Latest News
കോവിഡ് മരണം 40 ലക്ഷം കടന്നു; കൂടുതല്‍ ഇന്ത്യ, അമേരിക്ക, ബ്രസീല്‍ രാജ്യങ്ങളില്‍
ഇന്ധനനിരക്ക് ഇന്നും കൂട്ടി; തിരുവനന്തപുരത്ത് പെട്രോള്‍ വില നൂറിലേക്ക്
കോപ്പയില്‍ ബ്രസീലിയന്‍ കോടുങ്കാറ്റ്; പെറുവിനെ തകര്‍ത്തു
കോവിഡിന്റെ ഡെല്‍റ്റ വകഭേദത്തിനുള്ള സ്പുട്നിക് വാക്സിന്‍ ഉടന്‍
രാജ്യത്ത് 62,480 പുതിയ കേസുകള്‍; 1,587 മരണം
കിവികളെ കീഴടക്കാന്‍ ഇന്ത്യ; ലോക ടെസ്റ്റ് ചാമ്പ്യന്‍ഷിപ്പ് ഫൈനലിന് ഇന്ന് തുടക്കം
സംവിധായകന്‍ സച്ചി ഓര്‍മയായിട്ട് ഒരു വര്‍ഷം

ഇംഗ്ലണ്ടില്‍ റിഷഭ് പന്തായിരിക്കണം ഇന്ത്യയുടെ വിക്കറ്റ് കീപ്പര്‍: വൃദ്ധിമാന്‍ സാഹ

ഐപിഎല്ലിനിടെ കോവിഡ് ബാധിച്ചതിനെക്കുറിച്ചും താരം പ്രതികരിച്ചു

Rishabh Pant, റിഷഭ് പന്ത്, Wriddhiman Saha, വൃദ്ധിമാന്‍ സാഹ, Indian Cricket Team, BCCI, World Test Championship, Cricket News, IE Malayalam, ഐഇ മലയാളം

ന്യൂഡല്‍ഹി: ഇംഗ്ലണ്ടിനെതിരായ ടെസ്റ്റ് പരമ്പരയില്‍ വിക്കറ്റ് കീപ്പര്‍ സ്ഥാനത്തേക്ക് ആദ്യ പരിഗണന ലഭിക്കേണ്ടത് റിഷഭ് പന്തിനെന്ന് വൃദ്ധിമാന്‍ സാഹ. സാഹയും ഇരുപതംഗ ടീമിന്റെ ഭാഗമാണ്. കഴിഞ്ഞ ഡിസംബറില്‍ അഡ്ലെയിഡില്‍ ഓസ്ട്രേലിയക്കെതിരെ നടന്ന മത്സരത്തിന് ശേഷം സാഹ ഇന്ത്യയുടെ രണ്ടാം വിക്കറ്റ് കീപ്പറാണ്. മികച്ച് ഫോം പരിഗണിക്കുമ്പോള്‍ പന്ത് സ്വാഭാവികമായും ആദ്യ ഇലവനില്‍ സ്ഥാനം നേടുമെന്നും താരം പറഞ്ഞു.

“ലോക ടെസ്റ്റ് ചാമ്പ്യന്‍ഷിപ്പില്‍ അവസാനം കളിച്ച മത്സരങ്ങളിലെല്ലാം റിഷഭ് നന്നായി കളിച്ചു. ഇംഗ്ലണ്ടില്‍ പന്ത് തന്നെ ആയിരിക്കണം ടീമിന്റെ വിക്കറ്റ് കീപ്പര്‍. ഞാന്‍ അവസരത്തിനായി കാത്തിരിക്കും, ലഭിക്കുമ്പോള്‍ മികച്ച പ്രകടനം നടത്തും. ആ ഒരു അവസരത്തിനായി ഞാന്‍ പരിശ്രമം തുടര്‍ന്നുകൊണ്ടിരിക്കും,” സ്പോട്സ്കീഡയോട് സാഹ പറഞ്ഞു.

Also Read: ഐപിഎല്‍ നടത്തുന്നതിനായി ടെസ്റ്റ് പരമ്പരയില്‍ മാറ്റം വരുത്താന്‍ ബിസിസിഐ ആവശ്യപ്പെട്ടിട്ടില്ല: ഇസിബി

ഇന്ത്യയുടെ മൂന്നാം വിക്കറ്റ് കീപ്പറായി ആന്ധ്ര പ്രദേശ് താരം കെഎസ് ഭരത്തിന് ബിസിസിഐ ടീമില്‍ ഉള്‍പ്പെടുത്തിയിരുന്നു. കഴിഞ്ഞ പരമ്പരയിലും ഭരത് ഭാഗമായിരുന്നെന്ന് സാഹ പറഞ്ഞു. കോവിഡ് സാഹചര്യം പരിഗണിച്ചായിരിക്കും ഇത്തരമൊരു തീരുമാനത്തിലേക്ക് ബിസിസിഐ എത്തിയതെന്നാണ് സാഹയുടെ നിഗമനം.

ഐപിഎല്ലിനിടെ കോവിഡ് ബാധിച്ചതിനെക്കുറിച്ചും താരം പ്രതികരിച്ചു. “ഞാന്‍ പോസിറ്റീവ് ആകുന്നതിന് തലേ ദിവസം, ചെന്നൈ സൂപ്പര്‍ കിങ്സിന്റെ ടീമിലുള്‍പ്പെട്ടവരില്‍ രോഗലക്ഷണം കണ്ടിരുന്നു. അതിന് രണ്ട് ദിവസം മുന്‍പാണ് ചെന്നൈയുമായി മത്സരം നടന്നത്. ഞാന്‍ മൈതാനത്തുണ്ടായിരുന്നു. ചെന്നൈ താരങ്ങളുമായി പരിശീലന സമയത്ത് സംസാരിക്കുകയും ചെയ്തു. ഇതായിരിക്കാം കോവിഡ് പിടിപെടാന്‍ ഇടയായ കാരണം,” സാഹ കൂട്ടിച്ചേര്‍ത്തു

Get the latest Malayalam news and Cricket news here. You can also read all the Cricket news by following us on Twitter, Facebook and Telegram.

Web Title: Rishabh pant should be indias first choice wicket keeper says saha

Next Story
ഐപിഎല്‍ നടത്തുന്നതിനായി ടെസ്റ്റ് പരമ്പരയില്‍ മാറ്റം വരുത്താന്‍ ബിസിസിഐ ആവശ്യപ്പെട്ടിട്ടില്ല: ഇസിബിBCCI, ബിസിസിഐ, Indian Cricket Team, ഇന്ത്യന്‍ ക്രിക്കറ്റ് ടീം, England Cricket Team, IPL, IPL Updates, IPL News, World Test Championship, Cricket News, IE Malayalam, ഐഇ മലയാളം
The moderation of comments is automated and not cleared manually by malayalam.indianexpress.com