പന്തു ചുരണ്ടലിനെ തുടര്‍ന്ന് ഒരു കൊല്ലത്തെ വിലക്കിന് ശേഷം ആദ്യ ടെസ്റ്റ് കളിക്കുകയാണ് ഡേവിഡ് വാര്‍ണര്‍. എതിരാളികള്‍ ചിര വൈരികളായ ഇംഗ്ലണ്ടാണ്. വേദി ആഷസും കളി നടക്കുന്നത് അവരുടെ നാട്ടിലും. അതിനാല്‍ വാര്‍ണറെ വെറുതെ വിടാന്‍ ഇംഗ്ലണ്ടുകാര്‍ തീരുമാനിക്കില്ലെന്ന് എല്ലാവര്‍ക്കും അറിയാം. വാര്‍ണറിനും. അതുകൊണ്ട് തന്നെ തനിക്കെതിരായ കാണികളുടെ കൂവലിനും അധിക്ഷേപങ്ങള്‍ക്കുമെല്ലാം വാര്‍ണറുടെ പക്കല്‍ മറുപടിയുണ്ടായിരുന്നു.
കളിക്കിടെ ബൗണ്ടറി ലൈനിന് അരികില്‍ ഫീല്‍ഡ് ചെയ്യവെ പിന്നില്‍ നിന്നും കാണികള്‍ വാര്‍ണറെ കൂവുന്നുണ്ടായിരുന്നു. ഒപ്പം അവന്റെ പോക്കറ്റില്‍ സാന്‍ഡ്‌പേപ്പറുണ്ടെന്ന് വിളിച്ചു പറയുകയും ചെയ്തു. എന്നാല്‍ ഇതിനൊന്നും വാര്‍ണറെ തളര്‍ത്താനായില്ല. കൂവല്‍ നിര്‍ത്താതെ വന്നതോടെ തന്റെ രണ്ട് പോക്കറ്റും പുറത്തിട്ട് കാണിച്ചു കൊണ്ട് ചിരിച്ചു. എന്റെ പോക്കറ്റില്‍ ഒന്നുമില്ലെന്ന അര്‍ത്ഥത്തോടെ.
Stay updated with the latest news headlines and all the latest Sports news download Indian Express Malayalam App.
Web Title: David warner shows empty pockets to english crowd chanting hes got sandpaper
