കാബൂൾ: ഈ വർഷം ടെസ്റ്റ് പദവി ലഭിച്ച അഫ്ഗാനിസ്ഥാന്റെ കന്നി അങ്കത്തിനുള്ള എതിരാളികളെ പ്രഖ്യാപിച്ചു. കരുത്തരായ ഇന്ത്യക്കെതിരെയാണ് അഫ്ഗാനിസ്ഥാൻ തങ്ങളുടെ ആദ്യ അന്താരാഷ്ട്ര ടെസ്റ്റ് മത്സരം കളിക്കുക. ഇന്ത്യ തന്നെയാണ് മത്സരത്തിന് ആതിഥേയത്വം വഹിക്കുന്നത്. മത്സരത്തിന്റെ തീയതിയോ വേദിയോ പ്രഖ്യാപിച്ചിട്ടില്ല.
@ACBofficials and @BCCI have agreed that Afghanistan will play its first Test against India. The exact date and venue of the match will be shared in a joint press conference in due course. I personally thank BCCI board for the decision. @BCCI @ARG_AFG
— Atif Mashal (@MashalAtif) December 11, 2017
അഫ്ഗാനിസ്ഥാൻ ക്രിക്കറ്റ് ബോർഡ് അധ്യക്ഷൻ ആറ്റിഫ് മാഷലാണ് ഈ വാർത്ത പുറംലോകത്തെ അറിയിച്ചത്. ടെസ്റ്റ് മത്സരം നടത്താമെന്ന് ഇരു രാജ്യങ്ങളുടെയും ക്രിക്കറ്റ് ബോർഡുകൾ അംഗീകരിച്ചതായി അദ്ദേഹം ട്വിറ്ററിലൂടെയാണ് പുറത്ത് വിട്ടത്. ഇരു രാജ്യങ്ങളും സംയുക്തമായി വാർത്താസമ്മേളനം നടത്തുമെന്നും അദ്ദേഹം ട്വീറ്റ് ചെയ്തു. ഈ വാർത്ത ഐസിസി സ്ഥിരീകരിച്ചിട്ടുണ്ട്. 2019-2020 സീസണിലായിരിക്കും ഇന്ത്യ-അഫ്ഗാനിസ്ഥാൻ ടെസ്റ്റ് പരമ്പര നടക്കുക.
