ഐ ലീഗിൽ ഗോകുലം കേരള എഫ്സി ഇന്ന് ചർച്ചിൽ ബ്രദേഴ്സിനെതിരെ. പോയിന്റ് പട്ടികയിൽ മുന്നിലെത്താൻ ഗോകുലത്തിന് ഇന്ന് വിജയം അനിവാര്യമാണ്. ഗോവയിൽ ചർച്ചിലിന്റെ തട്ടകത്തിൽ വൈകിട്ട് അഞ്ച് മണിക്കാണ് മത്സരം. മൂന്ന് തുടർ പരാജയങ്ങൾക്ക് ശേഷമാണ് ഗോകുലം ചർച്ചിൽ ബ്രദേഴ്സിനെ നേരിടാനൊരുങ്ങുന്നത്.

ഐ ലീഗിൽ ഗോകുലം ഒരു വിജയം അറിഞ്ഞിട്ട് ആറ് മത്സരങ്ങൾ പിന്നിടുന്നു. ചെന്നൈയ്ക്കെതിരെ കഴിഞ്ഞ ദിവസം നടന്ന മത്സരത്തിൽ രണ്ടിനെതിരെ മൂന്ന് ഗോളുകൾക്കായിരുന്നു ഗോകുലത്തിന്റെ പരാജയം. ഐസ്വാളിനെതിരെയും ഇതേ ഗോൾനിലയിലായിരുന്നു ഗോകുലത്തിന്റെ പരാജയം.

പോയിന്റ് പട്ടികയിൽ എട്ടാം സ്ഥാനത്തുള്ള ഗോകുലത്തിന് 10 പോയിന്റാണുള്ളത്. ആകെ കളിച്ച 11 മത്സരങ്ങളിൽ രണ്ടെണ്ണത്തിൽ മാത്രമാണ് ഗോകുലത്തിന് ജയിക്കാനായത്. അഞ്ച് മത്സങ്ങൾ പരാജയപ്പെട്ടപ്പോൾ നാല് മത്സരങ്ങൾ സമനിലയിലും അവസാനിച്ചു. സീസൺ നന്നായി തുടങ്ങിയ ഗോകുലം പിന്നീട് പിറകോട്ട് പോവുകയായിരുന്നു. പോയിന്റ് പട്ടികയിൽ നാലാം സ്ഥാനത്താണ് ചർച്ചിൽ ബ്രദേഴ്സ്.

Get Malayalam News and latest news update from India and around the world. Stay updated with today's latest Sports news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ