അവസാന ഓവറുകളിൽ വെടിക്കെട്ട് ബാറ്റിംഗ്; ഇന്ത്യയ്ക്ക് കൂറ്റൻ സ്കോർ

ലോകേഷ് രാഹുൽ ഇന്ത്യയ്ക്ക് വേണ്ടി അർദ്ധസെഞ്ച്വറി നേടി. ശ്രീലങ്കയ്ക്ക് ജയിക്കാൻ 20 ഓവറിൽ 181 റൺസ് നേടണം

കട്ടക്ക്: ശ്രീലങ്കയ്ക്ക് എതിരായ ആദ്യ ടി20 മത്സരത്തിൽ ഇന്ത്യയ്ക്ക് കൂറ്റൻ സ്കോർ. ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യ ധോണിയും മനേഷ് പാണ്ഡെയും നടത്തിയ വെടിക്കെട്ട് ബാറ്റിംഗിന്റെ ബലത്തിലാണ് മികച്ച സ്കോർ നേടിയത്.

ഓപ്പണറായി ഇറങ്ങിയ ലോകേഷ് രാഹുൽ(48 പന്തിൽ 61) അർദ്ധ സെഞ്ച്വറി നേടിയ മത്സരത്തിൽ നാലാമനായി ഇറങ്ങിയ ധോണി (22 പന്തിൽ 39) ഉം മനേഷ് പാണ്ഡെ ( 18 പന്തിൽ 32) റൺസും നേടി. ഇവരുടെ മികവിൽ ഇന്ത്യ മൂന്ന് വിക്കറ്റ് നഷ്ടത്തിൽ 180 റൺസ് നേടി. അവസാന പന്തിൽ സിക്സറടിച്ച് ധോണിയാണ് ഇന്ത്യൻ സ്കോർ 180 ൽ എത്തിച്ചത്.

വിദേശ മണ്ണിൽ രണ്ടാമത് ബാറ്റ് ചെയ്ത് ലങ്ക 176 റൺസ് വിജയമാണ് ഇതുവരെ നേടിയതിൽ ഏറ്റവും വലുത്. ഓസീസിനെതിരെയാണ് ലങ്ക ഈ വിജയം നേടിയത്. അതേസമയം ഇന്ത്യയ്ക്ക് എതിരെ ഈ വിജയം ലങ്കൻ താരങ്ങൾക്ക് ആവർത്തിക്കാനാവുമോയെന്നാണ് ഉറ്റുനോക്കപ്പെടുന്നത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: India vs sri lanka 1st t20i at cuttack hosts post

Next Story
ഇന്ത്യ-ശ്രീലങ്ക ആദ്യ ടി20; കട്ടക്കിൽ രാഹുലിന് അർദ്ധസെഞ്ച്വറി; ഇന്ത്യ ശക്തമായ നിലയിൽ
The moderation of comments is automated and not cleared manually by malayalam.indianexpress.com