Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

കൊക്കക്കോളക്ക് പകരം വെള്ളമെടുത്ത് റൊണാൾഡൊ; കമ്പനിക്ക് ഉണ്ടായ നഷ്ടം നാല് ബില്യൺ ഡോളർ

കൊക്കക്കോളയ്ക്ക് പകരം വെള്ളം കുടിക്കാൻ റൊണാൾഡോ ആഹ്വാനം ചെയ്യുന്ന ദൃശ്യങ്ങൾ സമൂഹ മാധ്യമങ്ങളിൽ വൈറലായിരുന്നു

Cristiano Ronaldo, UEFA EURO
Photo: Facebook/UEFA EURO 2020

റിയോ: യൂറോ കപ്പ് മത്സരത്തിന് മുന്നോടിയായ വാര്‍ത്താ സമ്മേളനത്തില്‍ തന്റെ മുന്നില്‍ വച്ച കൊക്കക്കോള കുപ്പികള്‍ എടുത്ത് മാറ്റുകയും, വെള്ളം കുടിക്കാന്‍ ഉപദേശിക്കുകയും ചെയ്ത ക്രിസ്റ്റ്യാനോ റൊണാള്‍ഡോയുടെ ദൃശ്യങ്ങള്‍ സമൂഹ മാധ്യമങ്ങളില്‍ വൈറലായിരുന്നു.

വിഡിയോയുടെ ഷെയറുകളുടെ എണ്ണം കൂടി, ലോകം ഏറ്റെടുത്തു. പക്ഷെ ഇതുമൂലം കമ്പനിക്കുണ്ടായ നഷ്ടങ്ങള്‍ ചില്ലറയല്ല. കോളയുടെ ഓഹരിയില്‍ നാല് ബില്യണ്‍ ഡോളറിന്റെ ഇടിവാണ് ഉണ്ടായതെന്ന് രാജ്യാന്തര മാധ്യമമായ ദി ഗ്വാര്‍ഡിയന്‍ റിപ്പോര്‍ട്ട് ചെയ്യുന്നു.

കൊക്കക്കോളയുടെ ഓഹരി വില 56.10 ഡോളറില്‍ നിന്ന്. 55.22 ആയി കുറഞ്ഞു. റൊണാൾഡോയുടെ പത്രസമ്മേളനത്തിന് തൊട്ടുപിന്നാലെയുണ്ടായ ഇടിവ് 1.6 ശതമാനം. വിപണി മൂല്യം 242 ബില്യൺ ഡോളറിൽ നിന്ന് 238 ആയും കുറഞ്ഞതായി റിപ്പോര്‍ട്ടില്‍ പറയുന്നു.

യൂറോയുടെ ഔദ്യോഗിക സ്പോണ്‍സര്‍മാരില്‍ ഒരാളായ കൊക്കക്കോള സംഭവത്തില്‍ പ്രതികരണമായി രംഗത്തെത്തി. “ഓരോ വ്യക്തികള്‍ക്കും പാനീയങ്ങളില്‍ മുന്‍ഗണനയുണ്ട്, അത് വ്യത്യസ്ത രുചികള്‍ ആയിരിക്കും,” കമ്പനി പുറത്തിറക്കിയ പ്രസ്താവനയില്‍ വ്യക്തമാക്കുന്നു.

കളിക്കാര്‍ക്ക് പത്രസമ്മേളനത്തില്‍ എത്തുമ്പോള്‍ വെള്ളത്തിനൊപ്പം, കൊക്കക്കോളയും നല്‍കാറുണ്ടെന്ന് യൂവേഫ യൂറോയുടെ വക്താക്കളും പ്രതികരിച്ചു.

ആരോഗ്യ സംരക്ഷണത്തിന്റെ കാര്യത്തില്‍ പോര്‍ച്ചുഗല്‍ നായകന്‍ അല്‍പ്പം കണിശക്കാരാനാണ് എന്നതില്‍ തര്‍ക്കമില്ല. 36-ാം വയസിലും ഫുട്ബോളില്‍ സ്ഥിരത പുലര്‍ത്താന്‍ താരത്തിന് സാധിക്കുന്നതിന്റെ പിന്നിലെ രഹസ്യം കായികക്ഷമത തന്നെയാണ്.

ഹംഗറിക്കെതിരായ മത്സരത്തില്‍ രണ്ട് ഗോളുകളോടെ ടൂര്‍ണമെന്റില്‍ ഗോള്‍ വേട്ടയ്ക്കും റൊണാള്‍ഡോ തുടക്കമിട്ടിരിക്കുകയാണ്. യൂറോ കപ്പിന്റെ ചരിത്രത്തിലെ ടോപ് സ്കോറര്‍ ആകാനും താരത്തിന് സാധിച്ചു. അഞ്ച് യൂറോകളിലായി ഇതുവരെ 11 ഗോളുകളാണ് പോര്‍ച്ചുഗല്‍ നായകന്‍ നേടിയത്.

Also Read: UEFA EURO 2020: കരുത്തന്മാരുടെ പോരാട്ടത്തില്‍ ഫ്രാന്‍സ്; ജര്‍മനി വീണത് ഓണ്‍ ഗോളില്‍

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Cristiano ronaldo coca cola uefa euro 2020

Next Story
UEFA Euro 2020 Portugal 3- 0 Hungary- Result: ഇരട്ട ഗോൾ നേടി റോണോ; ഹംഗറിയെ തകർത്ത് പോർച്ചുഗൽUEFA EURO, Portugal, Cristiano
The moderation of comments is automated and not cleared manually by malayalam.indianexpress.com