scorecardresearch

അവസാന കളിയും കൈവിട്ട് ഇന്ത്യ; പരമ്പര തൂത്തുവരി ഇംഗ്ലണ്ട്

ഒരു റൺസിനാണ് അവസാന ടി20യിൽ ഇംഗ്ലണ്ട് ഇന്ത്യയെ പരാജയപ്പെടുത്തിയത്

ഇംഗ്ലണ്ട് വനിതകളുടെ ഇന്ത്യൻ പര്യടനത്തിലെ അവസാന മത്സരവും കൈവിട്ട് ആഥിതേയർ. ഒരു റൺസിനാണ് അവസാന ടി20യിൽ ഇംഗ്ലണ്ട് ഇന്ത്യയെ പരാജയപ്പെടുത്തിയത്. ഇംഗ്ലണ്ട് ഉയർത്തിയ 119 റൺസ് പിന്തുടർന്ന ഇന്ത്യയ്ക്ക് നിശ്ചിത ഓവറിൽ 118 റൺസെടുക്കാനെ സാധിച്ചുള്ളു. ഇതോടെ മൂന്ന് മത്സരങ്ങളടങ്ങുന്ന പരമ്പര ഇംഗ്ലണ്ട് തൂത്തുവാരി.

ടോസ് നേടിയ ഇംഗ്ലണ്ട് ബാറ്റിങ് തിരഞ്ഞെടുക്കുകയായിരുന്നു. മികച്ച തുടക്കമാണ് ഇംഗ്ലീഷ് ഓപ്പണർമാർ ടീമിന് നൽകിയത്. ഒന്നാം വിക്കറ്റിൽ അർധസെഞ്ചുറി കൂട്ടുകെട്ട് തീർത്ത ശേഷമാണ് ഡാനിയേൽ വൈറ്റ് കളം വിട്ടത്. പിന്നാലെ എത്തിയവരും ചെറിയ സ്കോറുകൾ അക്കൗണ്ടിൽ കൂട്ടിച്ചേർത്തതോടെ 119 റൺസെന്ന ചെറിയ സ്കോറിന് ഇംഗ്ലണ്ട് ഇന്നിങ്സ് അവസാനിക്കുകായായിരുന്നു.

ചെറിയവിജയലക്ഷ്യം പിന്തുടർന്ന ഇന്ത്യയ്ക്ക് തുടക്കം തന്നെ പിഴച്ചു. പത്ത് റൺസിൽ ഹർലീൻ ഡിയോൾ മടങ്ങി. പിന്നാലെ ജെമിമ റോഡ്രിഗസും. ചെറുത്തുനിൽപ്പുമായി മിതാലി രാജും സ്‌മൃതി മന്ദാനയും ക്രീസിൽ നിലയുറപ്പിച്ചതോടെ ഇന്ത്യ വിജയം മുന്നിൽ കണ്ടു. എന്നാൽ അർധസെഞ്ചുറിയ്ക്ക് പിന്നാലെ മന്ദാന മടങ്ങി. മധ്യനിര തകർന്നടിഞ്ഞെങ്കിലും വിജയലക്ഷ്യം ഇന്ത്യയ്ക്ക് കൈയ്യെത്തും ദൂരത്തായിരുന്നു. എന്നാൽ നിശ്ചിത ഓവറിൽ ഒരു റൺസകലെ ഇന്ത്യൻ ഇന്നിങ്സ് അവസാനിച്ചു.

Stay updated with the latest news headlines and all the latest Sports news download Indian Express Malayalam App.

Web Title: India vs england 3rd women t20i live score streaming