ചരിത്രത്തില്‍ ആദ്യമായാണ് ദക്ഷിണാഫ്രിക്കന്‍ മണ്ണില്‍ ഇന്ത്യ ഏകദിന പരമ്പര സ്വന്തമാക്കുന്നത്. അഞ്ചാം ഏകദിനത്തില്‍ 73 റണ്‍സിന് വിജയിച്ചാണ് ഇന്ത്യ പരമ്പര വിജയം ഉറപ്പിച്ചത്. ക്രിക്കറ്റ് ലോകം എക്കാലവും ഓര്‍ത്ത് വയ്ക്കുന്ന നിമിഷങ്ങള്‍ക്കാണ് ചൊവ്വാഴ്ച പോര്‍ട്ട് എലിസബത്ത് സ്റ്റേഡിയം സാക്ഷ്യം വഹിച്ചത്. രോഹിത് ശര്‍മ്മയുടെ 17-ാം ഏകദിന സെഞ്ചുറിയും കുല്‍ദീപ് യാദവിന്റെ 4 വിക്കറ്റ് പ്രകടനവും ദക്ഷിണാഫ്രിയക്കയ്ക്ക് തിരിച്ചടിയായി.

കൂടാതെ ഫീല്‍ഡിങ് ഭാഗത്തും ഇന്ത്യ മികവ് പുലര്‍ത്തി. ഇതില്‍ ഏറെ ശ്രദ്ധേയമായത് ഓള്‍റൗണ്ടര്‍ ഹാര്‍ദ്ദിക് പാണ്ഡ്യയുടെ പ്രകടനമാണ്. നേരിട്ട ആദ്യ പന്തിൽത്തന്നെ ക്യാച്ച് സമ്മാനിച്ച് സംപൂജ്യനായി മടങ്ങിയ പാണ്ഡ്യ, ആരാധകരുടെ മനസ്സിൽ തീകോരിയിട്ടാണ് പുറത്തായത്. എന്നാൽ, ദക്ഷിണാഫ്രിക്ക ബാറ്റിങ് ആരംഭിച്ചതോടെ ചിത്രം മാറി. തന്റെ അഞ്ചാം ഓവറില്‍ ആക്രമണകാരിയായ ജെപി ഡുമിനിയെ കൂടാരം കയറ്റിയാണ് അദ്ദേഹം ഇന്ത്യയ്ക്ക് പ്രതീക്ഷ നല്‍കിയത്. ഇന്ത്യന്‍ ബോളര്‍മാരുടെ മുന്നില്‍ നിരന്തരം പകച്ചു നിന്ന ദക്ഷിണാഫ്രിക്കന്‍ ബാറ്റ്സ്മാന്‍മാര്‍ അജീവനത്തിന് വിയര്‍ത്തു.

42-ാം ഓവറില്‍ തബ്റൈസ് ഷംസിയുടെ ക്യാച്ചെടുത്താണ് പാണ്ഡ്യ ആരാധകരെ വിസ്മയിപ്പിച്ചത്. കുല്‍ദീപ് യാദവ് തന്റെ പത്താം ഓവര്‍ എറിയുമ്പോഴാണ് സംഭവം. കുല്‍ദീപിന്റെ പന്ത് ഷംസി ഉയര്‍ത്തി അടിക്കുകയായിരുന്നു. പന്തിനായി പാഞ്ഞ ശിഖര്‍ ധവാന് മുമ്പില്‍ പാണ്ഡ്യ കൂടി വന്നതോടെ ആശയക്കുഴപ്പം കാരണം ക്യാച്ച് കൈവിട്ട് പോകുമെന്ന് തോന്നിച്ചു. എന്നാല്‍ അത്ഭുതകരമായി ഒറ്റ കൈകൊണ്ട് പാണ്ഡ്യ ക്യാച്ച് എടുക്കുകയായിരുന്നു. കൂട്ടിയടിക്ക് സാധ്യതയുണ്ടായിരുന്ന സന്ദര്‍ഭത്തില്‍ പാണ്ഡ്യ എടുത്ത ക്യാച്ചിനെ കമന്റേറ്ററുമാരും താരങ്ങളും ഒരേ സ്വരത്തില്‍ പുകഴ്ത്തി. ആരാധകരും ഹര്‍ഷാരവത്തോടെയാണ് ഇതിനെ വരവേറ്റത്.

7 വിക്കറ്റ് നഷ്ടത്തിലാണ് ഇന്ത്യ 274 റൺസ് നേടിയത്. മറുപടിക്കിറങ്ങിയ ദക്ഷിണാഫ്രിക്ക 42.2 ഓവറിൽ 201 റൺസിന് ഓൾഔട്ടാവുകയായിരുന്നു. ഒരു മൽസരം കൂടി ബാക്കിനിൽക്കേ 4-1ന്റെ ലീഡ് നേടിയാണ് കോഹ്‌ലിയും കൂട്ടരും ദക്ഷിണാഫ്രിക്കയിൽ ഏകദിന പരമ്പര വിജയം നേടുന്ന ആദ്യ ഇന്ത്യൻ സംഘമായത്.

നി​ർ​ണാ​യ​ക മ​ൽസ​ര​ത്തി​ൽ ടോ​സ് ന​ഷ്ട​പ്പെ​ട്ട് ബാ​റ്റിങ്ങിനി​റ​ങ്ങി​യ ഇ​ന്ത്യ​ക്ക് രോ​ഹി​തും ധ​വാ​നും മി​ക​ച്ച തു​ട​ക്കം ന​ൽ​കി​യെ​ങ്കി​ലും അ​മി​താ​വേ​ശം ധ​വാ​നു വി​ന​യാ​യി. ഇ​ന്ത്യ​ൻ സ്കോ​ർ 48ൽ എത്തിനിൽക്കേ ​റ​ബാ​ഡ​യു​ടെ പ​ന്തി​ൽ പു​ൾ​ഷോ​ട്ടി​നു ശ്ര​മി​ച്ച ധ​വാ​ൻ (34) ഫെ​ലു​ക്വോ​യ്ക്കു ക്യാ​ച്ച് ന​ൽ​കി മ​ട​ങ്ങി.

തു​ട​ർ​ന്നെ​ത്തി​യ കോ​ഹ്‍ലി​യും രോ​ഹി​തും ചേ​ർ​ന്ന് ഇ​ന്നിങ്സ് മു​ന്നോ​ട്ടു​ന​യി​ച്ചു. ര​ണ്ടാം വി​ക്ക​റ്റി​ൽ ഇ​രു​വ​രും ചേ​ർ​ന്ന് 105 റ​ണ്‍​സ് കൂ​ട്ടി​ച്ചേ​ർ​ത്ത​പ്പോ​ൾ രോ​ഹി​തു​മാ​യു​ള്ള ആ​ശ​യ​ക്കു​ഴ​പ്പി​ൽ കോ​ഹ്‍ലി (36) റ​ണ്ണൗ​ട്ടാ​യി. പി​ന്നാ​ലെ എ​ത്തി​യ ര​ഹാ​നെ(8)​യും രോ​ഹി​തു​മാ​യു​ണ്ടാ​യ ആ​ശ​യ​ക്കു​ഴ​പ്പ​ത്തി​ൽ വി​ക്ക​റ്റ് ന​ഷ്ട​പ്പെ​ടു​ത്തി പ​വ​ലി​യ​നി​ലേ​ക്കു മ​ട​ങ്ങി. ഇ​തി​നു​ശേ​ഷം ശ്രേ​യ​സ് അ​യ്യ​ർ​ക്കൊ​പ്പം ശ്ര​ദ്ധ​യോ​ടെ ബാ​റ്റു ചെ​യ്ത രോ​ഹി​ത് 107 പ​ന്തു​ക​ളി​ൽ​നി​ന്നു സെ​ഞ്ചു​റി തി​ക​ച്ചു. 126 ബോളില്‍ നിന്ന് 115 റണ്‍സെടുത്ത രോഹിത് എന്‍ഗിഡിയുടെ പന്തില്‍ ക്ലാസന്‍ പിടിച്ച് പുറത്തായി.. 4 വിക്കറ്റ് നേടിയ കുൽദീപ് യാദവിന്റെയും 2 വിക്കറ്റ് വീതംനേടിയ ഹാർദ്ദിക് പാണ്ഡ്യയുടെയും യൂസ്‌വേന്ദ്ര ചാഹലിന്റെയും ബോളിങ്ങും ഇന്ത്യൻ വിജയത്തിൽ നിർണായകമായി.

Get Malayalam News and latest news update from India and around the world. Stay updated with today's latest Sports news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ