scorecardresearch

മകൻ മരിച്ചതിനാൽ റൊണാൾഡോ ഇപിഎല്ലിൽ നിന്ന് വിട്ടു നിൽക്കുന്നു; ലിവർപൂളിനെതിരായ മത്സരത്തിനിറങ്ങില്ലെന്ന് മാഞ്ചസ്റ്റർ യുണൈറ്റഡ്

“കുടുംബം എല്ലാറ്റിനേക്കാളും പ്രധാനമാണ്, ഈ പ്രയാസകരമായ സമയത്ത് റൊണാൾഡോ തന്റെ പ്രിയപ്പെട്ടവരെ പിന്തുണയ്ക്കുകയാണ്,” യുണൈറ്റഡ് പ്രസ്താവനയിൽ പറഞ്ഞു

മകന്റെ മരണത്തെത്തുടർന്ന് സൂപ്പർ താരം ക്രിസ്റ്റ്യാനോ റൊണാൾഡോ പ്രീമിയർ ലീഗിൽ ലിവർപൂളിനെതിരെ കളിക്കില്ലെന്ന് മാഞ്ചസ്റ്റർ യുണൈറ്റഡ് അറിയിച്ചു. റോണോയുടെ നവജാത ശിശു കഴിഞ്ഞ ദിവസം മരണപ്പെട്ടിരുന്നു.

മാഞ്ചസ്റ്റർ യുണൈറ്റഡ് താരം റോണോയും ജീവിത പങ്കാളി ജോർജിന റോഡ്രിഗസും ഇരട്ടക്കുട്ടികളെ പ്രതീക്ഷിച്ചിരുന്നു. എന്നാൽ ഇരട്ടകളിൽ ആൺകുട്ടി മരിക്കുകയും പെൺകുട്ടിക്ക് ജന്മം നൽകാൻ സാധിക്കുകയും ചെയ്തു.

“കുടുംബം എല്ലാറ്റിനേക്കാളും പ്രധാനമാണ്, ഈ പ്രയാസകരമായ സമയത്ത് റൊണാൾഡോ തന്റെ പ്രിയപ്പെട്ടവരെ പിന്തുണയ്ക്കുകയാണ്,” യുണൈറ്റഡ് ക്ലബ് വെബ്‌സൈറ്റിലെ പ്രസ്താവനയിൽ പറഞ്ഞു.

“അതുപോലെ, ചൊവ്വാഴ്ച വൈകുന്നേരം ആൻഫീൽഡിൽ ലിവർപൂളിനെതിരായ മത്സരത്തിൽ അദ്ദേഹം പങ്കെടുക്കില്ലെന്ന് ഞങ്ങൾക്ക് സ്ഥിരീകരിക്കാൻ കഴിയും. കൂടാതെ സ്വകാര്യതയ്‌ക്കായുള്ള കുടുംബത്തിന്റെ അഭ്യർത്ഥന ഞങ്ങൾ അടിവരയിടുന്നു.” പ്രസ്താവനയിൽ പറയുന്നു

‘ഞങ്ങളുടെ കുഞ്ഞ് മരിച്ചുവെന്നത് ഞങ്ങളുടെ അഗാധമായ സങ്കടത്തോടെയാണ് അറിയിക്കുന്നത്,” എന്ന് തിങ്കളാഴ്ച്ച റൊണാൾഡോ പറഞ്ഞിരുന്നു.

ഏതൊരു രക്ഷിതാവിനും അനുഭവിക്കാവുന്ന ഏറ്റവും വലിയ വേദനയാണിതെന്നും അദ്ദേഹം പ്രസ്താവനയിൽ തുടർന്നു.

“ഞങ്ങളുടെ മകളുടെ ജനനം മാത്രമാണ് ഈ നിമിഷം കുറച്ച് പ്രതീക്ഷയോടെയും സന്തോഷത്തോടെയും ജീവിക്കാൻ ഞങ്ങൾക്ക് ശക്തി നൽകുന്നത്,” റൊണാൾഡോ പറഞ്ഞു.

“ഡോക്ടർമാർക്കും നഴ്‌സുമാർക്കും അവരുടെ പരിചരണത്തിനും പിന്തുണയ്ക്കും നന്ദി പറയാൻ ഞങ്ങൾ ആഗ്രഹിക്കുന്നു. ഈ നഷ്ടത്തിൽ ഞങ്ങൾ തകർന്നു, ഈ പ്രയാസകരമായ സമയത്ത് സ്വകാര്യത അഭ്യർത്ഥിക്കുന്നു. കുഞ്ഞേ, നീ ഞങ്ങളുടെ മാലാഖയാണ്. ഞങ്ങൾ നിങ്ങളെ എപ്പോഴും സ്നേഹിക്കും,” റൊണാൾഡോ തന്റെയും ജോർജിനയുടെയും പേരിൽ ഒപ്പിട്ടുകൊണ്ട് പ്രസ്താവന അവസാനിപ്പിച്ചു.

Stay updated with the latest news headlines and all the latest Sports news download Indian Express Malayalam App.

Web Title: Cristiano ronaldo announces death of his newborn boy