മുംബൈ: ക്രിക്കറ്റ് ലോകം ഐപിഎല്ലിന്റെ പൂര ലഹരിയിലേക്ക് കടക്കാന്‍ ഇനി അധികനാളില്ല. സീസണിന്റെ ആദ്യ രണ്ട് ആഴ്ചയിലെ മത്സരക്രമം പ്രഖ്യാപിച്ചിരിക്കുകയാണ്. ലോകസഭാ തിരഞ്ഞെടുപ്പ് തിയ്യതി പ്രഖ്യാച്ചതിന് ശേഷമായിരിക്കും ബാക്കിയുള്ള മത്സരങ്ങളുടെ സമയക്രമം തീരുമാനിക്കുക.

മാര്‍ച്ച് 23 ന് നിലവിലെ ചാമ്പ്യന്മാരായ ചെന്നൈ സൂപ്പര്‍ കിങ്‌സും റോയല്‍ ചലഞ്ചേഴ്‌സ് ബാംഗ്ലൂരും തമ്മിലാണ് ആദ്യ മത്സരം. ചെന്നൈയിലായിരിക്കും മത്സരം അരങ്ങേറുക. മാര്‍ച്ച് 23 മുതല്‍ എപ്രില്‍ 5 വരെയുള്ള ദിവസങ്ങളിലെ 17 മത്സരങ്ങളുടെ സമയമാണ് ഇപ്പോള്‍ പ്രഖ്യാപിച്ചത്.

എട്ട് വേദികളിലായാണ് മത്സരങ്ങള്‍ അരങ്ങേറുന്നത്. ഒരു ടീമിന് നാല് മത്സരം വരെ രണ്ടാഴ്ച്ചക്കുള്ളില്‍ കളിക്കാനാകും. ഡല്‍ഹിയും ആര്‍സിബും അഞ്ച് മത്സരങ്ങള്‍ കളിക്കും. എല്ലാ ടീമും രണ്ട് ഹോം മത്സരങ്ങളും രണ്ട് എവേ മത്സരങ്ങളും കളിക്കും. എന്നാല്‍ ഡല്‍ഹി മൂന്ന് ഹോം മത്സരങ്ങളും ആര്‍സിബി മൂന്ന് എവേ മത്സരങ്ങളും കളിക്കും.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook