Latest News

ടിവി ഷോയിലെ മോശം പരാമർശം: ഹാർദിക് പാണ്ഡ്യയ്ക്കും രാഹുലിനുമെതിരെ നടപടിക്ക് ശുപാർശ

ബോളിവുഡ് സംവിധായകനും നിര്‍മ്മാതാവുമായ കോഫി വിത്ത് കരണിലായിരുന്നു ഹാര്‍ദിക്കും രാഹുലും വിവാദമായ പ്രസ്താവനകള്‍ നടത്തിയത്

hardik pandya, kl rahul, hardik pandya koffee with karan, kl rahul koffee with karan, koffee with karan episode, hardik pandya ban, kl rahul suspend, cricket news

മുംബൈ: ടിവി ഷോയിലെ സ്ത്രീവിരുദ്ധ പരാമർശത്തിൽ ഇന്ത്യൻ താരങ്ങളായ ഹാർദിക് പാണ്ഡ്യയ്ക്കും കെ.എൽ.രാഹുലിനുമെതിരെ നടപടിക്ക് ശുപാർശ. രണ്ട് മത്സരങ്ങളിൽ നിന്ന് ഇരുവരെയും സസ്‍പെൻഡ് ചെയ്യണമെന്നാണ് കമ്മിറ്റി ഓഫ് അഡ്മിനിസ്ട്രേറ്റേഴ്സ് മേധാവി വിനോദ് റായ് ബിസിസിഐയോട് ആവശ്യപ്പെട്ടിരിക്കുന്നത്. പാണ്ഡ്യ നൽകിയ മാപ്പ് അപേക്ഷ അംഗീകരിക്കാൻ കഴിയില്ലെന്ന് അദ്ദേഹം വ്യക്തമാക്കി.

ബോളിവുഡ് സംവിധായകനും നിര്‍മ്മാതാവുമായ കോഫി വിത്ത് കരണിലായിരുന്നു ഹാര്‍ദിക്കും രാഹുലും വിവാദമായ പ്രസ്താവനകള്‍ നടത്തിയത്. പ്രത്യേകിച്ചും പാണ്ഡ്യയുടെ പ്രതികരണമാണ് ആരാധകര്‍ക്കിടയില്‍ പ്രതിഷേധമുണ്ടാക്കിയത്. തനിക്ക് അനേകം സ്ത്രീകളുമായി ബന്ധമുണ്ടെന്നും മറ്റുമുള്ള പാണ്ഡ്യയുടെ പ്രസ്താവനകളും സ്ത്രീകളോടുള്ള സമീപനവുമാണ് പ്രതിഷേധത്തിന് ഇടയാക്കിയത്.

പ്രതിഷേധം കനത്തതോടെ പാണ്ഡ്യ മാപ്പ് ചോദിച്ച് രംഗത്തെത്തി. സോഷ്യല്‍ മീഡിയയിലൂടെയായിരുന്നു പാണ്ഡ്യയുടെ മാപ്പ് പറച്ചില്‍. തന്റെ വാക്കുകള്‍ ആരെയെങ്കിലും ഏതെങ്കിലും തരത്തില്‍ വേദനിപ്പിച്ചെങ്കില്‍ മാപ്പ് ചോദിക്കുന്നു. പരിപാടിയുടെ സ്വഭാവത്തിന് അനുസരിച്ചായിരുന്നു താന്‍ പെരുമാറിയത്. ആരുടേയും വികാരത്തേയും വേദനിപ്പിക്കാന്‍ ഉദ്ദേശിച്ചിരുന്നില്ലെന്നുമായിരുന്നു പാണ്ഡ്യയുടെ വിശദീകരണം.

പാണ്ഡ്യ മാപ്പു പറഞ്ഞെങ്കിലും സംഭവത്തിൽ ബിസിസിഐ ഇരുവരോടും വിശദീകരണം ചോദിച്ചു. സിഒഎ കമ്മിറ്റിയാണ് രണ്ട് താരങ്ങള്‍ക്കും നോട്ടീസ് നല്‍കിയത്. ചാനല്‍ അഭിമുഖത്തിനിടെ നടത്തിയ സ്ത്രീ വിരുദ്ധ പരാമര്‍ശങ്ങളില്‍ ആത്മാര്‍ത്ഥമായി ഖേദിക്കുന്നുവെന്നും തെറ്റാണെന്ന് അറിയാതെയാണ് പറഞ്ഞതെന്നുമായിരുന്നു ബിസിസിഐയുടെ കാരണം കാണിക്കല്‍ നോട്ടീസിന് ഹാർദിക് പാണ്ഡ്യ നൽകിയ മറുപടി. ഹാർദിക് പാണ്ഡ്യ മറുപടി നൽകിയെങ്കിലും ഇത് അംഗീകരിക്കാതെയാണ് രാഹുലിനും പാണ്ഡ്യയ്ക്കും രണ്ടു മത്സരങ്ങളിൽ ബിസിസിഐ വിലക്കേർപ്പെടുത്തിയത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Hardik pandya and kl rahul suspended

Next Story
രഞ്ജി ട്രോഫി: തിരിച്ചടിച്ച് കേരളം; മത്സരം ആവേശകരമായ അന്ത്യത്തിലേക്ക്Ranji trophy, kerala,himachal, രഞ്ജി ട്രോഫി, കേരളം, പഞ്ചാബ്, day two, match report, ഒന്നാം ദിനം, session,cricket, cricket buzz, ക്രിക്കറ്റ്, live cricket, ക്രിക്കറ്റ് ലൈവ്, cricket live score, ക്രിക്കറ്റ് ലൈവ് സ്കോർ, cricket live video, live cricket online, cricket news, ക്രിക്കറ്റ് മാച്ച്, sports malayalam, sports malayalam news, ക്രിക്കറ്റ് ന്യൂസ്, sports news cricket, iemalayalam, ഐഇമലയാളം sports cricket, സ്പോർട്സ് ന്യൂസ്, sports news, india cricket, ഇന്ത്യൻ ക്രിക്കറ്റ്, indian national cricket team, ഇന്ത്യൻ ക്രിക്കറ്റ് ടീം ക്യാപ്റ്റൻ, cricket sport, സ്പോർട്സ്, scorecard india, സ്പോർട്സ് വാർത്തകൾ, scoreboard,കായിക വാർത്തകൾ, indian express, ഇന്ത്യൻ എക്സ്പ്രസ്, indian express epaper, express sports, എക്സ്പ്രസ് സ്പോർട്സ്,
The moderation of comments is automated and not cleared manually by malayalam.indianexpress.com