മിന്നലായി ഗുപ്റ്റിൽ; കുട്ടിക്രിക്കറ്റിലെ റൺവേട്ടയുടെ റെക്കോർഡ് കിവീസ് താരത്തിന്

ഈഡൻ പാർക്കിൽ മാർട്ടിൻ ഗുപ്റ്റിലിന്റെ വെടിക്കെട്ട്

ട്വന്റി-20 ക്രിക്കറ്റിലെ ഏറ്റവും മികച്ച റൺവേട്ടക്കാരനെന്ന റെക്കോർഡ് ന്യൂസിലൻഡ് താരം മാർട്ടിൻ ഗുപ്റ്റിലിന്. 2140 റൺസ് എന്ന ബ്രൻഡൻ മക്കല്ലത്തിന്റെ റെക്കോർഡാണ് ഗുപ്റ്റിൽ (2188) തകർത്തത്. ഓസ്ട്രേലിയക്കെതിരായ ട്വന്രി-20 മൽസരത്തിനിടെയാണ് ഗുപ്റ്റിൽ മക്കല്ലത്തിന്റെ റെക്കോർഡ് മറികടന്നത്. കങ്കാരുപ്പടയ്ക്കെതിരായ മൽസരത്തിൽ 54 പന്തിൽ 105 റൺസാണ് താരം അടിച്ച്കൂട്ടിയത്.

ഈഡൻപാർക്കിൽ നടന്ന മൽസരത്തിൽ ഓപ്പണറായി ഇറങ്ങിയ മാർട്ടിൻ ഗുപ്റ്റിൽ തകർപ്പൻ പ്രകടനമാണ് നടത്തിയത്. 6 ഫോറുകളും 9 സിക്സറുകളും അടക്കം 105 റൺസാണ് ഗുപ്റ്റിൽ നേടിയത്. 49 പന്തിൽ നിന്നാണ് ഗുപ്റ്റിൽ മൂന്നക്കം പിന്നിട്ടത്. ട്വന്റി-20യിൽ ഒരു ന്യൂസിലൻഡ് താരത്തിന്റെ ഏറ്റവും വേഗമേറിയ സെഞ്ചുറി എന്ന നേട്ടവും ഗുപ്റ്റിൽ സ്വന്തമാക്കി.

തന്റെ റെക്കോർഡ് തകർത്ത ഗുപ്റ്റിലിനെ ബ്രൻഡൻ മക്കല്ലം അഭിനന്ദിച്ചു. അർഹിക്കുന്ന നേട്ടമാണ് ഗുപ്റ്റിൽ സ്വന്തമാക്കിയതെന്നും ഇനിയുമേറെ റെക്കോർഡുകൾ താരം സ്വന്തമാക്കട്ടെയെന്നും മക്കല്ലം ട്വിറ്ററിൽ കുറിച്ചു.

ട്വന്റി-20യിലെ മികച്ച റൺവേട്ടക്കാർ

മാർട്ടിൻ ഗുപ്റ്റിൽ- 2188 റൺസ്

ബ്രൻഡൻ മക്കല്ലം- 2140 റൺസ്

വിരാട് കോഹ്‌ലി- 1956 റൺസ്

തിലക്‌രത്നെ ദിൽഷൻ- 1889 റൺസ്

ഷോയ്ബ് മാലിക്- 1821 റൺസ്

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Guptill breaks t20 world record

Next Story
ഗാംഗുലിയുടെ പരിഷ്കരിച്ച പതിപ്പാണ് കോഹ്‌ലി: വിരേന്ദര്‍ സെവാഗ്
The moderation of comments is automated and not cleared manually by malayalam.indianexpress.com