CSK vs MI 2019 Live Updates:ഓപ്പണര്‍ മുരളി വിജയിയുടേയും മധ്യനിരയില്‍ ബ്രാവോയും സാന്റ്‌നറും നടത്തിയ ചെറുത്തു നില്‍പ്പിനും ചെന്നൈയെ രക്ഷിക്കാനായില്ല. 109 റണ്‍സ് ഓള്‍ ഔട്ടായതോടെ 46 റണ്‍സിനാണ് ചെന്നൈ മുംബൈയോട് പരാജയപ്പെട്ടത്. മുരളി വിജയ് 38 റണ്‍സും ബ്രാവോ 20 റണ്‍സും സാന്റ്‌നര്‍ 22 റണ്‍സും നേടി.

മുംബൈ ബോളര്‍മാരില്‍ തിളങ്ങിയത് ലസിത് മലിംഗയാണ്. താരം നാല് വിക്കറ്റാണ് വീഴ്ത്തിയത്. ബുംറയും ക്രുണാല്‍ പാണ്ഡ്യയും രണ്ട് വിക്കറ്റ് വീതം വീഴ്ത്തി. നായകന്‍ രോഹിത് ശര്‍മ്മയുടെ അര്‍ധ സെഞ്ചുറിയുടെ മികവിലാണ് ചെന്നൈ സൂപ്പര്‍ കിങ്‌സിനെതിരെ മുംബൈ ഇന്ത്യന്‍സിന് ഭേദപ്പെട്ട സ്‌കോര്‍ നേടാനായത്. 20 ഓവറില്‍ 155-4 എന്ന നിലയിലാണ് മുംബൈ കളി അവസാനിപ്പിച്ചത്.

അര്‍ധ സെഞ്ചുറി നേടിയ രോഹിത്താണ് ടോപ്പ് സ്‌കോറര്‍. രോഹിത് 48 പന്തില്‍ 67 റണ്‍സാണ് നേടിയത്. എവിന്‍ ലൂയിസ് 30 പന്തില്‍ 32 റണ്‍സുമായി മികച്ച പിന്തുണ നല്‍കി. ഹാര്‍ദ്ദിക് പാണ്ഡ്യ 23 റണ്‍സും നേടി. ചെന്നൈ ബോളര്‍മാരില്‍ തിളങ്ങിയത് രണ്ട് വിക്കറ്റെടുത്ത സാന്റ്‌നറാണ്.