ഇനി ഗൂഗിൾ നിങ്ങളുടെ ‘ഗൂഗ്ലിയെ’ സഹായിക്കും; ക്രിക്കറ്റ് ആരാധകർക്കായി ഐസിസിയും ജെമിനിയും കൈകോർക്കുന്നു

Google Gemini 3 Pro: 'ഇനി ഗൂഗിളിന് നിങ്ങളുടെ ഗൂഗ്ലിയെ സഹായിക്കാനാവും,' ഐസിസിയും ജെമിനിയും ഒന്നിക്കുന്നത് ക്രിക്കറ്റ് ആരാധകർക്ക് എങ്ങനെ പ്രയോജനപ്രദമാവും എന്ന് ഗൂഗിൾ സിഇഒ സുന്ദർ പിച്ചെയ്ക്ക് ഈ ഒരു വാചകത്തിലൂടെ തന്നെ ലോകത്തിന് വ്യക്തമാക്കി കൊടുക്കാനാവുന്നു. ക്രിക്കറ്റ് വിഡിയോ പങ്കുവെച്ചാൽ ജെമിനി 3 പ്രോയ്ക്ക് അതിലെ കളിക്കാരേയും ബാറ്റിങ്ങിലേയും ബോളിങ്ങിലേയും സാങ്കേതിക വശങ്ങളെ കുറിച്ചും വ്യക്തമാക്കാനാവും. 

ക്രിക്കറ്റ് ലോകകപ്പിന്റെ വിഡിയോ അപ്ലോഡ് ചെയ്താൽ ആ വിഡിയോയിലെ ഉള്ളടക്കം ജെമിനി 3 പ്രോയ്ക്ക് നൽകാനാവും എന്ന് പറയുന്ന ഐസിസിയുടെ എക്സിലെ പോസ്റ്റ് റീഷെയർ ചെയ്യുകയായിരുന്നു സുന്ദർ പിച്ചെ. ഏതെല്ലാം കളിക്കാരാണ് വിഡിയോയിൽ ഉൾപ്പെട്ടിരിക്കുന്നത്, കളിക്കാരുടെ സാങ്കേതിക തികവ്, കളിയിൽ വഴിത്തിരിവായ ഘടകങ്ങൾ എന്നിവയെല്ലാം ജെമിനി നൽകും. 

Also Read: ട്രുബിന്റെ വിശ്വരൂപം! റയലിനെ കൊന്നൊടുക്കിയ മൗറിഞ്ഞോയുടെ തന്ത്രം ഇങ്ങനെ

ഗൂഗ്ലിയാണോ, കാരംബോളാണോ അതോ ഫാസ്റ്റ് ബോളറുടെ ഇൻസ്വിങ്ങറാണോ ലെഗ് കട്ടറാണോ എന്നെല്ലാം ജെമിനി 3 പ്രോയിലൂടെ വ്യക്തമാകുന്നതിനൊപ്പം ബോളിങ് വേരിയേഷനുകളും ബാറ്ററുടെ വിക്കറ്റ് തെറിക്കുന്നതിലേക്ക് എത്തിച്ച ബാറ്റിങ് സാങ്കേതിക പിഴവ് എന്ത് എന്ന് കണ്ടെത്താനുമെല്ലാം എളുപ്പത്തിൽ സാധിക്കും. ഏതാനും ചിത്രങ്ങൾ കോർത്തിണക്കിയത് എന്നതിന് അപ്പുറത്തേക്ക് വിഡിയോ ഫ്ളോ ട്രാക്ക് ചെയ്യാൻ ജെമിനിക്കാവും. 

Now Google can help with your Googly:) https://t.co/J4HwGw6dLW

— Sundar Pichai (@sundarpichai) January 30, 2026

Also Read: Sanju Samson: "വഴി മാറു, ചേട്ടൻ വരുന്നു!" സഞ്ജുവിന്റെ ബോഡിഗാർഡ് ആയി സൂര്യയുടെ 'മാസ്' സപ്പോർട്ട്

എന്താണ് ഇപ്പോൾ സംഭവിച്ചത്, അത് എങ്ങനെയാണ് കളിയെ സ്വാധീനിച്ചത് എന്നിങ്ങനെയുള്ള ചോദ്യങ്ങൾക്ക് ജെമിനി മറുപടി നൽകും. ക്രിക്കറ്റ് ആരാധകരെ സംബന്ധിച്ച് ജെമിനി 3 പ്രോ കൂടുതൽ സാധ്യതകൾ തുറന്നിടുകയാണ്. ക്രിക്കറ്റ് അറിയാത്തവർക്ക് ഒരു ബോളറുടെ ഡെലിവറിയെ കുറിച്ച് അറിയാനും ബാറ്ററുടെ സ്റ്റാൻസും ടൈമിങ്ങും ഷോട്ട് സെലക്ഷനുമെല്ലാം എങ്ങനെ ബാധിച്ചു എന്ന് മനസിലാക്കാനും ജെമിനി സഹായിക്കും. 

Also Read: Sanju Samson T20: നാല് കളിയിലും സഞ്ജു പരാജയം; ഇത് അംഗീകരിക്കാനാവില്ല: കടുത്ത വിമർശനവുമായി യുസ്‌വേന്ദ്ര ചഹൽ

കമന്ററി ബോക്സിൽ നിന്നുള്ള മുൻ താരങ്ങളുടേയും ക്രിക്കറ്റ് വിദഗ്ധരുടേയും വിശകലനങ്ങൾക്ക് ഇനി ചെവികൂർപ്പിച്ചിരിക്കേണ്ടതില്ലെന്ന് ചുരുക്കം. മറ്റ് വെബ്സൈറ്റുകളിൽ കളിയുടെ വിശകലനം വരുന്നതിനും കാത്തിരിക്കേണ്ട. ജെമിനി 3 പ്രോ അങ്ങനെ ക്രിക്കറ്റ് ലോകത്തും വലിയ മാറ്റത്തിനാണ് വഴിതുറന്നിടുന്നത്. 

Read More: പേടിയായിരുന്നു എപ്പോഴും; ആരും സ്നേഹിച്ചിട്ടില്ല; വിഷാദരോഗത്തിലൂടെയാണ് കരിയറിലുടനീളം കടന്ന് പോയത്: തിയറി ഹെൻറി