Cristiano Ronaldo: വിഡ്ഡികൾക്ക് ഫുട്ബോൾ അറിയില്ല; കലിപ്പിച്ച് ക്രിസ്റ്റ്യാനോ റൊണാൾഡോ

പോർച്ചുഗൽ ദേശിയ ടീമിലെ തന്റെ സഹതാരത്തിന് നേർക്കുണ്ടായ വിമർശനങ്ങളെ പ്രതിരോധിച്ച് സൂപ്പർ താരം ക്രിസ്റ്റ്യാനോ റൊണാൾഡോ. പ്രീമിയർ ലീഗിൽ നിന്ന് സൗദി പ്രോ ലീഗിലേക്ക് ജാവോ ഫെലിക്സ് മാറിയതിന് പിന്നാലെ ആരാധകരും ഫുട്ബോൾ പണ്ഡിതരും താരത്തിനെതിരെ തിരിഞ്ഞിരുന്നു. വിഡ്ഡികൾക്ക് ഫുട്ബോളിനെ കുറിച്ച് ഒരു ചുക്കും അറിയില്ല എന്നാണ് പോഡ്കാസ്റ്റിന്റെ കമന്റ് ബോക്സിൽ ക്രിസ്റ്റ്യാനോ റൊണാൾഡോ കുറിച്ചത്. 

രണ്ട് വർഷത്തെ കരാറിൽ 35 മില്യൺ പൗണ്ടിനാണ് ഫെലിക്സ് അൽ നസറിനൊപ്പം ചേർന്നിരിക്കുന്നതെന്നാണ് റിപ്പോർട്ടുകൾ. ഒരു പോഡ്കാസ്റ്റിന്റെ ഇൻസ്റ്റഗ്രാം അക്കൗണ്ടിൽ ഫെലിക്സിന്റെ സൗദിയിലേക്ക് ചേക്കേറാനുള്ള തിരഞ്ഞെടുപ്പിനെ വിമർശിച്ചുള്ള ഭാഗം പങ്കുവെച്ചിരുന്നു. ഇതാണ് ക്രിസ്റ്റ്യാനോ റൊണാൾഡോയെ പ്രകോപിപ്പിച്ചത്.

Also Read: Cristiano Ronaldo: റൊണാൾഡോ ഇന്ത്യയിൽ കളിക്കും? അൽ നസറിന് എതിരാളി എഫ്സി ഗോവ

"വിഡ്ഡികൾക്ക് ഫുട്ബോളിനെ കുറിച്ച് ഒന്നും മനസിലാക്കാനാവില്ല. എന്നിട്ടും അവർ അഭിപ്രായങ്ങൾ പറഞ്ഞുകൊണ്ടിരിക്കും," ഇങ്ങനെയാണ് റൊണാൾഡോ കമന്റ് ബോക്സിൽ കുറിച്ചത്. അൽ നസറിൽ റൊണാൾഡോയ്ക്കൊപ്പം ചേർന്നതിന് പിന്നാലെ അഞ്ച് മത്സരങ്ങളിൽ നിന്ന് നാല് ഗോളുകൾ ഫെലിക്സ് സ്കോർ ചെയ്ത് കഴിഞ്ഞു. ഇതിൽ ഒരു ഹാട്രിക്കും ഉൾപ്പെടുന്നു. 

Also Read: റൊണാൾഡോ വിവാഹിതനാവുന്നു; മോതിരത്തിന്റെ വില; വിരലിൽ ശസ്ത്രക്രിയ വേണം -Cristiano Ronaldo

റൊണാൾഡോ? നിങ്ങൾക്ക് കാണാനാവുന്നില്ലേ അദ്ദേഹം ഇവിടെ ഫുട്ബോൾ വളർത്താൻ ശ്രമിക്കുന്നത്? പദ്ധതിയുടെ ഭാഗമാവുന്നത്? സൗദിയിലെത്തിയതിന് പിന്നാലെ ഇങ്ങനെയായിരുന്നു ഫെലിക്സിന്റെ വാക്കുകൾ. സൗദിയിലേക്ക് വരുന്നതിനെ കുറിച്ച് എന്നോട് ആദ്യം സംസാരിച്ചത് റൊണാൾഡോയാണ്. റൊണാൾഡോ പറയുന്നത് കേട്ടപ്പോൾ ഇവിടെ മനോഹരമായിരിക്കും എന്ന് തോന്നി. എന്നെ വിശ്വസിപ്പിക്കാൻ റൊണാൾഡോയ്ക്ക് കഴിഞ്ഞതായും ഫെലിക്സ് പറഞ്ഞു.

Also Read: Cristiano Ronaldo: എന്റെ പിതാവിനേക്കാൾ മികച്ചത് ലാമിൻ യമാൽ; ക്രിസ്റ്റ്യാനോ ജൂനിയർ

2023ൽ അൽ നസറിൽ എത്തിയ റൊണാൾഡോ സൗദി ക്ലബിന് വേണ്ടി 100 ഗോളുകൾ സ്കോർ ചെയ്ത് കഴിഞ്ഞു. എന്നാൽ സൗദിയിൽ ഒരു കിരീടം ഉയർത്താൻ റൊണാൾഡോയ്ക്ക് സാധിച്ചിട്ടില്ല. അൽ നസറുമായി റൊണാൾഡോ കരാർ പുതുക്കില്ല എന്ന റിപ്പോർട്ടുകളും വന്നിരുന്നു. എന്നാൽ രണ്ട് വർഷത്തേക്ക് കൂടി അൽ നസറിനൊപ്പം റൊണാൾഡോ തുടരും.

Read More: Cristiano Ronaldo: പ്രതിദിന വേതനം 5 കോടി; ക്ലബിന്റെ ഷെയർ; സ്വകാര്യ ജെറ്റ്; ഞെട്ടിക്കുന്ന കരാർ