ന്യൂസിലൻഡിനെതിരായ ഏകദിന പരമ്പരയിലെ രണ്ടാം മത്സരത്തിലും ഇന്ത്യൻ വനികൾക്ക് മേൽക്കൈ. ഇന്ത്യക്കെതിരെ ന്യൂസിലൻഡ് 161 റൺസിന് പുറത്തായി. ടോസ് നേടി ബോളിങ് തിരഞ്ഞെടുത്ത ഇന്ത്യൻ നായിക മിതാലി രാജിന്റെ തീരുമാനം ശരിവയ്ക്കുന്നതായിരുന്നു ഇന്ത്യൻ താരങ്ങളുടെ പ്രകടനം. അർധ സെഞ്ചുറി നേടിയ ന്യൂസിലൻഡ് നായിക ആമിക്ക് മാത്രമാണ് എതിർ നിരയിൽ തിളങ്ങാനായത്.

ന്യൂസിലൻഡ് അക്കൗണ്ട് തുറക്കുന്നതിന് മുമ്പ് ഓപ്പണർ സൂസി ബെറ്റ്സിനെ മടക്കി ജൂലൻ ഗോസ്വാമി ആതിഥേയർക്ക് ആദ്യ പ്രഹരം നൽകി. പിന്നാലെ കൃത്യമായ ഇടവേളകളിൽ കിവികളുടെ വിക്കറ്റുകൾ ഒന്നൊന്നായി ഇന്ത്യൻ താരങ്ങൾ എറിഞ്ഞു വീഴ്ത്തി. ആറാം വിക്കറ്റിൽ നായികയുടെ പ്രകടനമാണ് വലിയ നാണക്കേടിൽ നിന്ന് ന്യൂസിലൻഡിനെ രക്ഷിച്ചത്. അർധ സെഞ്ചുറി തികച്ച ആമിയെ പൂനം യാദവ് മടക്കിയതടെ വീണ്ടും ന്യൂസിലൻഡ് തകർന്നു.

പിന്നാലെ എത്തിയവർക്കാർക്കും റൺസ് നേടാൻ കഴിയാതെ വന്നതോടെ ന്യൂസിലൻഡ് ഇന്നിങ്സ് 44 ഓവറിൽ 161 റൺസിന് അവസാനിച്ചു. ഇന്ത്യക്ക് വേണ്ടി ജൂലൻ ഗോസ്വാമി മൂന്ന് വിക്കറ്റ് വീഴ്ത്തി. എക്ത ബിഷ്ത്, ദീപ്തി ശർമ്മ, പൂനം യാദവ് എന്നിവർ രണ്ട് വിക്കറ്റ് വീതവും വീഴ്ത്തി.

Get Malayalam News and latest news update from India and around the world. Stay updated with today's latest Sports news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ