Latest News

‘പ്രതിഭാസമാണ് നീ’; ഇന്ത്യന്‍ താരത്തെ വാനോളം പുകഴ്ത്തി സച്ചിന്‍

ലോകകപ്പ് ക്രിക്കറ്റിലെ ആദ്യ സെഞ്ച്വറിയാണ് കെ.എൽ രാഹുൽ കഴിഞ്ഞ ദിവസം നേടിയത്

sachin tendulkar

ലണ്ടന്‍: ലോകകപ്പില്‍ ഇന്ത്യ കുതിപ്പ് തുടരുമ്പോള്‍ ഇന്ത്യന്‍ താരങ്ങളെ വാനോളം പുകഴ്ത്തുകയാണ് സാക്ഷാല്‍ സച്ചിന്‍ ടെന്‍ഡുല്‍ക്കര്‍. ലോകകപ്പിലെ അവസാന ഗ്രൂപ്പ് മത്സരത്തില്‍ ശ്രീലങ്കക്കെതിരെ സെഞ്ച്വറി നേടിയ ഇന്ത്യയുടെ ഓപ്പണര്‍മാരെ കുറിച്ചാണ് സച്ചിന്‍ ഇപ്പോള്‍ ട്വീറ്റ് ചെയ്തിരിക്കുന്നത്. തുടര്‍ച്ചയായി മൂന്ന് സെഞ്ച്വറികളും ഈ ലോകകപ്പില്‍ ഇതുവരെ അഞ്ച് സെഞ്ച്വറികളും നേടിയ രോഹിത് ശര്‍മയെ പ്രതിഭാസം എന്നാണ് സച്ചിന്‍ ട്വീറ്റില്‍ വിശേഷിപ്പിച്ചിരിക്കുന്നത്. ലോകകപ്പിലെ ആദ്യ സെഞ്ച്വറി നേടിയ കെ.എല്‍.രാഹുലിനെയും സച്ചിന്‍ പുകഴ്ത്തി. രാഹുലിന്റെ സെഞ്ച്വറി നല്ല സൂചനയാണെന്ന് അദ്ദേഹം ട്വിറ്ററില്‍ കുറിച്ചു.

Read Also: അത്യുന്നതങ്ങളില്‍ ഹിറ്റ്മാന്‍; സെഞ്ചുറിയില്‍ ചരിത്രനേട്ടവുമായി രോഹിത്

ഒരു ലോകകപ്പില്‍ ഏറ്റവും കൂടുതല്‍ സെഞ്ചുറികളെന്ന റെക്കോര്‍ഡ് ഇനി രോഹിത് ശര്‍മ കഴിഞ്ഞ ദിവസം സ്വന്തമാക്കിയിരുന്നു. ശ്രീലങ്കയ്‌ക്കെതിരെ 92 പന്തുകളില്‍ നിന്നും സെഞ്ചുറി നേടിയതോടെ ഈ ലോകകപ്പില്‍ രോഹിത്തിന്റെ സെഞ്ചുറി നേട്ടം അഞ്ചായി. ഇതോടെ കഴിഞ്ഞ ലോകകപ്പില്‍ നാല് സെഞ്ചുറി നേടിയ കുമാര്‍ സംഗക്കാരയുടെ റെക്കോര്‍ഡ് പഴങ്കഥയായി.

Read Also: ഇത് ബ്രസീലിനുവേണ്ടി ഒരുക്കിയ തിരക്കഥ; ആഞ്ഞടിച്ച് മെസി

കൂടാതെ ലോകകപ്പില്‍ ഏറ്റവും കൂടുതല്‍ സെഞ്ചുറികള്‍ നേടുന്ന താരമെന്ന സച്ചിന്റെ റെക്കോര്‍ഡിനൊപ്പമെത്തുകയും ചെയ്തു രോഹിത്. സച്ചിനും രോഹിത്തും ആറ് ലോകകപ്പ് സെഞ്ചുറികളുണ്ട്. ആറ് ലോകകപ്പുകളില്‍ നിന്നും സച്ചിന്‍ നേടിയ സെഞ്ചുറികള്‍ക്കൊപ്പം രോഹിത് എത്തിയത് രണ്ട് ലോകകപ്പ് മാത്രം കളിച്ചാണ്. ഈ ലോകകപ്പിലെ ടോപ് സ്‌കോറര്‍ എന്ന നേട്ടത്തില്‍ ഷാക്കിബ് അല്‍ ഹസനെ മറി കടന്ന് രോഹിത് ഒന്നാമതെത്തി. ഷാക്കിബിന്റെ 606 റണ്‍സ് മറികടന്ന രോഹിത്തിന്റെ ഈ ലോകകപ്പിലെ സമ്പാദ്യം 647 റണ്‍സാണ്.

Get the latest Malayalam news and Cricketworldcup news here. You can also read all the Cricketworldcup news by following us on Twitter, Facebook and Telegram.

Web Title: Sachin tweets about rohit sharma and kl rahul

Next Story
ICC Cricket World Cup 2019: ഇനി ലോകകപ്പ് കാലംICC World Cup 2019, Cricket World Cup 2019
The moderation of comments is automated and not cleared manually by malayalam.indianexpress.com