സെഞ്ചൂറിയൻ: ദക്ഷിണാഫ്രിക്കയ്ക്കെതിരായ രണ്ടാം ടെസ്റ്റിൽ ഇന്ത്യൻ നായകൻ വിരാട് കോഹ്‌ലിക്ക് തകർപ്പൻ സെഞ്ചുറി. 146 പന്തിൽ നിന്നാണ് വിരാട് കോഹ്‌ലി മൂന്നക്കം പിന്നിട്ടത്. 10 ഫോറുകൾ അടങ്ങുന്നതായിരുന്നു കോഹ്‌ലിയുടെ ഇന്നിങ്സ്. ടെസ്റ്റ് കരിയറിലെ 21-ാം സെഞ്ചുറിയാണ് കോഹ്‌ലി ദക്ഷിണാഫ്രിക്കയ്ക്കെതിരെ നേടിയത്.

ആദ്യ ഇന്നിങ്സിൽ ദക്ഷിണാഫ്രിക്ക 335 റൺസാണ് നേടിയത്. മക്രാം, ഫാഫ് ഡുപ്ലിസി, ഹാഷിം അംല എന്നിവരുടെ അർധസെഞ്ചുറികളാണ് ദക്ഷിണാഫ്രിക്കയ്ക്ക് തുണയായത്. ഇന്ത്യക്കായി രവിചന്ദൻ അശ്വിൻ 4 വിക്കറ്റും ഇശാന്ത് ശർമ്മ 3 വിക്കറ്റും വീഴ്ത്തി.

ആദ്യ ടെസ്റ്റ് തോറ്റ ഇന്ത്യ പരമ്പരയിൽ 0-1 ന് പിറകിലാണ്. രണ്ടാം ടെസ്റ്റിൽ ജയത്തോടെ പരമ്പരയിലേക്ക് തിരിച്ചുവരാനുള്ള ശ്രമത്തിലാണ് കോഹ്‌ലിയും സംഘവും.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook