മൗറീഷ്യസ് മറികടന്ന് ഇന്ത്യ; ത്രിരാഷ്ട്ര ഫുട്ബോൾ ടൂർണമെന്റിൽ വിജയത്തുടക്കം

ഇന്ത്യയുടെ തുടർച്ചയായ ഒൻപതാം വിജയം

ഇന്ത്യ, ഫുട്ബോൾ ടീം, മൗറീഷ്യസ്, ത്രിരാഷ്ട്ര ടൂർണമെന്റ്, വിജയത്തുടക്കം, 2-1 ജയം, ഇന്ത്യക്ക് ജയം, ഫുട്ബോളിൽ ഇന്ത്യക്ക് ജയം
Mumbai:India's Robin Singh celebrates after scoring a goal against Mauritius during the Tri -Nation Series International friendly match in Mumbai on Saturday. PTI Photo by Shashank Parade(PTI8_19_2017_000144B)

മുംബൈ: ത്രിരാഷ്ട്ര ഫുട്ബോൾ ടൂർണ്ണമെന്റിലെ ആദ്യ മത്സരത്തിൽ ഇന്ത്യ മൗറീഷ്യസിനെ തോൽപ്പിച്ചു. ഒരു ഗോളിന് പുറകിൽ നിന്ന ശേഷമാണ് മൗറീഷ്യസിനെ രണ്ട് ഗോളിന് ഇന്ത്യ മറികടന്നത്. പതിനഞ്ചാം മിനിറ്റിൽ മെർവിൻ ജോസ്ലിനിലൂടെ മുന്നിലെത്തിയ മൗറീഷ്യസിനെ റോബിൻ സിംഗ്(37), ബൽവന്ദ് സിംഗ് (62) എന്നിവരുടെ ഗോളുകളിലൂടെയാണ് ഇന്ത്യ പരാജയപ്പെടുത്തിയത്.

പ്രതിരോധത്തിലെ പിഴവുകൾ മുതലെടുത്ത് ആദ്യ ഘട്ടത്തിൽ ആക്രമിച്ച മൗറീഷ്യസ് ഇന്ത്യ നിലയുറപ്പിക്കും മുൻപ് തന്നെ ഗോൾ നേടി. ഗോൾ വഴങ്ങിയതോടെ സന്ദേശ് ജിംഗന്റെ നേതൃത്വത്തിൽ പ്രതിരോധ നിര കൂടുതൽ ശക്തിപ്പെടുത്തി. ഇതിനിടെ മൗറീഷ്യസിന്റെ പ്രതിരോധ നിരയെ കബളിപ്പിച്ച് മുന്നേറിയ റോബിൻ സിംഗ് ആദ്യ പകുതിയിൽ തന്നെ ഇന്ത്യയ്ക്കായി സമനിലഗോൾ സമ്മാനിച്ചു.

രണ്ടാം പകുതിയിൽ റോബിൻ സിംഗിന് പകരം തുടക്കത്തിൽ തന്നെ ബൽവന്ദ് സിംഗിനെ ഇറക്കി സ്റ്റീഫൻ കോൺസ്റ്റന്റൈന്റെ തീരുമാനം ശരിവെക്കും വിധത്തിലായിരുന്നു ഇന്ത്യയുടെ മുന്നേറ്റം. ജെജെ കൈമാറിയ പന്തുമായി മുന്നേറിയ ബൽവന്ദ് സിംഗ് അനായാസം പന്ത് വലയിലാക്കി. ഇന്ത്യൻ ഫുട്ബോൾ ടീമിന്റെ തുടർച്ചയായ ഒൻപതാം വിജയമാണിത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: India beat mauritius 2 1 continue winning streak

Next Story
ക്രിക്കറ്റ് ദൈവത്തിന് ബ്രിട്ടീഷ് ഭീഷണി; സച്ചിന്റെ റെക്കോര്‍ഡിലേക്ക് ബാറ്റ് വീശിയൊരു ഇംഗ്ലണ്ട് താരം
The moderation of comments is automated and not cleared manually by malayalam.indianexpress.com
X