Latest News
രാജി പ്രഖ്യാപിച്ച് കര്‍ണാടക മുഖ്യമന്ത്രി ബി.എസ്. യെദ്യൂരപ്പ
കൊടകര കുഴല്‍പ്പണക്കേസ്: പ്രതിക്ക് സുരേന്ദ്രനുമായി അടുത്ത ബന്ധമെന്ന് മുഖ്യമന്ത്രി നിയമസഭയില്‍
അമ്പെയ്ത്തില്‍ ഇന്ത്യന്‍ സംഘം പുറത്ത്; ബാഡ്മിന്റണിലും തോല്‍വി
മഴ: ആറ് ജില്ലകളില്‍ യെല്ലൊ അലര്‍ട്ട്; തീരദേശത്ത് ജാഗ്രതാ നിര്‍ദേശം
രാജ്യത്ത് 39,361 പേര്‍ക്ക് കോവിഡ്; 416 മരണം; ആശങ്കയായി കേരളം

വിരാട് കോഹ്‌ലിയോ ബാബർ അസമോ? മനസ് തുറന്ന് ഫാഫ് ഡു പ്ലെസിസ്

ഈ കലാഘട്ടത്തിലെ ഏറ്റവും മികച്ച താരങ്ങളിലൊരാളായാണ് വിരാട് കോഹ്‌ലിയെ കണക്കാക്കുന്നത്

ക്രിക്കറ്റ് ലോകത്ത് കഴിഞ്ഞ കുറച്ച് നാളുകളായി ചർച്ച ചെയ്യപ്പെടുന്ന വിഷയങ്ങളിലൊന്ന് ഇന്ത്യൻ നായകൻ വിരാട് കോഹ്‌ലിയും പാക് നായകൻ ബാബർ അസമുമായി ബന്ധപ്പെട്ടുള്ളതാണ്. സമകാലിന ക്രിക്കറ്റിൽ വിരാട് കോഹ്‌ലിയോടൊപ്പം ഏറ്റവും കൂടുതൽ ചേർത്തു വായിക്കപ്പെട്ടിട്ടുള്ള പേരാണ് പാക്കിസ്ഥാൻ താരം ബാബർ അസമിന്റേത്. ഇരുവരെയും താരതമ്യം ചെയ്തുകൊണ്ടുള്ള ചർച്ച അടുത്തൊന്നും അവസാനിക്കത്തില്ലെന്നും ഏകദേശം ഉറപ്പാണ്.

ഈ കലാഘട്ടത്തിലെ ഏറ്റവും മികച്ച താരങ്ങളിലൊരാളായാണ് വിരാട് കോഹ്‌ലിയെ കണക്കാക്കുന്നത്. ക്രിക്കറ്റിന്റെ മൂന്ന് ഫോർമാറ്റിലും 50ൽ അധികം റൺശരാശരിയുള്ള ഏകതാരമാണ് കോഹ്‌ലി. മൂന്ന് ഫോർമാറ്റിലും ഇതിനോടകം പല നേട്ടങ്ങളും കൊയ്ത കോഹ്‌ലി ഓരോ തവണ ബാറ്റേന്തുമ്പോഴും പല റെക്കോർഡുകളും തിരുത്തി കുറിക്കാറുണ്ട്. 70 സെഞ്ചുറികളും 104 അർധസെഞ്ചുറികളും ഇതിനോടകം കോഹ്‌ലിയുടെ ബാറ്റിൽ നിന്ന് പിറന്നു കഴിഞ്ഞു.

അത്തരത്തിൽ തന്നെയാണ് ബാബർ അസമും. തന്റെ 26-ാം വയസിൽ തന്നെ പാക്കിസ്ഥാൻ ദേശീയ ടീമിനെ ഇപ്പോൾ മൂന്ന് ഫോർമാറ്റിലും നയിക്കുന്നത് ബാബർ അസമാണ്. നിശ്ചിത ഓവർ ക്രിക്കറ്റിൽ മിന്നും പ്രകടനം പുറത്തെടുക്കുന്ന ബാബർ ടെസ്റ്റിലും തന്റെ കഴിവ് ഇതിനോടകം തെളിയിച്ചു കഴിഞ്ഞു. ബാറ്റിങ്ങിൽ ബാബറിന്റെ സ്ഥിരത ഇതിഹാസ താരങ്ങളുടെ പോലും പ്രശംസയ്ക്ക് കാരണമായിട്ടുണ്ട്.

ഇവർ രണ്ട് പേരിലും ഒരുപാട് സാമ്യതയുണ്ടെന്നാണ് ദക്ഷിണാഫ്രിക്കൻ താരം ഫാഫ് ഡു പ്ലെസിസ് പറയുന്നത്. നിശ്ചിത ഓവർ ക്രിക്കറ്റിൽ ബാബർ പലരെയും അത്ഭുതപ്പെടുത്തിയിട്ടുണ്ടെന്ന് ഡു പ്ലെസിസ് പറയുന്നു. ഇരുവരും വളരെ ഉയർന്ന നിലവാരമുള്ള കളിക്കാരാണെന്ന് ഡു പ്ലെസിസ് പറഞ്ഞു.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Faf du plessis on virat kohli vs babar azam debate

Next Story
ഇന്ത്യൻ ടീമിൽ സ്ഥാനംപിടിക്കുകയാണ് ലക്ഷ്യം, പ്രയത്‌നം തുടരും: ദേവ്‌ദത്ത് പടിക്കൽ
The moderation of comments is automated and not cleared manually by malayalam.indianexpress.com