IND vs AUS Semi Final | Champions Trophy 2025: ടോസ് കിട്ടാത്തതാണ് നല്ലത്; 11ാം വട്ടവും നിരാശനായി രോഹിത്

india Vs Australia Semi Final Toss, Champions Trophy 2025: തുടരെ 11ാം വട്ടം ഏകദിനത്തിൽ ടോസ് നേടാനാവാതെ ഇന്ത്യൻ ക്യാപ്റ്റൻ രോഹിത് ശർമ. ഏറ്റവും ഒടുവിൽ ഏകദിനത്തിൽ ഇന്ത്യ ടോസ് ജയിക്കുന്നത് 2023 ലോകകപ്പ് സെമി ഫൈനലിൽ ന്യൂസിലൻഡിന് എതിരെയാണ്. മുംബൈയിൽ വാങ്കഡെ സ്റ്റേഡിയത്തിൽ അന്ന് ടോസ് ജയിച്ചതിന് ശേഷം ഏകദിനത്തിൽ ടോസ് ജയിക്കാൻ ഇന്ത്യൻ ക്യാപ്റ്റന് സാധിച്ചിട്ടില്ല. വെസ്റ്റ് ഇൻഡീസ് ക്യാപ്റ്റനായിരുന്ന സമയം ബ്രയാൻ ലാറയ്ക്ക് 12 വട്ടം തുടരെ ടോസ് നഷ്ടമായിരുന്നു.

തുടരെ 11ാം വട്ടം ടോസ് നഷ്ടമായതിനെ കുറിച്ച് രോഹിത് ശർമയുടെ പ്രതികരണം ഇങ്ങനെ,  "ആദ്യം ബാറ്റിങ്ങ് ആയാലും ബോളിങ് ആയാലും ചെയ്യാൻ ഞങ്ങൾ തയ്യാറായിരുന്നു. കാരണം അവസാന മൂന്ന് മത്സരങ്ങളിൽ ഈ വിക്കറ്റ് വ്യത്യസ്തമായ രീതിയിലാണ് പ്രതികരിച്ചത്. അതിനാൽ ടോസ് നേടിയാൽ എന്ത് തിരഞ്ഞെടുക്കണം എന്ന സംശയത്തിൽ നിൽക്കുമ്പോൾ ടോസ് ജയിക്കാത്തതാണ് നല്ലത്," രോഹിത് ശർമ പറഞ്ഞു. 

View this post on Instagram

A post shared by ICC (@icc)

ടോസ് നേടി ഓസ്ട്രേലിയ സെമി ഫൈനലിൽ ബാറ്റിങ് തിരഞ്ഞെടുത്തെങ്കിലും കൃത്യമായ ഇടവേളകളിൽ വിക്കറ്റ് വീഴ്ത്താൻ ഇന്ത്യക്ക് സാധിച്ചു. ഓപ്പണർ കൂപ്പറിനെ വീഴ്ത്തി മുഹമ്മദ് ഷമിയാണ് ഇന്ത്യക്ക് ആദ്യ ബ്രേക്ക് നൽകിയത്. പരുക്കേറ്റ ഷോർട്ടിന് പകരമാണ് കൂപ്പർ ഓസ്ട്രേലിയയുടെ പ്ലേയിങ് ഇലവനിലേക്ക് എത്തിയത്. 

35 ഓവറിലേക്ക് ഓസ്ട്രേലിയയുടെ ബാറ്റിങ് എത്തുമ്പോൾ നാല് വിക്കറ്റ് നഷ്ടത്തിൽ 186 റൺസ് എന്ന നിലയിലാണ് ഓസ്ട്രേലിയ. ഒൻപത് പന്തിൽ ഡക്കായ കൂപ്പർ, 39 റൺസ് എടുത്ത ട്രാവിസ് ഹെഡ്, 29 റൺസ് എടുത്ത ലാബുഷെയ്ൻ, 11 റൺസ് എടുത്ത ഇൻഗ്ലിസ് എന്നിവരെയാണ് ഓസ്ട്രേലിയക്ക് 35 ഓവറിലേക്ക് കളി എത്തിയപ്പോൾ നഷ്ടമായത്. രവീന്ദ്ര ജഡേജ രണ്ട് വിക്കറ്റും വരുൺ ചക്രവർത്തിയും മുഹമ്മദ് ഷമിയും ഓരോ വിക്കറ്റ് വീതവും വീഴ്ത്തി. 

Read More

• India vs Australia Semi Final, Champions Trophy 2025: ഒൻപത് പന്തിൽ കൂപ്പർ ഡക്ക്; കയ്യടിക്കണം ഷമിയുടെ തന്ത്രത്തിന്
• Virat Kohli: "സച്ചിന്റെ യുഗത്തിലാണ് കളിച്ചിരുന്നത് എങ്കിലോ? ഈ നേട്ടങ്ങളിലേക്ക് കോഹ്ലി എത്തില്ല"
• ‍23 കോടിയുടെ താരമല്ല; കൊൽക്കത്തയെ നയിക്കുക ഒന്നര കോടിക്ക് സ്വന്തമാക്കിയ ആ സീനിയർ താരം
• 'രോഹിത് ടീമിൽ പോലും ഉണ്ടാകരുത്,' ഷമ മുഹമ്മദിന്റെ വിവാദ പരാമർശത്തെ പിന്തുണച്ച് തൃണമൂൽ നേതാവ്