scorecardresearch
Latest News

അന്ന് വിവാദ തീരുമാനങ്ങളിലൂടെ കുപ്രസിദ്ധിയാർജിച്ച അന്പയർ, ഇന്ന് മോഷണക്കുറ്റത്തിന് പിടിയിൽ

മുത്തയ്യ മുരളീധരന്റെ ബോളിങ് ആക്ഷനെതിരെ നോ ബോള്‍ വിളിച്ചതടക്കം ഒട്ടേറെ വിവാദ തീരുമാനങ്ങളിലൂടെയാണ് ഹെയര്‍ വാര്‍ത്താ ശ്രദ്ധപിടിച്ച് പറ്റിയിരുന്നത്

അന്ന് വിവാദ തീരുമാനങ്ങളിലൂടെ കുപ്രസിദ്ധിയാർജിച്ച അന്പയർ, ഇന്ന് മോഷണക്കുറ്റത്തിന് പിടിയിൽ

സിഡ്‌നി: ഒട്ടേറെ വിവാദ തീരുമാനങ്ങളിലൂടെ കുപ്രസിദ്ധിയാര്‍ജിച്ച ഓസ്‌ട്രേലിയന്‍ അമ്പയര്‍ ഡരല്‍ ഹെയര്‍ മോഷണക്കേസില്‍ പിടിയില്‍. ജോലിചെയ്യുന്ന മദ്യക്കടയില്‍നിന്ന് ഈ വര്‍ഷം ഫെബ്രുവരി 25നും ഏപ്രില്‍ 28നും ഇടയില്‍ 9005.75 ഓസ്‌ട്രേലിയന്‍ ഡോളര്‍ മോഷ്ടിച്ചുവെന്നു ഹെയര്‍ സമ്മതിച്ചിട്ടുണ്ട്.

മുത്തയ്യ മുരളീധരന്റെ ബോളിങ് ആക്ഷനെതിരെ നോ ബോള്‍ വിളിച്ചതടക്കം ഒട്ടേറെ വിവാദ തീരുമാനങ്ങളിലൂടെയാണ് ഹെയര്‍ വാര്‍ത്താ ശ്രദ്ധപിടിച്ച് പറ്റിയിരുന്നത്. ഹെയർ 1992 മുതൽ 2008 വരെ 78 ടെസ്റ്റുകളിൽ അമ്പയറായിരുന്നു.

2006ൽ ഓവലിൽ പാക്കിസ്ഥാൻ ബോളർമാർ പന്തിൽ കൃത്രിമം കാട്ടിയെന്ന പേരിൽ അഞ്ചു പെനൽറ്റി റൺസ് ഇംഗ്ലണ്ടിനു നൽകാനുള്ള തീരുമാനവും വിവാദമായി. പാക്കിസ്ഥാൻ താരങ്ങൾ ഫീൽഡിൽനിന്നു വിട്ടുനിന്നപ്പോൾ ഇംഗ്ലണ്ടിനെ വിജയികളായി പ്രഖ്യാപിക്കുകയായിരുന്നു.

ചൂതാട്ട തൽപരനായിരുന്ന ഹെയറിന്റെ മോഷണം സിസിടിവി ദൃശ്യങ്ങളിലൂടെയാണ് മേലധികാരികൾ കണ്ടുപിടിച്ചത്. ഹെയർ പണം തിരിയെ നൽകിയതുകൊണ്ടു 18 മാസം നല്ലനടപ്പിനു കോടതി വിധിച്ചു.

Stay updated with the latest news headlines and all the latest Sports news download Indian Express Malayalam App.

Web Title: Former controversial test umpire darrell hair found guilty of stealing