Latest News
കോവിഡ്: പ്രതിദിന കേസുകളിൽ മുന്നിൽ കേരളം
ലോക്ക്ഡൗൺ ഇളവുകൾ ആൾക്കൂട്ടങ്ങൾക്ക് ഇടയാകരുത്, കേന്ദ്രത്തിന്റെ മുന്നറിയിപ്പ്
പ്രവാസികള്‍ക്കു പുതുക്കിയ വാക്സിനേഷന്‍ സര്‍ട്ടിഫിക്കറ്റ് നാളെ മുതല്‍; ബാച്ച് നമ്പറും തിയതിയും ചേര്‍ക്കും
ന്യൂസിലൻഡിന് ടോസ്; ഇന്ത്യയെ ബാറ്റിങിനയച്ചു
ഇന്ത്യയുടെ മിൽഖ, മിൽഖയുടെ ഇന്ത്യ
സുധാകരന്റെ കത്തി പരാമര്‍ശം വേദനിപ്പിക്കുന്നത്, മാപ്പ് പറയണം: ഫ്രാന്‍സിസിന്റെ മകന്‍

ഇന്ത്യ കുതിപ്പ് തുടരുന്നു; സ്വര്‍ണം വെടിവച്ചിട്ട് ശ്രേയസി സിങ്

21-ാമത് കോമണ്‍വെല്‍ത്ത് ഗെയിംസില്‍ 12 സ്വര്‍ണവും നാല് വെള്ളിയും ഏഴ് വെങ്കലവുമാണ് ഇന്ത്യയുടെ സമ്പാദ്യം

ഗോള്‍ഡ് കോസ്റ്റ്: ഷൂട്ടിങ് റേഞ്ചില്‍ വീണ്ടും ഇന്ത്യന്‍ പൊന്‍ തിളക്കം. വനിതകളുടെ ഡബിള്‍ ട്രാപ്പ് വിഭാഗത്തില്‍ ശ്രേയസി സിങ്ങാണ് ഇന്ത്യയ്ക്കായി സ്വര്‍ണം നേടിയത്. ഇന്ത്യയുടെ വര്‍ഷ വര്‍മന്‍ നാലാം സ്ഥാനത്തുമെത്തി. ഇതേയിനത്തില്‍ പുരുഷന്മാരുടെ വിഭാഗത്തില്‍ ഇന്ത്യയുടെ അങ്കുര്‍ മിത്തല്‍ ഇന്ന് മൽസരിക്കുന്നുണ്ട്.

നേരത്തെ പുരുഷന്മാരുടെ അഞ്ചു മീറ്റര്‍ പിസ്റ്റള്‍ വിഭാഗത്തില്‍ ഓം പ്രകാശ് മിതര്‍വാള്‍ വെങ്കലം നേടിയിരുന്നു. 201.1 ആണ് ഓം പ്രകാശിന്റെ സ്‌കോര്‍. കഴിഞ്ഞ ദിവസം 10 മീറ്റര്‍ എയര്‍ പിസ്റ്റളിലും ഓം പ്രകാശ് മിതര്‍വാള്‍ വെങ്കലം നേടിയിരുന്നു. ഗെയിംസ് റെക്കോര്‍ഡോടെ ഇന്ത്യയുടെ ജിതു റായിക്കായിരുന്നു സ്വര്‍ണം.

അതേസമയം, 227.2 എന്ന പുതിയ കോമണ്‍വെല്‍ത്ത് ഗെയിംസ് റെക്കോര്‍ഡോടെ ഓസ്‌ട്രേലിയന്‍ താരം ഡാനിയല്‍ റെപാചോലിയാണ് സ്വര്‍ണം നേടിയത്. ബംഗ്ലദേശിന്റെ ഷക്കീല്‍ അഹമ്മദാണ് വെള്ളി നേടിയത്. അതേസമയം, ജിതു റായി എട്ടാം സ്ഥാനത്താണ് എത്തിയത്.

ബോക്‌സിങ്ങില്‍ മേരി കോമും മെഡല്‍ ഉറപ്പിച്ചിട്ടുണ്ട്. സെമയില്‍ ശ്രീലങ്കന്‍ താരം അനുഷ ദില്‍റുഷിയെ പരാജയപ്പെടുത്തിയാണ് മേരി കോം ഫൈനലിലേക്ക് പ്രവേശിച്ചത്. മേരി കോം സ്വർണം നേടുമെന്ന പ്രതീക്ഷയിലാണ് ഇന്ത്യ. മേരി കോം ഇതാദ്യമായാണ് കോമണ്‍വെല്‍ത്ത് ഗെയിംസില്‍ പങ്കെടുക്കുന്നത് എന്നതും ശ്രദ്ധേയമാണ്. അഞ്ച് വട്ടം ലോക ചാമ്പ്യനും ഒളിമ്പിക്‌സ് വെങ്കല മെഡല്‍ ജേതാവുമാണ് മേരി കോം.

അതേസമയം, 21-ാമത് കോമണ്‍വെല്‍ത്ത് ഗെയിംസില്‍ 12 സ്വര്‍ണവും നാല് വെള്ളിയും ഏഴ് വെങ്കലവുമാണ് ഇന്ത്യയുടെ സമ്പാദ്യം.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Cwg 2018 live score india shooting live streaming shreyasi singh wins gold medal in womens double trap

Next Story
‘വല്ലാത്തൊരു അടിയായി പോയി’; ലാപ്‌ടോപ് തകര്‍ത്ത് വാട്‌സണിന്റെ ബുള്ളറ്റ് സിക്‌സ്
The moderation of comments is automated and not cleared manually by malayalam.indianexpress.com