയായിരുന്നു കൊൽക്കത്തയിലെ പിങ്ക് ബോൾ ടെസ്റ്റ്. ശ്രീലങ്കയുടെ 17 വിക്കറ്റുകൾ വീഴ്ത്തിയ പ്രകടനത്തെയാണ് ഷമിയും ഉമേഷും ഇഷാന്തും ചേർന്ന് തിരുത്തിയെഴുതിയത്.

പിങ്ക് ബോളിൽ ഇന്ത്യൻ പേസർമാർ ആധിപത്യം ഏറ്റെടുത്തപ്പോൾ ബംഗ്ലാദേശ് ബാറ്റ്സ്മാന്മാർ അതിവേഗം കൂടാരം കയറി. ആദ്യ ഇന്നിങ്സിൽ ഇഷാന്ത് അഞ്ച് വിക്കറ്റ് നേട്ടം സ്വന്തമാക്കിയപ്പോൾ രണ്ടാം ഇന്നിങ്സിൽ ഉമേഷ് യാദവ് അഞ്ചു വിക്കറ്റ് വീഴ്ത്തി മിന്നലായി.

ഇൻഡോറിൽ നടന്ന ആദ്യ മത്സരത്തിൽ അശ്വിൻ വീഴ്ത്തിയ അഞ്ചു വിക്കറ്റുകൾ മാറ്റിനിർത്തിയാൽ രണ്ടു മത്സരങ്ങളിലുമായി ബാക്കി വിക്കറ്റുകൾ വീഴ്ത്തിയത് മുഴുവൻ പേസർമാരായിരുന്നു. രണ്ടു മത്സരങ്ങളിൽ നിന്നുമായി 12 വിക്കറ്റ് വീഴ്ത്തിയ ഇഷാന്താണ് കളിയിലെയും പരമ്പരയിലെയും താരം. ഉമേഷ് യാദവും 12 വിക്കറ്റുകളുമായി തിളങ്ങിയപ്പോൾ ഷമിയുടെ അക്കൗണ്ടിലും ഒമ്പത് വിക്കറ്റുകളുണ്ട്.

കഴിഞ്ഞ അഞ്ചു വർഷത്തെ കണക്കെടുത്താൽ കളിച്ച 28 മത്സരങ്ങളിൽ 23ലും ഇന്ത്യൻ ബോളർമാർ എതിരാളികളുടെ 20 വിക്കറ്റും സ്വന്തമാക്കിയിട്ടുണ്ട്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Indian pacers plays vital role in pink ball test against bangladesh in kolkata

Next Story
നായകൻ…ഒന്നാമൻ…; ധോണിയുടെ റെക്കോർഡുകൾ തിരുത്തി ഇന്ത്യയ്ക്ക് തുടർജയങ്ങൾ സമ്മാനിച്ച് വിരാട് കോഹ്‌ലിVirat Kohli, വിരാട് കോഹ്ലി,Virat Kohli follow on record,വിരാട് കോഹ്ലി ഫോളോ ഓണ്‍ റെക്കോര്‍ഡ്, Virat Kohli captaincy record, South Africa follow on, Mohammad Azharuddin, India vs South Africa third Test, IND vs SA 3rd Test, Ranchi Test
The moderation of comments is automated and not cleared manually by malayalam.indianexpress.com
Best of Express