Latest News

ഡിഗ്രി സർട്ടിഫിക്കറ്റ് വ്യാജം; കേരള രഞ്ജി ടീം മുൻ ക്യാപ്റ്റൻ റോഹൻ പ്രേമിനെ പിരിച്ചുവിട്ടു

തിരുവനന്തപുരം കന്റോൺമെന്റ് പൊലീസ് ഇദ്ദേഹത്തിനെതിരെ കേസെടുത്തു

Kerala Ranji team, Former Captain Rohan Prem, Rohan Prem fake degree certificate, വ്യാജ ഡിഗ്രി സർട്ടിഫിക്കറ്റ്, റോഹൻ പ്രേം, കേരള രഞ്ജി ടീം ക്യാപ്റ്റൻ

തിരുവനന്തപുരം: ഡിഗ്രി സർട്ടിഫിക്കറ്റ് വ്യാജമാണെന്ന് കണ്ടെത്തിയതിനെ തുടർന്ന് കേരള രഞ്ജി ടീം മുൻ ക്യാപ്റ്റൻ റോഹൻ പ്രേമിനെ പിരിച്ചുവിട്ടു. വ്യാജരേഖ ചമച്ചതിന് ഇദ്ദേഹത്തിന് എതിരെ കന്റോൺമെന്റ് പൊലീസ് കേസ് റജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.

അക്കൗണ്ടന്റ് ജനറൽ ഓഫീസിൽ ഓഡിറ്റർ തസ്‌തികയിൽ ജോലി ചെയ്ത് വരികയായിരുന്നു ഇദ്ദേഹം. ഓഡിറ്റർ തസ്‌തികയിൽ ജോലി നേടുന്നതിനായി ഉത്തർപ്രദേശിലെ ഝാൻസിയിലെ സർവ്വകലാശാലയുടെ സർട്ടിഫിക്കറ്റാണ് ഇദ്ദേഹം ജോലി ലഭിക്കാനായി ഹാജരാക്കിയത്.

എന്നാൽ സർട്ടിഫിക്കറ്റിന്റെ നിജസ്ഥിതി ഏജീസ് ഓഫീസ് പരിശോധിച്ചതോടെ താരം കുടുങ്ങി. ജോലിയിൽ നിന്ന് പിരിച്ചുവിട്ടതിനെ പുറമെ ഏജീസ് ഓഫീസിന്റെ പരാതിയിൽ ഇദ്ദേഹത്തിനെതിരെ കേസെടുത്തു. വ്യാജരേഖ ചമച്ചതിനും വഞ്ചനയ്ക്കുമാണ് ഇദ്ദേഹത്തിനെതിരെ കേസെടുത്തിരിക്കുന്നത്.

2012-13 സീസണിലും 2016-17 സീസണിലും കേരള രഞ്ജി ടീമിന്റെ ക്യാപ്റ്റനായിരുന്നു റോഹൻ പ്രേം. ഇടങ്കൈയ്യൻ ബാറ്റ്സ്‌മാനായ ഇദ്ദേഹം ഓഫ് സ്പിന്നർ കൂടിയാണ്. മുൻപ് ഇന്ത്യ അണ്ടർ 19 സംഘത്തിലും കളിച്ചിരുന്നു.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Former kerala ranji team captain rohan prem dismissed from ags office

Next Story
ഓസീസ് ടീമിന് കനത്ത തിരിച്ചടി; കടുത്ത തീരുമാനമെടുത്ത് കോച്ച് ഡാരൻ ലീമാൻ
The moderation of comments is automated and not cleared manually by malayalam.indianexpress.com