ഹൈദരാബാദ്: കൊളംബോയിൽ നടന്ന ത്രിരാഷ്ട്ര ടി20 ക്രിക്കറ്റ് ടൂർണമെന്റിനിടെ വാതുവയ്പ് നടത്തിയതടക്കമുളള സംഭവത്തിൽ നാല് പേർ പിടിയിൽ. ഹൈദരാബാദ് കേന്ദ്രമായി നടന്ന വാതുവയ്പ് സംഘത്തിലെ പ്രധാനികളാണ് പിടിയിലായത്.

ശ്രീലങ്കയിൽ നടന്ന ത്രിരാഷ്ട്ര ക്രിക്കറ്റ് മൽസരത്തിനിടെ ഇവർ വാതുവയ്പ് നടത്തിയതായി വ്യക്തമായി. കുൽസുംപുരയിൽ നടന്ന റെയ്ഡിനിടെയാണ് എല്ലാവരും പിടിയിലായത്. റെയ്‌ഡിൽ 7.72 ലക്ഷം രൂപയും രണ്ട് ടിവിയും രണ്ട് സെറ്റ് ടോപ് ബോക്സും 10 മൊബൈൽ ഫോണുകളും ഒരു കാൽക്കുലേറ്ററും പിടിച്ചെടുത്തു.

കൊളംബോയിൽ നടന്ന ഇന്ത്യ-ബംഗ്ലാദേശ്-ശ്രീലങ്ക ടി20 ടൂർണമെന്റിൽ ഇന്ത്യയാണ് ജേതാക്കളായത്. ബംഗ്ലാദേശിനെ ഫൈനലിൽ നാല് വിക്കറ്റിന് പരാജയപ്പെടുത്തിയാണ് ഇന്ത്യ ടൂർണമെന്റിലെ ജേതാക്കളായത്.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook