ട്രെന്‍ഡ് ബ്രിഡ്ജില്‍ ചരിത്രം കുറിച്ച ഇംഗ്ലണ്ടിന് ഓസ്ട്രേലിയ്ക്കെതിരെ റെക്കോര്‍ഡ് വിജയം. ഏകദിന ക്രിക്കറ്റിലെ ഏറ്റവും വലിയ റണ്‍സ് നേടിയ ഇംഗ്ലണ്ട് കങ്കാരുക്കളെ 242 റണ്‍സിനാണ് പരാജയപ്പെടുത്തിയത്. 50 ഓവറില്‍ 4 വിക്കറ്റിന് 481 റണ്‍സാണ് ഇംഗ്ലണ്ട് അടിച്ചുകൂട്ടിയത്. തങ്ങളുടെ തന്നെ 444ന് 3 എന്ന റെക്കോര്‍ഡാണ് ഇംഗ്ലണ്ട് തിരുത്തിക്കുറിച്ചത്. ഇതേ സ്റ്റേഡിയത്തില്‍ വച്ച് 2016ല്‍ പാക്കിസ്ഥാനെതിരെയായിരുന്നു ഇംഗ്ലണ്ട് റെക്കോര്‍ഡ് റണ്‍സ് നേടിയിരുന്നത്.

അലക്‌സ് ഹൈല്‍സിന്റെ 147, ജോണി ബൈര്‍സ്റ്റേവിന്റെ 139 റണ്‍സ് പ്രകടനം എന്നിവയാണ് ഇംഗ്ലണ്ടിന് നേട്ടമായത്. കൂടാതെ 4 വിക്കറ്റ് നേടിയ ആദില്‍ റാഷിദിന്റെ പ്രകടനവും ഓസീസിനെ 239ന് ഓള്‍ ഔട്ട് ചെയ്യാന്‍ ഇംഗ്ലണ്ടിനെ സഹായിച്ചു. ആ​ദ്യ വി​ക്ക​റ്റി​ൽ ഇം​ഗ്ലീ​ഷു​കാ​ർ 159 റ​ൺ​സാ​ണ് അ​ടി​ച്ചെ​ടു​ത്ത​ത്. ഓ​പ്പ​ണ​ർ ജേ​സ​ൺ റോ​യി​യും (82) ബെ​യ​ർ​സ്റ്റോ​യും മെ​ല്ലെ​ത്തു​ട​ങ്ങി ക​ത്തി​ക്ക​യ​റു​ക​യാ​യി​രു​ന്നു. എ​ന്നാ​ൽ 19.3 ഓ​വ​റി​ൽ റ​ൺ ഔ​ട്ടി​ന്‍റെ രൂ​പ​ത്തി​ൽ വി​ല്ല​നെ​ത്തി. ജേ​സ​ൺ റോ​യി പു​റ​ത്ത്. കാ​തു​കു​ത്തി​യ​വ​ൻ ​പോ​യാ​ൽ ക​ടു​ക്ക​നി​ട്ട​യാ​ളെ​ത്തു​മെ​ന്ന ചൊ​ല്ലു​പോ​ലാ​യി​രു​ന്നു ഹേ​ൽ​സി​ന്‍റെ വ​ര​വ്. 92 പ​ന്തു​ക​ൾ നേ​രി​ട്ട ഹേ​ൽ​സ് അ​ഞ്ച് സിക്‌സും 16 ഫോ​റു​ക​ളും പ​റ​ത്തി.

ബെ​യ​ർ​സ്റ്റോ​യും അ​ത്ര​യും ത​ന്നെ പ​ന്തി​ൽ അ​ത്ര​യും ത​ന്നെ സി​ക്‌സറു​ക​ളും 15 ഫോ​റു​ക​ളും നേ​ടി. ബെ​യ​ർ​സ്റ്റോ പു​റ​ത്താ​യ ശേ​ഷം എ​ത്തി​യ ബ​ട്‌​ല​ർ​ക്ക് ശോ​ഭി​ക്കാ​നാ​യി​ല്ല. 12 ബോ​ളി​ൽ 11 റ​ൺ​സ് മാ​ത്രം നേ​ടി​യ ബ​ട്‌​ല​ർ റി​ച്ചാ​ർ​ഡ​സ​ണി​നു വി​ക്ക​റ്റ് ന​ൽ​കി മ​ട​ങ്ങി. അ​വ​സാ​ന ഓ​വ​റു​ക​ളി​ൽ ഓ​യി​ൻ മോ​ർ​ഗ​നാ​ണ് (67) സ്കോ​റിങ് വേ​ഗം കൂ​ട്ടി​യ​ത്. 30 പ​ന്തി​ൽ ആ​റു സി​ക്‌സും നാ​ലു ഫോ​റു​മാ​യി​രു​ന്നു മോ​ർ​ഗ​ൻ അ​ടി​ച്ചെ​ടു​ത്ത​ത്.

അ​ടി​യു​ടെ ചെ​റി​യ പെ​രു​ന്നാ​ൾ ന​ട​ത്തി​യ ഇം​ഗ്ല​ണ്ടി​നു അ​വ​സാ​നം ലേ​ശ​മൊ​ന്നു പി​ഴ​ച്ചി​ല്ലാ​യി​രു​ന്നെ​ങ്കി​ൽ സ്കോ​ർ 500 ക​ട​ന്നു​പോ​കു​മാ​യി​രു​ന്നു. അ​വ​സാ​ന 30 പ​ന്തി​ൽ ഇം​ഗ്ലീ​ഷ് ബാ​റ്റ്സ്‌മാ​ൻ​മാ​ർ​ക്ക് ബൗ​ണ്ട​റി ക​ണ്ടെ​ത്താ​നാ​യി​ല്ല. ഇം​ഗ്ല​ണ്ടി​ന്‍റെ ആ​ൻ​ഡ്രൂ ടൈ ​ഒ​ൻ​പ​ത് ഓ​വ​റി​ൽ 100 റ​ൺ​സാ​ണ് വി​ട്ടു​കൊ​ടു​ത്ത​ത്.

Get Malayalam News and latest news update from India and around the world. Stay updated with today's latest Sports news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ