Latest News
രാജ്യത്ത് 44,230 പേർക്ക് കോവിഡ്; 555 മരണം
ഹർഡിൽസിൽ ജാബിർ പുറത്ത്; ബോക്സിങ്ങിൽ മെഡലുറപ്പിച്ച് ലവ്ലിന ബോർഗോഹൈൻ
അമ്പെയ്ത്തിൽ ദീപിക കുമാരി ക്വാർട്ടറിൽ; സ്റ്റീപ്പിൾ ചേസിൽ ദേശിയ റെക്കോഡ് തിരുത്തി അവിനാശ് സാബ്ലെ

സഞ്ജു മികച്ച താരം, പക്ഷെ ഇന്ത്യന്‍ ജേഴ്സിയില്‍ കഴിവിനോട് നീതി പുലര്‍ത്താനായിട്ടില്ല: വസിം ജാഫര്‍

തന്റെ യൂട്യൂബ് ചാനലിലൂടെ പങ്കു വച്ച വീഡിയോയിലാണ് ജാഫര്‍ സഞ്ജുവിന്റെ പ്രകടനത്തെ വിശകലനം ചെയ്തത്

Sanju Samson

മുംബൈ: മലയാളി താരം സഞ്ജു സാംസണ്‍ ഇന്ത്യയിലെ തന്നെ ഏറ്റവും കഴിവുറ്റ യുവതാരങ്ങളില്‍ ഒരാളാണ്. ഐ.പി.എല്ലില്‍ രാജസ്ഥാന്‍ റോയല്‍സിന്റെ നായക സ്ഥാനത്ത് വരെയെത്തിയ സഞ്ജുവിന്റെ നേട്ടങ്ങള്‍ ഏറെയാണ്. എന്നാല്‍ സ്ഥിരതയില്ലായ്മ മൂലം താരത്തിന് ഇതുവരെ ഇന്ത്യന്‍ ടീമില്‍ തന്റെ സ്ഥാനം ഉറപ്പിക്കാനായിട്ടില്ല.

സഞ്ജു മികച്ച ബാറ്റ്സ്മാനാണെന്നും, പക്ഷെ ഇന്ത്യന്‍ ജേഴ്സിയോട് കഴിവിനൊത്ത് നീതി പുലര്‍ത്താനായിട്ടില്ല എന്നുമാണ് മുന്‍ ഇന്ത്യന്‍ താരം വസിം ജാഫറിന്റെ അഭിപ്രായം. തന്റെ യൂട്യൂബ് ചാനലിലൂടെ പങ്കു വച്ച വീഡിയോയിലാണ് ജാഫര്‍ സഞ്ജുവിന്റെ പ്രകടനത്തെ വിശകലനം ചെയ്തത്. ഇന്ത്യയുടെ ശ്രീലങ്കന്‍ പ്രകടനവുമായി ബന്ധപ്പെട്ട ചര്‍ച്ചയിലായിരുന്നു പരാമര്‍ശം.

“ഞാന്‍ ഉറ്റുനോക്കുന്ന ഒരു കളിക്കാരനാണ് സഞ്ജു സാംസണ്‍. അയാള്‍ മികച്ച പ്രകടനം കാഴ്ച വക്കാന്‍ ഞാന്‍ ആഗ്രഹിക്കുന്നു. വളരെ ആവേശം തരുന്നൊരു താരമാണ് സഞ്ജു. പക്ഷെ എവിടെയോ തന്റെ കഴിവിനൊത്ത പ്രകടനം ഇന്ത്യക്കായി പുറത്തെടുക്കാന്‍ അയാള്‍ക്കായിട്ടില്ല,” ജാഫര്‍ പറഞ്ഞു.

“ഐ.പി.എല്ലില്‍ റണ്‍സ് കണ്ടെത്താന്‍ സഞ്ജുവിനായിട്ടുണ്ട്. സ്ഥിരതയില്ലാത്ത താരമെന്ന് അയാളെ മുദ്ര കുത്തിയിരിക്കുകയാണ്. ഒരു മത്സരത്തില്‍ മികച്ച സ്കോര്‍ കണ്ടെത്തുന്നു. എന്നാല്‍ പിന്നീട് മൂന്ന്, നാല് കളികളില്‍ പരാജയപ്പെടുന്നു. വീണ്ടും മികച്ച പ്രകടനവുമായി തിരിച്ചു വരുന്നു. ഇത് സഞ്ജു തിരുത്തേണ്ട ഒന്നാണ്,” ജാഫര്‍ കൂട്ടിച്ചേര്‍ത്തു.

രാജസ്ഥാന്‍ റോയല്‍സിന്റെ നായകനായതില്‍ പിന്നെ സഞ്ജു കരുതലോടെ കളിക്കുന്നതാണ് നാം കണ്ടത്. അത് തുടരേണ്ടതുണ്ടെന്നും മുന്‍ ഇന്ത്യന്‍ താരം അഭിപ്രായപ്പെട്ടു. ശ്രീലങ്കയ്ക്കെതിരായ പരമ്പരയിലെ ഒന്നാം വിക്കറ്റ് കീപ്പറാണ് സഞ്ജു. ട്വന്റി 20 ലോകകപ്പില്‍ ഇടം നേടാന്‍ ലഭിച്ചിരിക്കുന്ന സുവര്‍ണാവസരം കൂടിയാണിത്.

Also Read: India vs Sri Lanka 1st ODI Live Streaming: ഇന്ത്യ – ശ്രീലങ്ക ആദ്യ ഏകദിനം ഇന്ന്; എപ്പോൾ, എങ്ങനെ കാണാം?

Get the latest Malayalam news and Cricket news here. You can also read all the Cricket news by following us on Twitter, Facebook and Telegram.

Web Title: He hasnt done justice to his talent for india wasim jaffer on sanju samson

Next Story
India vs Sri Lanka Preview: ടി20 ലോകകപ്പ് ടീമിൽ ഇടം നേടാൻ പരമ്പരയിലെ പ്രകടനം നിർണായകം; പരിചയ സമ്പന്നരും കഷ്ടപ്പെടണംindia vs sri lanka, sri lanka vs india, ind vs sl, sl vs ind, india sri lanka series, india sri lanka odi, india sri lanka preview, cricket news
The moderation of comments is automated and not cleared manually by malayalam.indianexpress.com