Latest News

സമ്മർദ്ദത്തിലാക്കിയാൽ സിക്‌സിലൂടെ മറുപടി കൊടുക്കും; ഇന്ത്യൻ താരങ്ങളെക്കുറിച്ച് ഗാംഗുലി

എത്ര വലിയ സ്കോറായാലും പിന്തുടർന്ന് മറികടക്കാൻ ഇന്ത്യൻ ടീമിന് കഴിയുമെന്നും സമ്മർദ്ദത്തെ മറികടക്കാനുള്ള കഴിവ് ഇന്ത്യൻ താരങ്ങൾക്കുണ്ടെന്നും ഗാംഗുലി

ഓസ്ട്രേലിയയ്ക്കു പിന്നാലെ ന്യൂസിലൻഡിലും ഏകദിന പരമ്പര നേടിയിരിക്കുകയാണ് ഇന്ത്യൻ ടീം. അഞ്ചു മത്സരങ്ങൾ അടങ്ങിയ ഏകദിന പരമ്പരയിലെ ആദ്യ മൂന്നു മത്സരവും ജയിച്ചാണ് ഇന്ത്യ പരമ്പര നേടിയത്. നായകൻ വിരാട് കോഹ്‌ലിയുടെ നേതൃത്വത്തിലുള്ള ഇന്ത്യൻ ടീമിന്റെ മികവുറ്റ പ്രകടനമാണ് ഇന്ത്യക്ക് പരമ്പര സമ്മാനിച്ചത്.

വിരാട് കോഹ്‌ലിയുടെയും ഇന്ത്യൻ ടീമിന്റെയും പ്രകടനത്തെ പ്രശംസിച്ച് നിരവധി മുൻതാരങ്ങൾ രംഗത്തുവന്നിട്ടുണ്ട്. നിലവിലെ ഇന്ത്യൻ ടീമിലെ ടോപ് ഓർഡർ ബാറ്റ്സ്മാന്മാർ ലോകത്തിൽവച്ച് മികച്ച കളിക്കാരെന്നാണ് മുൻ നായകൻ സൗരവ് ഗാംഗുലിയുടെ അഭിപ്രായം.

”ഓസ്ട്രേലിയയിലേക്കാൾ മികച്ച പ്രകടനമാണ് ന്യൂസിലൻഡിലെ ഇന്ത്യൻ ടീമിന്റേത്. ന്യൂസിലൻഡിൽ ഇന്ത്യൻ ആധിപത്യമാണ് കാണാനായത്. ഇന്ത്യൻ താരങ്ങളുടെ ആത്മവിശ്വാസവും 50 ഓവറിനുള്ളിൽ ബോളർമാർ മുഴുവൻ വിക്കറ്റ് വീഴ്‌ത്തുന്നതും ടീമിനോടുള്ള മതിപ്പ് വർധിപ്പിക്കുന്നു. ഏകദിനത്തിൽ ഈ വർഷം ഇന്ത്യക്ക് മികച്ചതായിരിക്കും,” ഗാംഗുലി ഇന്ത്യൻ ടിവിയോട് പറഞ്ഞു.

ഇന്ത്യൻ ബോളർമാരുടെ പ്രകടനത്തെയും ഗാംഗുലി പ്രശംസിച്ചു. ”കുൽദീപ് യാദവ് ന്യൂസിലൻഡ് ബാറ്റ്സ്മാന്മാരെ വെള്ളം കുടിപ്പിച്ചു. ഇന്ത്യയുടെ മൊത്ത ടീമും മികച്ച പ്രകടനമാണ് നടത്തിയത്, പ്രത്യേകിച്ച് രോഹിത്തും കോഹ്‌ലിയും. മറ്റേതു ടീമുലും ഇതപോലെ ടോപ് ഓർഡർ കാണാനാവില്ല. ഏകദിന ക്രിക്കറ്റിൽ മറ്റേതു ടീമിനെക്കാളും മുന്നിലാണ് ഇന്ത്യ. വരാൻ പോകുന്ന ലോകകപ്പ് ഇതുവരെ കണ്ടതിൽവച്ച് ഏറ്റവും മികച്ചതായിരിക്കും,” ഗാംഗുലി അഭിപ്രായപ്പെട്ടു.

എത്ര വലിയ സ്കോറായാലും പിന്തുടർന്ന് മറികടക്കാൻ ഇന്ത്യൻ ടീമിന് കഴിയുമെന്നും സമ്മർദ്ദത്തെ മറികടക്കാനുള്ള കഴിവ് ഇന്ത്യൻ താരങ്ങൾക്കുണ്ടെന്നും ഗാംഗുലി പറഞ്ഞു. ”200-250 എന്ന സ്കോറിൽ ഇന്ത്യൻ ടീമിനെ തോൽപ്പിക്കാൻ ഒരു ടീമിനും കഴിയില്ല. വലിയ സ്കോറും മറികടക്കാൻ കഴിയുമെന്ന് ഇന്ത്യൻ ബാറ്റ്സ്മാന്മാർ ഇതിനോടകം തെളിയിച്ചിട്ടുണ്ട്. സമ്മർദ്ദ ഘട്ടത്തിൽ രോഹിതോ കോഹ്‌ലിയോ അതുമല്ലെങ്കിൽ ധോണിയോ സിക്സിലൂടെ മറുപടി കൊടുക്കും. സമ്മർദ്ദത്തെ എങ്ങനെ കൈകാര്യം ചെയ്യണമെന്ന് അവർക്ക് അറിയാം,” ഗാംഗുലി പറഞ്ഞു.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: India vs new zealand sourav ganguly predicts outcome of the world cup

Next Story
കിവികളെ എറിഞ്ഞിട്ട് ഇന്ത്യൻ വനിതകൾ; വിജയലക്ഷ്യം 162 റൺസ്india women, india vs england, india women vs england, india vs england women, ind vs eng, cricket news, indian women cricket, cricket, cricket buzz, ക്രിക്കറ്റ്, live cricket, ക്രിക്കറ്റ് ലൈവ്, cricket live score, ക്രിക്കറ്റ് ലൈവ് സ്കോർ, cricket live video, live cricket online, cricket news, ക്രിക്കറ്റ് മാച്ച്, sports malayalam, sports malayalam news, ക്രിക്കറ്റ് ന്യൂസ്, sports news cricket, iemalayalam, ഐഇമലയാളം sports cricket, സ്പോർട്സ് ന്യൂസ്, sports news, india cricket, ഇന്ത്യൻ ക്രിക്കറ്റ്, indian national cricket team, ഇന്ത്യൻ ക്രിക്കറ്റ് ടീം ക്യാപ്റ്റൻ, cricket sport, സ്പോർട്സ്, scorecard india, സ്പോർട്സ് വാർത്തകൾ, scoreboard,കായിക വാർത്തകൾ, indian express, ഇന്ത്യൻ എക്സ്പ്രസ്, indian express epaper, express sports, എക്സ്പ്രസ് സ്പോർട്സ്,
The moderation of comments is automated and not cleared manually by malayalam.indianexpress.com
Best of Express