ലണ്ടൻ: ചാമ്പ്യൻസ് ട്രോഫി ഉദ്ഘാടന മത്സരത്തിൽ ബംഗ്ലാദേശിനെതിരെ ഇംഗ്ലണ്ടിന് എട്ട് വിക്കറ്റിന്റെ വിജയം. ആദ്യം ബാറ്റ് ചെയ്ത ബംഗ്ലാദേശ് മുന്നോട്ട് വച്ച 306 റൺസിന്റെ വിജയലക്ഷ്യം ഇംഗ്ളണ്ട് 47.2 ഓവറിൽ 2 വിക്കറ്റ് നഷ്ടത്തിൽ മറികടന്നു.

ആദ്യം ബാറ്റുചെയ്​ത ബംഗ്ലാദേശ്​ ത​മീം ഇ​ഖ്​​ബാ​ൽ സെ​ഞ്ച്വ​റി​യുടെ ബലത്തിലാണ് 305 റണ്‍സെടുത്തത്. മുഷ്ഫികുര്‍ റഹീം 79 റണ്‍സും നേടി ബംഗ്ലാദേശിന്റെ സ്കോറുയര്‍ത്തി. തുടക്കം മുതലെ ശ്രദ്ധിച്ചു കളിച്ച ബംഗ്ലാദേശ് 56 റണ്‍സ് എടുത്തു നില്‍ക്കുമ്പോള്‍ മാത്രമാണ് ആദ്യ വിക്കറ്റ് നഷ്ടപ്പെടുത്തിയത്.

പി​ന്നാ​ലെ ഇം​റു​ൽ ഖൈ​സി​നെ പ്ല​ങ്ക​റ്റും(19) പു​റ​ത്താ​ക്കി​യ​തോ​ടെ ഇം​ഗ്ല​ണ്ടി​ന്​ പ്ര​തീ​ക്ഷ വ​ന്നു. എ​ന്നാ​ൽ മൂ​ന്നാം വി​ക്ക​റ്റി​ൽ ഒന്നിച്ച മു​ഷ്​​ഫി​ഖു റ​ഹീ​മും തമീം ഇഖ്ബാലും ടീമിനെ കൈപിടിച്ച് നയിച്ചു, 166 റണ്‍സാണ് മൂന്നാം വിക്കറ്റില്‍ ഇരുവരുടേയും സംഭാവന.

പിന്നീട് ബാറ്റ് ചെയ്ത ഇംഗ്ലണ്ടിനായി അപരാജിത സെഞ്ച്വറിയുമായി കളംനിറഞ്ഞ ജോ റൂട്ടും (133) നാലു റൺസകലെ സെഞ്ച്വറി നഷ്​ടമായ അ​ല​ക്​​സ്​ ഹെ​യി​ൽ​സും (95) മികച്ച പ്രകടനം കാഴ്ച്ചവെച്ചു. ഇംഗ്ലണ്ടിനായി ലിയാം പ്ലങ്കറ്റ് നാലു വിക്കറ്റ് വീഴ്ത്തി. ഇംഗ്ലണ്ടിനെതിരെ ബംഗ്ലാദേശ് നേടുന്ന ഏറ്റവും ഉയർന്ന സ്കോറാണ് 305.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook