scorecardresearch
Latest News

ആദ്യ ഡേ-നൈറ്റ് ടെസ്റ്റ് മത്സരത്തിനൊരുങ്ങി ഈഡന്‍ ഗാര്‍ഡന്‍; നിര്‍ണായക ഇടപെടല്‍ ഗാംഗുലിയുടേത്

സൗരവ് ഗാംഗുലി ബിസിസിഐ പ്രസിഡന്റായി സ്ഥാനമേറ്റതോടെയാണ് ഡേ-നൈറ്റ് ടെസ്റ്റ് മത്സരത്തിനായി വീണ്ടും ചര്‍ച്ചകള്‍ ആരംഭിച്ചത്

ആദ്യ ഡേ-നൈറ്റ് ടെസ്റ്റ് മത്സരത്തിനൊരുങ്ങി ഈഡന്‍ ഗാര്‍ഡന്‍; നിര്‍ണായക ഇടപെടല്‍ ഗാംഗുലിയുടേത്

കൊല്‍ക്കത്ത: ബിസിസിഐ പ്രസിഡന്റ് സൗരവ് ഗാംഗുലി നടത്തിയ നിര്‍ണായക ഇടപെടല്‍ വിജയം കണ്ടു. ഇന്ത്യയിലെ ആദ്യ ഡേ-നൈറ്റ് (രാത്രി-പകല്‍) ടെസ്റ്റ് മത്സരം കൊല്‍ക്കത്തയിലെ ഈഡന്‍ ഗാര്‍ഡനില്‍ നടക്കും. ഇന്ത്യ-ബംഗ്ലാദേശ് ടെസ്റ്റ് ക്രിക്കറ്റ് പരമ്പരയിലെ രണ്ടാം മത്സരമാണ് രാത്രിയും പകലുമായി നടക്കുക. ഇത് ഇന്ത്യയിലെ ആദ്യ ഡേ-നൈറ്റ് ടെസ്റ്റ് മത്സരമായി മാറും. നവംബര്‍ 22 മുതലാണ് മത്സരം. ബിസിസിഐ പ്രസിഡന്റ് സൗരവ് ഗാംഗുലി തന്നെയാണ് ഇക്കാര്യം അറിയിച്ചത്.

ബംഗാള്‍ ക്രിക്കറ്റ് അസോസിയേഷനുമായി ഇക്കാര്യം സംസാരിച്ചെന്നും ഡേ-നൈറ്റ് ടെസ്റ്റ് മത്സരം നടത്താന്‍ സമ്മതമാണെന്ന് അറിയിച്ചെന്നും ഗാംഗുലി പറഞ്ഞു. സൗരവ് ഗാംഗുലി ബിസിസിഐ പ്രസിഡന്റായി സ്ഥാനമേറ്റതോടെയാണ് ഡേ-നൈറ്റ് ടെസ്റ്റ് മത്സരത്തിനായി വീണ്ടും ചര്‍ച്ചകള്‍ ആരംഭിച്ചത്. ആദ്യം എതിര്‍പ്പ് അറിയിച്ച ബംഗ്ലാദേശില്‍ നിന്നും അനുകൂലമായ നിലപാട് വന്നതോടെ കാര്യങ്ങള്‍ എളുപ്പമായി.

Read Also: ദീപാവലി ആഘോഷത്തിനിടെ നടിയുടെ വസ്ത്രത്തിനു തീപിടിച്ചു; ഏതോ ശക്തി തന്നെ രക്ഷപ്പെടുത്തിയെന്ന് താരം

പിങ്ക് ബോളിലാണ് മത്സരങ്ങള്‍ നടക്കുക. ഡേ-നൈറ്റ് ടെസ്റ്റ് മത്സരത്തെ ഇന്ത്യന്‍ ടീം ആദ്യം എതിര്‍ത്തിരുന്നു. എന്നാല്‍, പിന്നീട് ഇന്ത്യന്‍ നായകന്‍ വിരാട് കോഹ്‌ലി ഡേ-നൈറ്റ് ടെസ്റ്റ് മത്സരത്തിനു സമ്മതം മൂളി. ഡേ-നൈറ്റ് ടെസ്റ്റിനു സമ്മതമറിയിച്ച ഇന്ത്യന്‍ നായകന്‍ വിരാട് കോഹ്‌ലിക്ക് ബിസിസിഐ പ്രസിഡന്റ് സൗരവ് ഗാംഗുലി നന്ദി പറഞ്ഞു.

2015 നവംബറില്‍ ഡേ-നൈറ്റ് ടെസ്റ്റിന് ഐസിസി അനുമതി നല്‍കിയ ശേഷം ഇന്ത്യയും ബംഗ്ലാദേശും പിങ്ക് ബോളില്‍ കളിക്കുന്നത് ഇത് ആദ്യമാണ്.

Stay updated with the latest news headlines and all the latest Sports news download Indian Express Malayalam App.

Web Title: First day night test match in india kolkata edan garden