ന്യൂഡൽഹി: ഫിറോസ് ഷാ കോട്‍ലയിലെ വായു മലിനീകരണത്തെ സംബന്ധിച്ച് ശ്രീലങ്കൻ ടീം ഐസിസിയ്ക്ക് പരാതി നൽകി. ശ്രീലങ്കൻ കായിക മന്ത്രി ദയാസിരി ജയസേകരയാണ് ഐസിസിക്ക് ഔദ്യോഗികമായി നൽകിയത്. നാലോളം താരങ്ങള്‍ക്ക് ഛര്‍ദ്ദിയും അസ്വാസ്ഥ്യവും പിടിപ്പെട്ടുവെന്നും ഇങ്ങനെ അപകടകരമായ വിധത്തിലുള്ള സാഹചര്യങ്ങളില്‍ ക്രിക്കറ്റ് കളിക്കേണ്ട ആവശ്യമില്ലെന്നും മന്ത്രി പറഞ്ഞു.

ശ്വാസതടസ്സം നേരിട്ട ലങ്കന്‍ താരങ്ങള്‍ മാസ്ക് ധരിച്ചാണ് മത്സരത്തിനു ഇറങ്ങിയത്. ഒരു ഘട്ടത്തില്‍ പലതാരങ്ങളും ഗ്രൗണ്ട് വിട്ടപ്പോള്‍ ഫീല്‍ഡര്‍മാരില്ലാത്ത അവസ്ഥയിലേക്കും ലങ്ക നീങ്ങി. പല ലങ്കൻ താരങ്ങൾക്കും ദേഹാസ്വാസ്ഥ്യം അനുഭവപ്പെട്ടിരുന്നു. ശ്രീലങ്കൻ ഫാസ്റ്റ് ബൗളർ സുരങ്ക ലക്മൽ മൈതാനത്ത് ഛർദ്ദിച്ചിരുന്നു. ഇന്ത്യൻ താരം മുഹമ്മദ് ഷമിക്കും സമാന അനുഭവം നേരിടേണ്ടി വന്നിരുന്നു.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook